Mateus 10
ጌሻ ማፃፋ · Toque num versículo para ver as referências cruzadas.
ታማነ ናምኡ ሀዋረታ
1የሱሲ ታማነ ናምኡ ታማረታ ባኮ ፄግድ፥ ቱና አያናታ ከሳና መላነ ሀርገ ኡባ ፓና መላ ኤንታዉ ማታ እሚስ።
2የሱሲ ኪትዳ ታማነ ናምኡ ሀዋረታ ሱንይ፦ ኮይሮይ ጰፅሮሳ ጌተትያ ስሞናነ እያ እሻ እንድርያሳ፥ ዛብድዮሳ ናኣ ያይቆባነ እያ እሻ ዮሃንሳ፥ 3ፍልጶሳነ ባርተለሞሳ፥ ቶማሳነ ቃራፃ ቃንፅስያ ማቶሳ፥ እልፍዮሳ ናኣ ያይቆባ፥ ታድዮሳ፥ 4ባ ቢታስ ምሸትያ ስሞናነ የሱሳ አድ እምዳ አስቆሮታ ይሁዳ።
5ሄ ታማነ ናምአታ የሱሲ ኪትድ የድሸ፥ “አይሁደ ግዶና ደርያኮ ቦፕተ፥ ቃስ ሳማረታ ካታማካ ገሎፕተ። 6ሽን እስራኤለ ኬፈ ግድዳ ህን ይዳ ዶርሳታኮ ቢተ። 7ያ ብድ፥ ‘ሳሎ ካዎተይ ማታትስ’ ግድ ኦድተ። 8ሀርጋንቾታ ፓተ፥ ሀይቅዳይሳታ ሀይቆፐ ደንተ፥ ባሮ ሀርጋንቾታ ጌሽ ፓተ፥ ቱና አያናታ ከስተ። ህንተ ጮ ኤክዳይሳ ጮ እምተ። 9ህንተ ኪሰን ዎርቃ፥ ዎይኮ ብራ ሳንትመ ኦይኮፍተ። 10ህንተ ኦግያስ ካርፂቶ፥ ናምኡ አፍላ፥ ዎይኮ ጫማ ዎይኮ ፃምአ ኦይኮፍተ፤ ኦሳንቹዋስ ጋላሳ ካ ኮሼስ።
11“ህንተ እስ ካታማ ዎይኮ ጉታ ገልያ ዎደ ህንተና ሞክድ ኤካናዉ ኡፋይትያ ኡራ ኮይድ እያ ሶን ሸምፕተ፤ ህንተ ባና ጋካናዉ ያን ጋምእተ። 12ቃስ ኦደ ሶካ ገልሸ ሳሮተ። 13ሄ ኬይ ህንተና ሞክኮ ህንተ ሳሮዳ ሳሮይ ኤንታና ጋኮ፥ ሽን ኤንቲ ሞኮና እፅኮ ህንተ ሳሮዳ ሳሮይ ህንተዉ ጉየ ስሞ። 14ኦንካ ህንተና ሞኮናነ ህንተ ኦድያባ ስኦና እፅኮ ሄ ኬፈ ዎይኮ ሄ ካታማፐ ከይሸ ህንተ ቶሁዋን ደእያ ባና ፕትድ ከይተ። 15ታ ህንተዉ ቱማ ኦዳይስ፤ ፆሳ ፕርዳ ጋላሳን ሄ ካታማፐ ሶዶመስነ ጋሞራ ካታማታስ ፕርዳይ ካዉያና።
16“ታ ህንተና ዶርሳታዳ ሱመታ ግዶ የዳና። ሄሳ ግሾ፥ ሾሻዳ ጭንጫታ፥ ሆለዳ አዳታ ግድተ። 17አሳይ ህንተና ፕርዳ ዳይናታስ አድ እማና፥ ቃስ አይሁደ ዎሳ ኬን ህንተና ጋራፋና። ሄሳ ግሾ፥ ኤንታፈ ናገትተ። 18ታ ግሾ ግድ ህንተና ደርያ ሃረይሳታ ስንነ ካዎታ ስን ኤፋና። ኤንታ ስንንነ አይሁደ ግዶና ደርያ ስንን ኤቅድ ህንተ ታባ ማርካታና። 19ሽን ህንተና ፕርዳስ አድ እምያ ዎደ፥ ዎይግድ ዛርኖ ግድ ኡንኤቶፍተ፤ ሄ ሳትያን ህንተ ጋናባ ፆሳይ ህንተዉ እማና። 20አይስ ጊኮ፥ ህንተናን ኦደተይ ህንተ አዋ ጌሻ አያናፐ አትሽን፥ ህንተና ግደከታ።
21“እሻይ ባ እሻ፥ አዋይ ባ ናአ፥ ሀይቆስ አድ እማና፥ ናይት ባንታና የልዳይሳታ ቦላ ደንድድ ኤንታ ዎሳና። 22ታ ግሾ ግድ አሳ ኡባይ ህንተና እፃና፥ ሽን ዉርሰ ጋካናዉ ምንዳይ አታና። 23እስ ሄራፐ ህንተና ኤንቲ ጎድኮ ሀራ ካታማ ባቃትተ። ታኒ ህንተዉ ቱማ ኦዳይስ፤ አሳ ናአይ ያና ጋካናዉ፥ ህንተ እስራኤለ ካታማ ኡባ ካንከታ።
24“ታማረይ ባ አስታማርያፐ፥ አይለይ ባ ጎዳፐ አና። 25ታማረይ ባ አስታማርያ፥ አይለይ ባ ጎዳ ዳንኮ እያዉ ግዳና። ኬ ጎዳ ብኤል-ዘቡላ ጊኮ እያ ሶ አሳ ዋትድ ኢስድ ፄገኔ?
26“ህዛ፥ አሳስ ያዮፍተ። ካመትዳባይ ቆንጮና፥ ቆሰትዳባይ ጌሽ ከዮና አተና። 27ታኒ ህንተዉ ማን ኦድያባ ህንተ ፖኦን ኦድተ፤ ታ ህንተዉ ሀይን ካልካሽዳባ ዳባባን አዋጅተ። 28አሾፐ አትሽን፥ ሸምፖ ዎናዉ ዳንዳኦናይሳታስ ያዮፍተ። ሽን ሸምፑዋነ አሹዋ ጋናመን ይሳናዉ ዳንዳእያ ፆሳስ ያይተ። 29ናምኡ ቡበት እስ ሳንትመን ባይዘቶኮናዬ? ሀኖፐ አትሽን፥ ኤንታፈ እስናካ ህንተ ፆሳይ ጎና ደእሽን ሳአን ዎኩ። 30ሀር አቶሽን፥ ህንተ ሁጰ ብናናይካ ፓይደትድ ደኤስ። 31ህዛ፥ ዳሮ ቡበታፐ ህንተ አያ ግሾ ያዮፍተ።
32“አሳ ስንን ታዉ ማርካትያ ኡባስ ታንካ ሳሎን ደእያ ታ አዋ ስንን ማርካታና። 33ሽን አሳ ስንን ታና ካደይሳ ታንካ ሳሎን ደእያ ታ አዋ ስንን ካዳና።
34“ታኒ ሳአን ሳሮ ኤሀናዉ ይዳ ህንተዉ ዳኖፖ። ታኒ ቶራፐ አትሽን፥ ሳሮተ ኤሀናዉ ያቢከ። 35ታኒ ይዳይ፥
“ ‘ናኣ አዋፐ
ማጫ ናእዉ አየፐ
ናኣ ማችዉ አዝና አየፐ ሻካናሳ።
36አሳስ ሞርከት እያ ሶ አሳታ ግዳና።’
37“ታፐ አድ ባ አዋ ዎይኮ ባ አይዉ ዶሰይ፥ ታባ ግዳናዉ በሰና። ባ አደ ናአ ዎይኮ ባ ማጫ ናእዉ ታፐ አድ ዶሰይ፥ ታባ ግዳናዉ በሰና። 38ባ ማስቃልያ ቶክድ ታና ካሎና ኦንካ ታባ ግዳናዉ በሰና። 39ባ ሸምፑዋ አሻናዉ ኮየይ ይሳና፥ ሽን ባ ሸምፑዋ ታ ግሾ አድ እመይ አሻና።
40“ህንተና ሞከይ ታና ሞኬስ፥ ታና ሞከይ ቃስ ታና ኪትዳይሳ ሞኬስ። 41ናብያ ናበ ሱንን ሞከይ፥ ናብያ ዎይተታና፤ ቃስ ፅሉዋ ፅሎ ሱንን ሞከይ፥ ፅሉዋ ዎይተታና። 42ታ ህንተዉ ቱማ ኦዳይስ፤ ሀ ታ ታማረታፐ ጉፅያ እሱዋስ ታና ካልያ ግሾ ሀር አቶሽን ጉ እርፃ ሃ እምኮ እያ ዎይቶይ የና” ያግስ።

Você sabia?
Os doze enviados em missão
- Simão, chamado Pedro, e seu irmão André — o primeiro par nomeado entre os doze — eram pescadores de Betsaida, na costa ocidental do mar da Galileia. Tiago e João, citados em seguida, eram filhos de Zebedeu, um pescador da Galileia que tinha os próprios barcos e empregados.Fontes: o próprio texto bíblico · Simon Peter · Andrew · Zebedee
- Mateus, identificado na lista como o cobrador de impostos, era filho de Alfeu e antes era conhecido como Levi; recolhia impostos em Cafarnaum, e o nome Mateus significa “dom de Deus”. Tomé, nomeado ao lado dele, também era chamado Dídimo, o equivalente grego do nome hebraico, que significa “gêmeo”. Bartolomeu significa “filho de Tolmai” e, em geral, se supõe que seja a mesma pessoa que Natanael.Fontes: o próprio texto bíblico · Matthew · Thomas · Bartholomew
- Jesus adverte que o dia do juízo será mais tolerável para Sodoma e Gomorra do que para uma cidade que recusar os doze apóstolos. O Dicionário Bíblico de Easton (1897) descreve essas cidades da planície de Sidim como destruídas pelo fogo e proverbiais pela maldade, e as situa, provavelmente próximas uma da outra, perto da extremidade norte do que hoje é o mar Morto.Fontes: o próprio texto bíblico · Sodom · Gomorrah
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Créditos e licença desta tradução
ጌሻ ማፃፋ Gofa: ጌሻ ማፃፋ Bible of Ethiopia, Ethiopic script copyright © 2024 The Word for the World International Language: Goofa Contributor: The Word for the World International This translation is made available to you under the terms of the Creative Commons Attribution Share-Alike license 4.0. You have permission to share and redistribute this Bible translation in any format and to make reasonable revisions and adaptations of this translation, provided that: You include the above copyright and source information. If you make any changes to the text, you must indicate that you did so in a way that makes it clear that the original licensor is not necessarily endorsing your changes. If you redistribute this text, you must distribute your contributions under the same license as the original. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. Note that in addition to the rules above, revising and adapting God's Word involves a great responsibility to be true to God's Word. See Revelation 22:18-19. 2025-05-02
Fonte: http://ebible.org/gofe/ · eBible.org