Nations Bible

Marcos 3

Ghayavi Mak · Toque num versículo para ver as referências cruzadas.

Yesu koroto ima sirasiraghena ivi yawasi

1Mara sago Yesu dam Jiu asi vi beyebeyena ku numana irui meme, ma koroto ima sirasiraghena na imakemake na ikitai. 2Parisi* ruwamtousi asi kayowana da iti waroi, ma ikitakita nunura bubuni da ita kitai koroto ima sirasiraghena iti yawasi Sabati* yai.

3Ma Yesu koroto ima sirasiraghena ikiya, “Ke meira riya rava maghinosi yai kwa meiri.” 4Bade nani ravasi ivi taraviresi ivavo bo, “Avai ita vigheiyena ivagheineta da Sabati* yai ta berai: Bera beibina ta berai bo bera berona ta berai? Bo ti yawasa bo ti siraghena?” Bade iya iyai ita ki potei.

5Ma ere nuwaghisina ikita kwavikwavivirosi. Tousi nuwanuwasi ibagibagi sasara, ma touna kubina Yesu nuwanuwana ibero. Bade ivavo koroto ima sirasiraghena kurina, “Imam keta roroni.” Ma imana ita roroni ma iyawasa.

6Vagheina ma Parisi* mara sago kava ivomeiri ma inae Herod ina dam* kurisi ma sausau keta inegwai da Yesu iti waroi ma iti siragheni.

7Yesu ma ina touvotaghotagho meiteni ine seirana yawawa* ku magamina, ma numaduba Galili yai iwagisei. Rava ipesari sasara Yesu bera iberaberai na varana ivi yanei, ma vagheina ma rava ipiti kuriya Jiudiai, Jerusalem yai, Idumeai, ma dobu tupana yavu idamana Jodan nevaneva nai ma ighae Taiya ma Saidon ririvisi yai. 9Rava ipesari sasara ivi yawasisi, ma nuke rava gubagubagisi ivivi vo duduwana da ita votovoni kubina. Vagheina ma rava igugugu sasarei kubina ina touvotaghotagho ikisi da waga sago ita kitai da iti yapakei. 11Meni dobunai kanuma berosi ikitakitai na kae kunukununai itawatawayesi ma iruru kwatu kurina, “Tam na Meimeituwa natuna!” 12Bade Yesu iki kikiraki yesi da iya ini sisiya da touna iyai.

Yesu Ina Aposol* Ivinesi

13Yesu ighe koya ku tepana ma ina kayowana korokorotosi ighoresi ipiti kuriya, ma ipiti kurina. 14Korokoroto asi vi 12 ivinesi da ita ta gwabiya ma ivi wavasi aposol*. Ivavo kurisi, “Aku kayowana da tami kona ta gwabiku, ma muriyai ana kitawayemi kona ka sibau da varaku rava kona ki veresi.” 15Ma maragata iveresi da kanuma berosi rava itowatowasi na ini ka sibunisi. 16Asi vi 12 ivinesi na kasi wava na weni:

Saimon (iyai Yesu ighorei na Pita)

17Sebedi natunatuna Jems ma teina kiki Jon, Yesu ivi wavasi Boanejas (touna iyamna na ‘warikeyakeya natunatuna,’)

18Anduru,

Pilip,

Batolomiu,

Matiu,

Tomas,

Jems, Alfius natuna,

Tadius,

Saimon na Selot

19ma Judas Iskariot iyai Yesu ivi benabenamei.

Rava Ivavo Da Yesu Na Kanuma Berosi Ibadebadei

20Ma bade Yesu ma ina touvotaghotagho ku numa sinena irui, ma bade numaduba iriyei, ma tousi iya kovokovoghina da ita kam. 21Maranai ina dam nuke ivi yanei kubina na ivavo, “Isanene bo,” ma ivo meira da ita nae matepona ita vowai ma ita ruteni. 22Touvibeyebeyena Mosese ina vigheiyena yai ruwamtousi Jerusalem yai isoru ma ivavo bo, “Touna na kanuma berosi asi bada Bielsibab ibadebadei! Touna ina maragatai Yesu eberaberai da kanuma berosi ikasibunisi.”

23Ma Yesu ighoresi ma meibai ivi sisiya kurisi, ivavo bo, “Ikimakava Seitan ita berai da Seitan iti kasibuni? 24Mike da keivavo touna mani ita meiri tavirei ma touna mani iti ghaviya meyei nana nani keivavona iya kovokovoghina da ita meiri. 25Ma nuke bade dam ita meiri tavirei ma iti ghaviya meyei nana nani dam na iya kovokovoghina da ita meiri. 26Ma mike da Seitan ina dam tousi mani ita yaraghisi ma iti ghaviya meyesi kara iya kovokovoghina da ita meiri. 27Weni na meiba sago Seitan ina bera: Iya iyai kara ina rui koroto maragasina ina ku numa ma ina purapura ina yapi. Kegha da kununa ina patuma kikini ina kenakena ma muriyai da ina numai ina yapi. 28Weni na sisiya keimatana akiki bubunimi. Meimeituwa kara kovokovoghina rava avai eberaberai, isisiya wapawapa bo igibowa rava kurisi na ina nota kuputei. 29Ma bade rava iyai Kanuma Vokuwayina ini gibowei, Meimeituwa kara iya kovokovoghina ina nota kuputei ma ina bera bero ina make vaghata.” 30Yesu weni nuke ivi sisiya kanuma berosi ivivi ka sibunisi na Kanuma Vokuwayina ina maragatai, ma tousi na ivivi sisiya wapawapa ma Kanuma Vokuwayina ivivi gibowei* kubina rava ivavavo bo, “Kanuma berona itowai.”

Yesu Ina Dam Wosina

31Ma bade Yesu ina maduwa ma teiteina yoghoyogho isegha ma matarai ivivi meiriyana, ma rava sago ikitawa yei da Yesu ita kiya da ita kasibau kurisi. 32Numaduba irakata sasara Yesu imake garigariya, ma nani ravasi ikiya, “Am maduwa ma teiteim yoghoyogho matarai ma enegwanegwam.” 33Iki potesi ma ivavo, “Aku maduwa ma teiteiku yoghoyogho na iyavo?” 34Bade ikita kwa viviro rava kae kunukunu nai imakeni, ma ivavo bo, “Kovi yana! Weni na aku maduwa ma varevaresiku! 35Iyavo Meimeituwa ina keta ekivikivini na varesiku, novuku, ma aku maduwa.”

Ilustração artística — interpretação, não registro histórico.

Você sabia?

Multidões, os Doze e a acusação de Satanás

  • Vários dos homens que Jesus designou como os doze tinham sido pescadores na Galileia. Simão, a quem ele deu o nome de Pedro, e seu irmão André eram de Betsaida; Tiago e João, filhos de Zebedeu, pescavam em sociedade com Pedro. Jesus chamou esses irmãos de Boanerges, “Filhos do Trovão”; o Dicionário Bíblico de Easton (1897) diz que provavelmente receberam esse nome por causa da ousadia e da energia deles.Fontes: Simon Peter · Andrew · James (Son of Zebedee) · o próprio texto bíblico
  • Pessoas se apertavam vindas da Galileia, da Judeia, de Jerusalém, da Idumeia, de além do Jordão e da região de Tiro e Sidom, porque tinham ouvido o que Jesus fazia. Tiro e Sidom eram antigas cidades fenícias no Mediterrâneo; Sidom ficava cerca de vinte e cinco milhas ao norte de Tiro. Sob os romanos, a Judeia era a mais meridional das três divisões da Palestina, distinta da Galileia.Fontes: o próprio texto bíblico · Tyre · Sidon · Judea
  • Escribas que tinham descido de Jerusalém diziam que Jesus estava possuído por Beelzebul e que expulsava demônios pelo príncipe dos demônios. Ele respondeu perguntando como Satanás pode expulsar Satanás. Satanás significa “adversário” ou “acusador”; no Novo Testamento o nome é usado de forma intercambiável com o diabo, e o Dicionário Bíblico de Easton (1897) também o chama de Beelzebub.Fontes: o próprio texto bíblico · Satan

Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.

Lugares deste capítulo

  • Galilee · 32.760, 35.527 · versículo 7
  • Judea · Hoje: Judea 1 · 31.777, 35.234 · versículo 7
  • Idumea · 31.525, 35.102 · versículo 8
  • Jerusalem · 31.777, 35.234 · versículos 8, 22
  • Jordan · Hoje: Jordan River · 31.761, 35.558 · versículo 8
  • Sidon · Hoje: Sandikli archaeological site in Sidon · 33.561, 35.372 · versículo 8
  • Tyre · 33.271, 35.196 · versículo 8

Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).

Créditos e licença desta tradução
Ghayavi Mak
The Gospel of Mark in the Ghayavi Language of Papua New Guinea
Buk Mak long tokples Ghayavi long Niugini
copyright © 2010 Wycliffe Bible Translators, Inc.
Language: Ghayavi
Translation by: Wycliffe Bible Translators
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2014-06-02

Fonte: http://png.bible/bmk/ · eBible.org

Fale com a gente

Conte de onde você lê, como a Bíblia tem te ajudado ou o que podemos melhorar. Lemos todas as mensagens.