Mateus 8
A Nitana Vure · Toque num versículo para ver as referências cruzadas.
A Bakovi i Giloa na Patala
1Na tahuna e Isu i raga na lolo, a bakovi ala kupo hateka ri muri vona. 2A bakovi tara i ratapilea a patala i valai, i turume puru na matane Isu, i ta maea, “Bakovi Dagi, ioe bara o ngaru, o vakamatapado iau.”
3Lakea e Isu i toto talea a limana, i padoia, i ta maea, “Iau a ngaru. O matapado.” I malaviriri kunana i malaharuri vona a patala. 4Muri e Isu i takia, “Naha ni takia tara viri. O vano o vakasiri ioe na prister. Muri o habi a nihabi vomu, i manga a hini e Moses i taki hosi. Lakea e huriki ri gi matakilaka vona ioe ni vakamatapado pali.”
A Vora na Ubu
5Na tahuna e Isu i dili o Kapernaum, a ubu na tara na nugumaheto i valai vona, i takia ge koria, 6i ta maea, “Bakovi Dagi, a vora nau a pea na tanga. I mate a limana a vahana, i bole a nimadihi dagi.”
7Lakea e Isu i takia, “Ga lokovonga, ga vakamahuria.”
8Pali a ubu i koli i ta maea, “Bakovi Dagi. I uka ma iau a bakovi kamumu go valai na ruma nau. O ta kunana, bara i mahuri a vora nau. 9A ta maea, a vuhuna iau a longototo e huriki a bakovi dagi nau. E huriki a nugumaheto a matakari ria, ria ranga ri longototo iau. Bara takia a viri tara ge vano, bara i vano kunana. O a takia ge valai, bara i valai kunana. A takia a vora nau ‘o ratea a maki iea,’ bara i rata kunanea.”
10Na tahuna e Isu i longoa a ngavana bakovi iea, i turutu. Lakea i taki e huriki ri muri vona, i ta maea, “A taki muholi mua, i uka ma a masia ma tara bakovi o Israel ge luhoi torea a Vure ge manga a bakovi iea. 11A taki mua, e huriki ala kupo i uka ma ria a Iuda bara ri valai na tabeke lobo na malala, bara ri made turane Abraham, e Isak, e Iakop na habu na harikianga na hunu. 12Pali e huriki a Iuda, ra ri made muga na harikianga bara ni tono tala na uvo. Bara ri tangi, i vaheri mavonga a ngine ria a vuhuna i madihi a hatene ria.”
13Muri i takia a ubu, i ta maea, “O hamule! Bara i bele manga a hini o luhoi tora ge bele.” Na kilala iea kunana, a vora vona i tavaga.
E Lahuane Petrus
14Muri e Isu i lakea na ruma ne Petrus. Na tahuna i bele, i masia e lahuane Petrus, a ngatavine, i mahita na kiri, i rongo a kulina. 15Lakea i padoia a limana ngatavine, i lobo a gilanga vona. Lakea a ngatavine iea i pesi rike, i vakatubu ni gutu a maki ni kani ne Isu.
16Na malunga ni tuli valai vona e huriki i dili ne ria a hanitu. I taki e huriki a hanitu ri gi ha, lakea ri ha. I vakamahuri e huriki ri giloa. 17Na naro iea kunana i bele muholi a nita i herea a propet e Isaia hosi, i ta maea,
“I korimule hita na gilanga,
i vakamahuri hita.”
A Naro Ni Muri Mai e Isu
18Na tahuna e Isu i matai e huriki ala kupo ri pesi haluia, i taki e huriki a murimuri vona ri gi rike na aga, ri gi polo lakea na tabeke tara na darilomu. 19Muri tara mari na vinara na lotu i valai vona i ta maea, “Mari ni tovo. I vai a hini go lakea vona, ga muri mai ioe kunana.”
20Lakea e Isu i koli i ta maea, “A kaugara i tahoka a dupina i mahita vona. A kadirovo i tahoka a nuna i mahita vona. Pali a Tuna Bakovi i uka ruma ge mahita vona.”
21Muri a murimuri tara i takia, “Bakovi Dagi, ga vano taro, ga tanua e tata.”
22Pali e Isu i koli maea, “E huriki ri made na uvo ri manga e huriki a viri ri mate pali. O taparaki ria ri gi tanu e huriki a viri ne ria. Pali ioe, o muri mai iau.”
E Isu i Vakamalilo a Dari
23Muri e Isu i rike na aga turana e huriki a murimuri vona. 24I bele vakaturutu ne ria vavo na dari a vala, a vilu dagi. I bolu hateka a dari, i dili na aga. Pali e Isu i mahita. 25E huriki a murimuri vona ri vangoa, ri ta maea, “Bakovi Dagi, o korimule hita, ma ga si gi pasiri!”
26E Isu i koli, i ta maea, “I navai mu mangenge? I uka ma mu luhoi tora hateka.” Muri i pesi rike i tahate a vilu a dari, ru pasi valo puru, a dari i malilo liu.
27Ri turutu, ri vanana, “Ia a bakovi navai? A vilu a dari ru longototoa.”
E Isu i Kori a Bakovi ala Rua
28Ngane e Isu i bele na tabeke tara na Darilomu e Galili, na robo ne huriki a Gadare. Na tahuna i bele, i pugai a bakovi ala rua, ru pagitala na murine huriki ri mate. A bakovi nga, i dili ne rua a hanitu. E huriki ri mangenge ni polo vonga, a vuhuna ru rata tuhare hateka. 29Lakea ru gale dagi, ru nanea, “Tuna Vure, a ra go ratea ne mia? A parava a Vure ge pelekado mia i tabana. Pali i navai o valai malaviriri go vakamadihi mia?” 30A kabuna boro i kani tabukoi. 31Lakea e huriki a hanitu ri nana torea e Isu, ri ta maea, “Ioe go lili tala mia, o rudu mia mi gi dili na kabuna boro nga.”
32Lakea e Isu i ta maea, “Mu vano!” Lakea e huriki a hanitu ri pagitala ne rua, ri dili na kabuna boro. Lakea a maka boro ri nunu puru mai a gali, ri to na darilomu, ri pasiri. 33E huriki a matakari na boro ri ha. Ri nunu lakea na tanga, ri vakalongo e huriki vonga a maki i bele na bakovi ala rua nga, ra i pagitala ne rua a hanitu. 34Muri e huriki na tanga dagi ri pagitala ri gi masia e Isu. Na tahuna ri masia, ri tonoa ge pe a tabeke ne ria, ge vano.

Você sabia?
Curas, fé e o mar
- Cafarnaum, cidade em que Jesus entra neste capítulo, era uma cidade da Galileia que não aparece no Antigo Testamento. O Easton's Bible Dictionary (1897) diz que ela se tornou a “sua própria cidade” depois que ele deixou Nazaré, e inclui o pedido do centurião e a cura na casa de Pedro entre os acontecimentos ali situados.Fontes: Capernaum · o próprio texto bíblico
- Jesus diz que muitos virão do oriente e do ocidente para participar do banquete com Abraão, Isaque e Jacó no reino dos céus. O Easton's Bible Dictionary (1897) apresenta Abraão como filho de Terá e herdeiro das promessas, Isaque como o único filho de Abraão com Sara, e Jacó — também chamado Israel — como o filho gêmeo mais novo de Isaque e Rebeca.Fontes: o próprio texto bíblico · Abraham · Isaac · Jacob (Israel)
- Mateus apresenta as curas daquela noite como cumprimento do que foi dito por meio do profeta Isaías: “Ele tomou as nossas enfermidades e carregou as nossas doenças.” O Easton's Bible Dictionary (1897) identifica Isaías como filho de Amoz, que profetizou nos reinados de Uzias, Jotão, Acaz e Ezequias.Fontes: o próprio texto bíblico · Isaiah
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Lugares deste capítulo
- Gadara · Hoje: Umm Qais · 32.656, 35.679 · versículo 28
Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).
Créditos e licença desta tradução
A Nitana Vure Genesis, Exodus, Leviticus, Numbers, Deuteronomy, Joshua, Ruth, Jonah, and the New Testament in the Bola language of Papua New Guinea Sampela hap Buk Baibel long tokples Bola long Niugini copyright © 2011 Wycliffe Bible Translators, Inc. Language: Bola Translation by: Wycliffe Bible Translators This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2014-12-03
Fonte: http://png.bible/bnp/ · eBible.org