Gênesis 3
Buka Tabuna Tefadi · Toque num versículo para ver as referências cruzadas.
Heyaheyaya ena Aba Fatubu
1Guyau Yaubada suisui yekoyekodi ya ginaulidi, na ganahewana yai mate weso lau bwalabwala yai ya sonoga wananaha, habahim suisui hahaisa.
Weso ya libalau waihin lisina iyen,
Oyagi gabu yai ni wananaha Yaubada ya falibamiu, “Tabu uludi au anidi?”
2Waihin ya libalau weso lisina iyen,
Gonowana gabu yai oyagi uludi ꞌe anidi. 3In moho, Yaubada iyen,
Oyagi gabu atipuna yai, tabu au an yo tabu au eliꞌina, doꞌata haba ami peꞌi.
4Weso ya libalau waihin lebena iyen,
Ya bwala! Ibege au peꞌi. 5Yaubada ya sibai mate yena oyagi ni uluna ami an, matamiu haba sa lahalahai, yo umi haba doha Yaubada, be heyaya yo loholoho ami sibaidi.
6Oyagi uluna waihin ya ita mate ya fagado lelelehi, be iyen,
Yena E an, haba E sonoga.
Yo fede uluna ya losi be tefana ya an, na lahuna ana, tefana ya felen be ya an hinaga. 7Oyagi uluna tefana sa an, mate nuwadi sa tasoꞌe be sa nuwatuhu lobahi iti ma tau afaꞌafadi, yo fede oyagi doha kuhou mate lugudi sa hinoꞌidi, be sa liꞌodi.
8Hwaya ya biga, na gabu yai Guyau Yaubada ya laolaoma, ahena daguguna taumoho ni ma lahuna sa atahi, yo fede oyagi fatau bulubuluhidi yai sa alasimo.
9Na Guyau Yaubada ya yogalau taumoho lebena, iyen,
Um somo yai?
10Alinana ya fafuyo iyen,
Gabu yai ahem daguguna E atahi, na E ꞌwasabu, paꞌana yau ma tau afaꞌafagu yo fede E alasimo.
11Yaubada ya fatiꞌo, iyen,
Sai ya falibam ma tau afaꞌafam? Oyagi uluna E laugagayoꞌen, haꞌa wa an?
12Taumoho iyen,
Waihin wa tole maꞌegu, in, oyagina uluna ya felegu be E an.
13Yo fede Guyau Yaubada ya libalau waihin lisina iyen,
Somo wa ginauli?
Waihin iyen,
Weso ya bwalaigu be oyagi uluna E an.
Heyaya yo Ankamkamna
14Habahim, Guyau Yaubada ya libalau weso lisina iyen,
Paꞌana laulau ni wa ginauli,
kaumanana ya laowa hewam yai.
Suisui manamanasadi yo yekoyekodi ganahewadi yai
um haba heyaya laꞌilaꞌi wa fahoina.
Haba ai bogam wa felifeli.
Am kalahe, haba ma afusana wa an esegahi, fuya ouꞌouli.
15Um yo waihin yo ami hiti mulita haba ami fawaiyunu.
In haba kulum ya bwaꞌi golugolu,
Na um haba ahe geduna wa nali.
16Guyau ya libalau waihin lisina iyen,
Em fanatu yai haba kamkamna laꞌilaꞌi wa fahoina.
Kamkamna yai, haba nanatum wa yosidi.
Em gadosisi haba ya ota esegahi lahum lisina yai
be in haba am tanuwaga.
17Hinaga ya libalau Adam lisina iyen,
Oyagi uluna E falaugagayoꞌen mate tabu u an!
In moho, lahum alinana wa lau watan be uluna wa an.
Debam yai tanohi E kaumananaen.
Gabu yai haba hawa nulinulidi sa tala inꞌin,
na haba wa ankamkamna,
be kalahe wa lobahi,
yo somo iyabodi sa in hinaga, am kalahe.
19Haba wa an muyahasa
yo wa paisowa adidili
be kalahe wa lobahi, ya lau ee–,
ai muli haba wa peꞌi, wa fuyo tanohi.
Paꞌana tanohi yai E falasam.
Um afusa, be yena wa peꞌi haba wa famala afusa.
20Adam lahuna hesana ya tole, Iwa paꞌana in tau mwahumwahuli tinadi.
21Habahim edi kaleko suisui ꞌwapidi yai Guyau Yaubada ya ginaulidi, be ya faliꞌodi.
Adam yo Iwa, Guyau ya Weꞌaidi Iden Gabuna yai
22Habahim, Guyau Yaubada iyen,
Dodoga te sa famala doha Ita, paꞌana loholoho yo heyaya haꞌa sa sibaidi. Tabu nimadi ti lolon be mwahuli oyagina uluna ti abi be ti an. Doꞌata, haba sa miya ee–, hige anadan. (Aba Fatubu 2:9)
23Yo fede Guyau Yaubada ya weꞌaidi Iden Gabuna yai. Tanohi lisina yai ya falasadi, mate lisina yai, hinaga adi sa uma. 24Yaubada, gabu yai ya lau weꞌaidi, mulina yai gabu tefa saisaina yai, anelu ya toledi, hesadi Selubim. Baineti ya ala balabalelem hinaga ya tole ya taꞌitaꞌiꞌili asiꞌasi tefa ouꞌouli yai, be mwahuli oyagina edaꞌedana ya gudu.

Você sabia?
A queda e o exílio do Éden
- Uma referência tradicional explica Adão como “vermelho”, palavra babilônica usada como nome genérico do homem, com o mesmo sentido em hebraico e em assírio, e liga o nome ao fato de ele ter sido formado do pó da terra. Neste capítulo essa origem volta na sentença: ele trabalhará pelo alimento até voltar ao solo, pois é pó e ao pó tornará, e é enviado a cultivar a terra de onde foi tomado.Fontes: Adam · o próprio texto bíblico
- Neste capítulo Adão dá à sua mulher o nome Eva, que significa “vida” ou “vivente”, porque ela seria a mãe de todos os viventes.Fontes: Eve · o próprio texto bíblico
- A localização do jardim do Éden, de onde o homem é expulso neste capítulo, tem sido muito discutida: já se propôs a Armênia, a região a oeste do mar Cáspio, a Média, as proximidades de Damasco, a Palestina, o sul da Arábia e a Babilônia. Uma nota geográfica tradicional procura o lugar ao longo do Tigre e do Eufrates, na terra de Sinar, ou Babilônia.Fontes: Eden · o próprio texto bíblico
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Créditos e licença desta tradução
Buka Tabuna Tefadi Mark, Acts, and selected excerpts of the Old Testament in the Buhutu language of Papua New Guinea Buk Baibel long tokples Buhutu long Niugini copyright © 2015 Wycliffe Bible Translators, Inc. Language: Buhutu Translation by: Wycliffe Bible Translators This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2015-10-06
Fonte: http://png.bible/bxh/ · eBible.org