Nations Bible

Mateus 9

Wycliffe Bible · Toque num versículo para ver as referências cruzadas.

Narração gerada por IA · texto: Wycliffe Bible (domínio público)

Jesus Heals a Paralytic

1And Jhesus wente vp in to a boot, and passide ouer the watir, and cam in to his citee. 2And lo! thei brouyten to hym a man sike in palesie, liggynge in a bed. And Jhesus saw the feith of hem, and seide to the man sike in palesye, Sone, haue thou trist; thi synnes ben foryouun to thee. 3And lo! summe of the scribis seiden withynne hem silf, This blasfemeth. 4And whanne Jhesus hadde seyn her thouytis, he seide, Wherto thenken ye yuele thingis in youre hertis? 5What is liytere to seye, Thi synnes ben foryouun to thee, ethir `to seie, Rise thou, and walke? 6But that ye wite that mannus sone hath power to foryyue synnes in erthe, thanne he seide to the sijk man in palesie, Rise vp; take thi bed, and go in to thin hous. 7And he roos, and wente in to his hous. 8And the puple seynge dredde, and glorifiede God, that yaf suche power to men.

Jesus Calls Matthew

9And whanne Jhesus passide fro thennus, he say a man, Matheu bi name, sittynge in a tolbothe. And he seide to hym, Sue thou me. 10And he roos, and folewide hym. And it was don, the while he sat `at the mete in the hous, lo! many pupplicans and synful men camen, and saten `at the mete with Jhesu and hise disciplis. 11And Farisees sien, and seiden to hise disciplis, Whi etith youre maister with pupplicans and synful men? 12And Jhesus herde, and seide, A leche is not nedeful to men that faren wel, but to men that ben yuel at ese. 13But go ye, and lerne what it is, Y wole merci, and not sacrifice; for I cam, not to clepe riytful men, but synful men.

Questions about Fasting

14Thanne the disciplis of Joon camen to hym, and seiden, Whi we and Farisees fasten ofte, but thi disciplis fasten not? 15And Jhesus seide to hem, Whether the sones of the spouse moun morne, as long as the spouse is with hem? But daies schulen come, whanne the spouse schal be takun a wei fro hem, and thanne thei schulen faste.

The Patches and the Wineskins

16And no man putteth a clout of buystous clothe in to an elde clothing; for it doith awey the fulnesse of the cloth, and a wers breking is maad. 17Nethir men putten newe wyne in to elde botelis, ellis the botels ben to-broke, and distried, and the wyn sched out. But men putten newe wyne in to newe botels, and bothe ben kept.

The Healing Touch of Jesus

18Whiles that Jhesus spak thes thingis to hem, lo! a prince cam, and worschipide hym, and seide, Lord, my douyter is now deed; but come thou, and putte thin hond on hir, and she schal lyue. 19And Jhesus roos, and `hise disciplis, and sueden hym. 20And lo! a womman, that hadde the blodi flux twelue yere, neiyede bihynde, and touchide the hem of his cloth. 21For sche seide with ynne hir self, Yif Y touche oonli the cloth of hym, Y schal be saaf. 22And Jhesus turnede, and say hir, and seide, Douytir, haue thou trist; thi feith hath maad thee saaf. And the womman was hool fro that our. 23And whanne Jhesus cam in to the hous of the prince, and say mynstrallis, and the puple makynge noise, 24he seide, Go ye a wei, for the damysel is not deed, but slepith. And thei scornyden hym. 25And whanne the folc was put out, he wente in, and helde hir hond; and the damysel roos. 26And this fame wente out in to al that loond.

Jesus Heals the Blind and Mute

27And whanne Jhesus passide fro thennus, twei blynde men criynge sueden hym, and seiden, Thou sone of Dauid, haue merci on vs. 28And whanne he cam in to the hous, the blynde men camen to hym; and Jhesus seide to hem, What wolen ye, that I do to you? And thei seiden, Lord, that oure iyen be opened. And Jhesus seide, Bileuen ye, that Y mai do this thing to you? Thei seien to him, Yhe, Lord. 29Thanne he touchide her iyen, and seide, Aftir youre feith be it doon to you. 30And the iyen of hem were opened. And Jhesus thretenede hem, and seide, Se ye, that no man wite. 31But thei yeden out, and diffameden hym thorou al that lond. 32And whanne thei weren gon out, loo! thei brouyten to hym a doumbe man, hauynge a deuel. 33And whanne the deuel was cast out, the doumb man spak. And the puple wondride, and seide, It hath not be say thus in Israel. 34But the Farisees seiden, In the prince of deuelis he castith out deuelis.

The Lord of the Harvest

35And Jhesus wente `aboute alle the `citees and castels, techinge in the synagogis of hem, and prechynge the gospel of the kyngdom, and helynge euery langour and euery sijknesse. 36And he siy the puple, and hadde reuthe on hem; for thei weren trauelid, and liggynge as scheep not hauynge a scheepherde. 37Thanne he seide to hise disciplis, Sotheli there is myche ripe corn, but fewe werk men. 38Therfor preye ye the lord of the ripe corn, that he sende werke men in to his ripe corn.

Ilustração artística — interpretação, não registro histórico.

Você sabia?

Misericórdia, cura e vinho novo

  • Mateus, filho de Alfeu, era publicano, ou seja, cobrador de impostos, em Cafarnaum. Jesus, ao subir da beira do lago, passou pela coletoria onde Mateus estava sentado e disse: “Segue-me”. Antes, ele era conhecido como Levi; nesse mesmo dia ofereceu um grande banquete, descrito como uma despedida, a Jesus, aos discípulos e, provavelmente, a muitos dos seus antigos companheiros.Fontes: Matthew · o próprio texto bíblico
  • Os que perguntam por que eles e os fariseus jejuam com tanta frequência, enquanto os discípulos de Jesus não jejuam, são discípulos de João Batista. João é chamado o precursor; era de descendência sacerdotal, seu pai Zacarias sacerdote do turno de Abias e sua mãe Isabel uma das filhas de Arão.Fontes: John the Baptist · o próprio texto bíblico
  • Uma cronologia situa a cura do paralítico, o chamado de Mateus, a pergunta sobre o jejum e a parábola dos odres no ano 28 d.C.Fontes: Healing the Man with Palsy · Jesus Calls Matthew · Fasting Question · Parable of the Winseskins

Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.

Lugares deste capítulo

  • Sea of Galilee · 32.819, 35.590 · versículo 1

Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).

Créditos e licença desta tradução
Wycliffe Bible
This is the Pentateuch and Gospels from The Holy Bible, containing the Old and New Testaments, with the apocryphal books, in the earliest English version made from the latin Vulgate by John Wycliffe and his followers. c.1395
Public Domain
Language: Middle English (English)
Dialect: Middle
Translation by: John Wycliffe
2016-11-08

Títulos de seção adaptados da Berean Standard Bible (domínio público); não fazem parte do texto bíblico desta tradução.

Fonte: http://ebible.org/engWycliffe/ · eBible.org

Fale com a gente

Conte de onde você lê, como a Bíblia tem te ajudado ou o que podemos melhorar. Lemos todas as mensagens.