Gênesis 47
Chiga Tevaen'Jema Atesuja 1, Aisheve Caña'cho · Toque num versículo para ver as referências cruzadas.
1Joséja faraónga condaye ja. Japa tise yaya, tise antiandeccu Canaánne jipa Gosén andeni nepi'choma condase. Nane tise'pa oveja, tise'pa vaura, pa'cco tise'pa an'bian'choma i'fa'chone condase. 2Tise antiandeccu'suma cincoveyi ttu'sepa faraónga canjaeñe anga cuintsu tise'pama atesuye. 3Tsonsi faraónjan José antiandeccuma iñajampaña:
—¿Jongoesuma qui semamba canse'fa?
Tsendeccuja condase'fa:
—Ingi quema shondosundeccuta gi ovejama coirasundeccu ingi tayopi'su coenzandeqquia'caeñi. 4Ingita gi ji'fa va andeni canseye. Nane Canaán andenijan tsain'bitssi qquipoesuite tsu ni ingi oveja an'jeña'cho shoshovive'qque me'i'on. Tsa'cansi chigáne ingi quema shondosundeccuma antteja Gosén andeni canse'faye.
5Tsonsi faraónjan Joséma su:
—Que yaya, que antiandeccu tsu quei'ccu canseye ji'fa. 6Va Egipto ande tsu pa'cco que ande. Tsendeccunga afeja Gosén andema cuintsu tseni canse'faye. Tsa tsu ti'tsse ñotssia ande. Toya'caen majama que ñotsse atesupa in'jan'da tsama mandaja cuintsu ña vaurama'qque coira'jeye.
7Joséja tise yaya Jacobma'qque faraónga anga cuintsu tisema'qque atteye. Jacobja faraónma ñotsse afapa chigambian. 8Chigambiansi faraónjan iñajampaña:
—¿Mañi canqque'fave qui an'bian?
9Jacobja su:
—Tayo gi ciento treinta canqque'fa va andeni jacamba canse. Nane re'riccoe vana'jen'ma canse. Tsa'ma toya gi ña tayopi'su coenzandeqquia'caen nepiaña'cho shaca.
10Tsa'caen afapa Jacobja faraónma chigambiamba tse'ttie sombo. 11Tsonsi Joséja faraón mandaqquia'caen tise'panga afe Egipto ande'su bove ñotssia andema cuintsu tseni canse'faye. Tsa'caen tsu tise yaya tise antiandeccu'qque Ramsés canqque jin'tti'su andema isupa canse'fa. 12Toya'caen Joséja anqque'suma'qque poiyi'cco tise antiandeccunga afe'je. Nane mañi'cco a'i fae ettini can'jen'chonga tsa'caen tsu afe'je.
José Egipto andema manda'cho
13Nane pa'cco andeni trigove metsse da. Qquipoesuiteja ti'tsse atapa'ñacca. Nane Egipto ande'su a'i toya'caen Canaán ande'su aindeccu'qque qquipoe'supa pa'je'fa. 14Joséja pa'cco a'i corifin'dima, egipto'su toya'caen canaán'su aindeccu trigoma chava'cho corifin'dima, boñamba faraón tsa'onga ñoñamba an'bian. 15Tsa'caen tsu egipto'su aindeccu, canaán'su aindeccu'qque corifin'dima metsse sefaen'fa. Sefaemba egiptosundeccuja Josénga japa su'fa:
—Chigáne inginga anqque'suma afeja. Ñotssimbi tsu que can anttesi ingi corifin'di me'chopa qquipoe'supa paye.
16Joséja pañamba su:
—Tsa'caen corifin'di me'chota que'i aiña'choma i'faja trigoi'ccu cambiañe.
17Tsa'caen susi egiptondeccuja tise'pa cavayo, oveja, vaura toya'caen boroma'qque Joséni anga'fa. Tsa'caen tsu Joséja trigoma cambian'jen pa'cco tsa canqque'fani. 18Tsa'ma tsa canqque'fa pasapa faesu canqque'fani ccase japa Josénga su'fa:
—Ñoa'me corifin'di metsse dapa gi quenga a'tieñe osha'fambi. Toya'caen ingi aiña'chondeccu'qque pa'cco tsu quembe'yi. Ja'ñojan me'cho'fa gi jongoesuma quenga afeya'chove. Jo'su ingi ande ingi ai'voveyi gi an'bian'fa. 19Ingi ai'vo, ingi andema'qque chavaja. Nane que trigoma afesi gi faraónmbe tsangae semasundeccuve dapa ingi andema'qque tise'beyi sema'faya. Toya'caen que qui inginga choma afe'jeya'cho ingi tsama jomba cansesi cuintsu tsa ande catiyembe cañe. ¿Ma'caen qui can antteya ingi tisu andei'ccu fae'ngae pa'faye?
20Tsa'caen su'fasi Joséja pa'cco Egipto andema faraónmbe chava. Nane tsa'caen tsu poiyi'cco egipto'su aindeccuja qquipoe'supa tise'pa andema chavaen'fa. Chavaensi pa'cco ande tsu faraónmbeve da. 21Tsa'caen tsomba tsu poiyi'cco egiptondeccu tsangae semasundeccuve da'fa. Nane poi Egipto canqqueni'su tsu tsa'caen da'fa. 22Jo'su egipto'su chigama afasundeccumbeveyi tsu Joséja chavambe pasa. Nane tsendeccungaja faraón tsu nanitsse trigoma afe'je. Tsa'caen faraón afe'jesi nanitsse an'jemba tsendeccuja tise'pa andema chavaen'fambi.
23Omboe Joséja aindeccunga su:
—Ja'ñojan que'i toya'caen que'i ande tsu faraónmbe. Tise'be gi ñajan chava. Voe gi afe'je choma que'i semamba andenga joñe. 24Tsa'ma tsama taipa cinco boñame boña'da tsu fae boñama faraónga afeya'cho. Faesu cuatro boña tsu que'i andenga jomba toya'caen que'i, que'i dushundeccu, poiyi'cco que'i'ccu canjensundeccu'qque an'jeña'cho.
25Tsama pañamba tsendeccuja su'fa:
—¡Queja ño'amba ingima ccushaensi gi avujatssi'fa faraónmbe tsangae semasundeccuve daye!
26Tsa'caen tsu Joséja manda antte cuintsu poi egiptondeccu tise'pa tai'cho'suma fae cincoccoeyi faraónga afe'je'faye. Tsa manda'choja toya tsu jincho. Tsa'ma egipto'su chigama afasundeccuja afepoen'jen'faya'bi, nane tise'pa andeja faraón isumbi'choa ande.
Pasa'pave Jacob in'jan'cho
27Israendeccuja Egipto ande'su Gosén andeni can'jemba tsao'ñamba canse'fa. Tsa'caen cansepa tsain'bitssi a'ive atapa'fa. 28Jacobja diez y siete canqque'fa pa'cco Egiptoni cansepa ciento cuarenta y siete canqque'fave nepian.
29Fae a'ta Israelja tise junde paya'choma atesupa tise dutssi'ye Joséma ttusengaye manda. Tise jisi su:
—Queja ñoa'metsse ñama ñotsse tsoñe in'jan'da que tivei'ccu ña ttena'go tsosiccufama pporaemba tansintsse su'chove afaja ñoa'me ña iñajan'choma tsoña'chove ña atesuye. Chigáne ña pasi ñama Egiptoni a'tujama. 30Ña tayopi'su coenzandeqquia'caen ña pa'ninda va Egipto ande'ye somboemba angapa tsendeccumbe atu'ttingayi ñama a'tuja.
Tsonsi Joséja su:
—Tsa'caen gi tsoña.
31Tsa'ma tise yayaja ccase quian'me su:
—¡Ñoa'metsse suja!
Tsonsi José ñoa'metsse susi Israelja tise ana'jen'cho'su asusu'chonga ccui.

Você sabia?
Um lar em Gósen
- José estabeleceu seu pai e seus irmãos em Gósen, a região que o faraó chamou de a melhor parte da terra. O mesmo distrito também é chamado terra de Ramessés; ficava a leste do Nilo, ao que parece não longe da residência real, embora a região hoje seja um deserto.Fontes: o próprio texto bíblico · Goshen · Rameses
- Quando o faraó perguntou qual era o ofício deles, os irmãos de José responderam que eram pastores, como seus pais, e pediram para ficar em Gósen, porque a fome em Canaã não deixara pasto para os rebanhos. O Easton’s Bible Dictionary (1897) identifica o faraó dos dias de José provavelmente como Apopi, o último rei hicso, e observa que os pastores eram uma abominação para os egípcios nativos, enquanto esses pastores asiáticos foram bem recebidos pelos hicsos; outros situam José no reinado de Tutmés III, muito depois dos hicsos.Fontes: o próprio texto bíblico · Pharaoh (of Joseph)
- Como a fome esgotou o Egito e Canaã, José recebeu o pagamento primeiro em dinheiro, depois em gado e, por fim, em terras, de modo que os campos passaram a ser do faraó e o povo foi reduzido à servidão. Ele não tomou a terra dos sacerdotes, pois o faraó já lhes fornecia as rações, e estabeleceu que um quinto da produção pertencia ao faraó.Fontes: o próprio texto bíblico
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Lugares deste capítulo
- Canaan · 32.767, 35.333 · versículos 1, 4, 13, 14, 15
- Goshen · Hoje: Goshen 1 · 30.799, 31.834 · versículos 1, 4, 6, 27
- Egypt · 30.129, 31.308 · versículos 4, 6, 11, 13, 14, 15, 20, 21, 26, 27, 28, 29, 30
Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).
Créditos e licença desta tradução
Chiga Tevaen'Jema Atesuja 1, Aisheve Caña'cho New Testament and Genesis in Cofán (EC:con:Cofán) copyright © 2012 Wycliffe Bible Translators, Inc. Language: Cofán Translation by: Wycliffe Bible Translators, Inc. Cofán con Ecuador Copyright Information ©Wycliffe Bible Translators, Inc. All rights reserved. This translation text is made available to you under the terms of the Creative Commons License: Attribution-Noncommercial-No Derivative Works. ( http://creativecommons.org/licenses/by-nc-nd/3.0/ ) In addition, you have permission to port the text to different file formats, as long as you do not change any of the text or punctuation of the Bible. You may share, copy, distribute, transmit, and extract portions or quotations from this work, provided that you include the above copyright information: You must give Attribution to the work. You do not sell this work for a profit. You do not make any derivative works that change any of the actual words or punctuation of the Scriptures. Permissions beyond the scope of this license may be available if you contact us with your request. The New Testament in Cofán ©Wycliffe Bible Translators, Inc. All rights reserved. This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2014-04-22
Fonte: http://ebible.org/conNTpo/ · eBible.org