Nations Bible

Salmos 145

Y CUATRO EBANGELIO SIJA YAN Y CHECHO Y APOSTOLES YAN Y SALMO SIJA · Toque num versículo para ver as referências cruzadas.

1Y Salmon Alabansa; iyon David. JUNADANGCULO jao Yuusso, O Ray; jubendise y naanmo para taejinecog yan taejinecog.

2Cada jaane jubendise jao; ya bae jualaba y naanmo para taejinecog yan taejinecog.

3Dangculo si Jeova, ya sumendangculo para umaalaba; ya y dinangculoña ti comprediyon.

4Un generasion ualaba y chechomo gui otro generasion, yan ujadeclara y matatnga na finatinasmo sija.

5Jujajaso ni y minalag na minagas y inenramo, yan y mannamanman y chechomo.

6Ya y taotao sija ujasangan y ninasiñan y namaañao na finatinasmo sija; ya guajo bae judeclara y dinangculomo.

7Ujasangan y majason dinangculon y minaulegmo, ya ufanganta ni y tininasmo.

8Si Jeova, cariñosogüe, yan bula minaase; ñateng para ulalalo, ya dangculo minaaseña.

9Si Jeova mauleg para todo: ya y cariñoso na minaaseña gui jilo todo y chechoña.

10Todo y chechomo uninalaba jao, O Jeova; ya y mañantosmo unmabendise jao.

11Ujasangan y minalag y raenomo, yan ufanguentos ni y ninasiñamo.

12Para ujanamatungo y matatnga na finatinasña sija gui lalajen taotao, yan y minalag y minagasña gui raenoña.

13Y raenomo, taejinecog na raeno, ya y gobietnomo gagaegueja para todo y generasion.

14Si Jeova mumantiene todo ayo sija y mamodong, yan jajatsa todo ayo y manetecon.

15Todo y atadog sija numanangga jao; ya jago numae sija nañija gui mauleg na tiempo.

16Unbaba y canaemo, ya unnafannajong todo y minalago y manlâlâlâ na güinaja.

17Si Jeova tunas güe gui todo y chalanña; ya cariñoso gui todo y chechoña.

18Si Jeova jijot gui todo ayo sija y umaagang gue; gui todo ayo y umaagang güe ni y minagajet.

19Güiya unafanbula y minalago ayo sija y manmaañao nu güiya: ujungog locue y inagangñija, ya usatba sija.

20Si Jeova jaadadaje todo ayo sija y gumaeya güe: lao todo y manaelaye uyulang.

21Y pachotto usangan y tinina as Jeova: ya polo todo y catne, ya utinina y santos na naanña, para taejinecog yan taejinecog.

Ilustração artística — interpretação, não registro histórico.

Você sabia?

Um Cântico de Louvor a um Reino Eterno

  • O Salmo 145 é intitulado como um salmo de louvor atribuído a Davi, enfatizando o dever de cada geração de proclamar as obras poderosas e o esplendor divino à geração seguinte.Fontes: o próprio texto bíblico
  • O salmo destaca o cuidado universal de Deus por toda a criação, descrevendo como todos os seres vivos dependem Dele para o seu sustento, enquanto Ele sustenta os que caem e Se achega aos que O invocam em verdade.Fontes: o próprio texto bíblico

Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.

Créditos e licença desta tradução
Y CUATRO EBANGELIO SIJA YAN Y CHECHO Y APOSTOLES YAN Y SALMO SIJA
The four Gospels, Acts, and Psalms in the Chamorro language of Guam and Northern Marianas Islands territories of the United States of America
Public Domain
Language: Chamorro
Translation by: American Bible Society
2015-01-02

Fonte: http://ebible.org/cha/ · eBible.org

Fale com a gente

Conte de onde você lê, como a Bíblia tem te ajudado ou o que podemos melhorar. Lemos todas as mensagens.