Nations Bible

Rute 3

Tareka Buka · Toque num versículo para ver as referências cruzadas.

1Ina ata saiki daramuabere ro nou iato gemowapotai, ‘Oro mo mutu komidiro modobo pua nedi tau ro nato, oro modobo ie simara moto ato komidiro, oro simara uramu ro kiauri ie mea mino to. 2Nedi tanaro ro ba-dosioidiro abora duwo. Oro ba-dou bari ohona kisioidiro moro to, Boasi iato ama-owea-ri, oro keba se durupi ba-deremododiai. Ina piro se ba-dodori nou norou kutua moro ba-deibimai. Taie nou norou nama-utua-ri oro nato ba-dabu obotama sairo rido ba-demowatateai, nou edi sairo pepedi ro oro nato ba-dutua. Nou nimo karima boinana ie. Oro nou ro nama-owea-ri nou owera se ba-dirowidiro.’

5Eterera ro ibo, ‘Anama-isioidiro-ri oro ro beda sosoro owera to aro-die.’

6Taie Ruti iato gaimai Boasi aboto nou a-gou bari ohona kisioidiro moro to, goto didiri ato na-owamo. 7Nou neido na-gou, nou ro Boasi se gowea. Nou ohona kiho ro na-gamidimai, kamade mutu obotama to karatimai, norou aise gutuwa, bari soirio abato.

Edi tau ro nato nou norou gorobu, Ruti neido na-gou nou ro obotama aise gemowatateai sairo aboudo. Taie nou sairo pepedi ato aise gutua iato imese gorobu.

8Taie duwo turi Boasi na-geribuwa-ro nou a-giwagogorai, durupi musuga a-gotobowa-rimo. 9Nou ro ibo, ‘Oro etu ra?’

Ina Ruti ro ibo, ‘Mo Ruti buro ie. Oro mo uramu karima boinana ie, mo oro ro ba-dapopo-ro, ina mea mino to ba-diauri-ro.’

10Boasi ro ibo, ‘Oro Iawe ro korosa ba-momia. Oro mea tanaro ta-wisioidirotiti Erimereki urubia aboto. Abora oro ubi tato ie ata sabowa osio ata ro kedea, oro auna ia nirimagare owawea-die nimo Erimereki urubia aboto. 11Oro kimaragoidiro siriosirio na ie, oro urubia ro morobise orobo to asoro-dumo. Oro ubi tanaro mo ro anama-isioidiro-ri 12kaupoti dodio nou e, ata dubu tomidiro oro uramu karima boinana ie, etu umoro ra oro nou ro ama-edea-ri. Oro nou ro kedea tato, ina oro mo ro anama-edea-ri. Mo kowaroho anama-ou-ri iedi dubu ro nou aboto. Oro nou ro kapopo tato, goto kere mutu, ina oro mo ro anamadi-apopo-ri. Iawe idaibo tau ato na-omidiro, mo ro nou anama-isioidiro-ri. Taie ba-dorobu womu tato saiki bani namadi-iwotowa-ri.’

14Saiki bani na-giedea-ro Ruti ioudo na-geribua-ro 15Boasi ro ibo, ‘Eputa obotama debedai-ro, goto ato dosowa.’

Iato nou ro aise gosioidiro. Bari ohona Boasi ro obotama to iato gemawiriti. Nou ro gemowoubua, Ruti ro imese giwidiai daramuabere aboto.

16Ruti na-gorowateai, daramuabere ro ibo, ‘Tanaro beda sosoro ororosioidiro-dumo?’

Ina nou ro ibo gemowameai, ‘Mo ta-nou bari ohona kisioidiro moro to, Boasi iato nowea, ina nou ro utura-die ibo, “Oro uramu karima boinana iedi dubu ro nou ro kedea tato, oro mo ro anama-edea-ri.” 17Bari ohona nou ro nimia-madie neitiro. Mabu nou ro ibo, “Oro modobo pua korowameai kawa korowameai daramuabere aboto.”’

18Naomi ro ibo, ‘Mona ia mo besere, oro kimaragoidiro tato se, oro ba-deremasebidiro, iedi dubu ro owera beda sosoro ro aro-die, idaibo sosoro tanaro abora nou ro ama-isioidiro-ri.’

Ilustração artística — interpretação, não registro histórico.

Você sabia?

Rute na Eira

  • A debulha e a limpeza da cevada costumavam ser feitas ao entardecer, quando os ventos ajudavam a separar o grão da palha. Proprietários como Boaz passavam a noite na eira para dormir perto dos montes de cereal colhido e proteger a colheita.Fontes: o próprio texto bíblico
  • Rute pediu a Boaz que estendesse a ponta de sua capa sobre ela, um gesto que simbolizava proteção e casamento segundo o costume do resgatador familiar. Boaz elogiou seu caráter e lealdade por não procurar homens mais jovens.Fontes: o próprio texto bíblico · Boaz
  • Embora Boaz fosse um parente rico de Noemi e de seu falecido filho Malom, ele explicou que havia outro familiar com parentesco mais próximo, o qual tinha a prioridade legal no dever de resgate.Fontes: o próprio texto bíblico · Boaz · Ruth

Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.

Créditos e licença desta tradução
Tareka Buka
Portions of the Holy Bible in the Bamu language of Western Province, Papua New Guinea
Buk Baibel long tokples Bamu long Niugini
copyright © 2023 SIL Papua New Guinea
Language: Bamu
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2026-08-26

Fonte: http://png.bible/bcf/ · eBible.org

Fale com a gente

Conte de onde você lê, como a Bíblia tem te ajudado ou o que podemos melhorar. Lemos todas as mensagens.