Nations Bible

Mateus 6

Alyawarr Bible · Toque num versículo para ver as referências cruzadas.

Tnakelhey-angenh

1“Mwerr-arrpantey tnakelhey-angenh, arraty-angkwarr nga anetyek, ingwer-rnemel arrenhantherr awekerr. Arrantherr tnakelhenty, Akngey irrwerl-arenyel arrenhantherr nthakenh arntarnt-arey-angenh.

2Ntwa irrpern-rnem man anthenty, ingwer-rnem akarriley-angenh, rernem ngenh aretyek. Apmwangkwarr alheyel-rnem rernem alakenh tnakelheyel, tyaty akely kwenel iwerr impalthel, ingwer-rnemel renh-rnem aretyek, tnaketyek. Atha arrenhantherr arraty ileyel, Akngeyel renh-rnem anthey-angenh.

3Ntwa irrepern-rnem arnkwa anthenty anyelkel-antey, tnakelhey-angenhel, ingkerrenhel ngenh arekerr, 4Akngeyelant ngenh aremel, rap ngenh arntarnt-arem arrpemarl.”

Alakenh Akngey-warl angkaynta

5“Ingwer-rnem alhem tyaty akely-rnem-warl, aketh-warl, Jew-rnem angkerreyel-warl. Akngerr akarrirrenty, rernem angkem Akngey-warl, ingwerel-rnem renh-rnem mwerr-arrpantey aretyek, tnaketyek. Rernem tnakelheyel. Akngey alakenh-kety arlkarirreyel. Kel ra renh-rnem arntarnt-arey-angenh.

6Ament Akngey-warl angkenty mwerrarl. Akngey ilkelheyel, ngenh arntarnt-aremarl.

7Arrantherr aleth-antey angkey-angenh, artwa ingwer-arenyel-rnem angka akngerrileyel-apeny ingkart ikwer-rnem-kenh-warl. 8Aleth angkey-angenh, rernem angkeyel-apeny. Anyent-inger-antey angketyek, kel ra ngenh aweyelarl. 9Arrantherr alakenh ayernem, ‘Akngey anwekantherrenh, ngarl irrwerl aneyel. Ingkerrenh akalty-antha, anwantherr ngenh arraty iterl-aretyek. 10Apey-alha, ingkerrenhek ingkart anetyek. Ingkerrenh arratyila, ngkweng awelhetyek, irrwerl-areny ingkerrenh ngkweng awelheyel-apeny. 11Anwenhantherr intem-antey amern antherl-aynta. 12Apmwa anwekantherrety iwa, anwernantherr arratyilerretyek, mwerrant-arey anwernantherr anetyek. 13Anwernantherr apmwewarl irrekerr atnyena. Arrenty anwernekantherr irrpelthirreyelarl-kety, anwernenhantherr arntarnt-ara.’”

14Jesus-el renh-rnem ilek, “Arrantherr ingkerrenh mwerrant-arey-anem anetyek atwerrey-angenh, Akngeyan arrekantherr ingkerrenhek inkwerelhem, apmwa ingkerrenh-kety, arrekantherrety Akngeyel iwem. 15Arrangkwelan, Akngeyel apmwa arrekantherrety iwey-angenh.”

Rernem amern-kety ipmelhetyek

16“Ingwer-inger amern-kety ipmelhem, amernekant aleth iterrey-angenh, Akngeyekant iterrerl-ayntetyek. Ingwer-rnem artwerrety anew-aneyel, irrepern antwelhemel. Akngey ikwer-rnem inkwerelhey-angenh, renh-rnem angkep anthey-angenh. 17Alakenh amern-kety ipmelhenty, artwerrety aney-angenh. Inngerr lhewelhem apmelerreny-angkwarr. Irrepern antwelhey-angenh ingwer-rnemek. 18Akngeyel kel aketh-antey areyel, arrenhantherr angkep anthem.”

Ampwal akngerr ayerrpiley-angenh

19“Ampwal akngerr ayerrpiley-angenh ahern nhenh-itwek. Arrangkwarlap ikwer-angkwarran. Ampwal akngerr apwert man-then akarriley-angenh, ingwerentyel irrtyert-inekerr, interrkel arlkwekerr. 20Arraty-angkwarr apenterl-ayntem. Rap arrernem ilek-ilek mwerr-angker arrekantherr irrwerl-itwek. Mwerr-angker ayntayntem intem-antey irrwerl-itwek, nthakenh ywerrey-angenh, arrangkw. Ingwerentyel irrtyert-iney-angenh, interrkel arlkwey-angenh, arrangkw. 21Arrantherranap ampwal ikwer-rnemant iterreyel, arrantherr ampwal renh-rnemant apenteyel.”

Angka lyenenty-akert

22“Annga mwerr-akertel ntwa iwerr arraty apenteyel-apeny, anaynt-apeny. 23Aparrngelan iwerr arraty apentey-angenh arrangkwarl, aperrertirrerl-alpeyel. Aparrngel-apeny rernem apmwangkwarr apenteyel, atwemengkel-apeny. Rernem Akngey-kety amentirreyel.”

Angka man-akert

24“Arrantherr apwert man akngerrekant iterrerl-anenty, arrantherrap Akngey-kenh angkek-anem iylpelirrem-anem, Akngey-kenh angkan apentey-angenh, amentewarl-anem. Akngey-kenh angkan impenarl. Manek artewentyel iterrey-angenh, Akngey-kenh angkekant artewentyel iterr-ayntetyek. Nthakenh ntwa atherr-angkwarr apentey-angenh.

25Alakenh iterrey-angenh, ‘Amern ilek atha arlkwetyek, ilek atha antywetyek, arnkwa ilek-warl ayeng aylpetyek?’ Iteth anayntetyekant nga iterr-ayntetyek, Akngey-kenh-angkwarr apenterl-ayntetyek. 26Thip yanh-rnem arenh-arey. Thip nthakenh amentel amern lyapelhiley-angenh, amern warl-warl akwerney-angenh, awakelhey-angenh. Akngey irrwerl-areny rant thip-rnem wanteyel, arntarnt-areyel. Arrantherr Akngey-kenh impen thip-rnem-angkwarr. Anwenhantherr arntarnt-areyel arrpemarl.

27Arrantherr artewentyel iterrerl-anenty, arrantherrap arwapeny ywerreman. 28Arnkwekant iterrey-angenh. Solomon arnkwa mwerr-angker-warl aylpenh. Arnkwan ikwerenh ahern-areny-kenhant. Akngeyelant alpeyt mwerr-angker arrernek ahern nhewarl. Alpeyt arnkwernem-angkwarr mwerr-angker inngarl inngelheyel! Alpeyt yanh-rnem arenherr-arey! Anyentel-antey aneyel rernem arnkwel mwerr ilelhey-angenh. 30Akngeyel atherrk lyapelhileyel. Atherrk arlenyirrem aherretyel, rernem antywer arrtyem. Akngeyel atherrk renharl arntarnt-areyel-apeny, ra anwenhantherr iwerl-alhey-angenh arrpemarl, arnkwa ilek-ilek anthemel arntarnt-arem mwerr-angkwarr. Arrantherr apal, Akngey renh tnakey-angenh, rarl anwenhantherr ingkerrenh arntarnt-arem.

31Artewentyel iterrey-angenh, ‘Ilek anwantherr arlkwem, ilek anwantherr antywem, arnkwa ilek-warl anwantherr aylpeman?’ Ingkart apentey-angenh-rnem alakenh iterreyelan. Akngey alker-areny ra arrenhantherr areyel, ranem arrenhantherr ilek-ilek antheman, arntarnt-arem-then. 33Arrantherr-anem ikwerenh-angkwarr apenterl-ayntetyek arraty-angkwarr, Akngeyel arrenhantherr atnyenem.

34Ampwal ilek-ilek akngerr arrerney-angenh ingwer-ingerek. Ngant ikwerant iterretyek. Arlta arrpanenhel Akngeyel arenhantherr arntarnt-areyelan.”

Ilustração artística — interpretação, não registro histórico.

Você sabia?

Justiça em segredo e confiança

  • Este capítulo faz parte do Sermão do Monte. Um registro de eventos data esse sermão de 28 d.C. e registra que durou um único dia.Fontes: Sermon on the Mount · o próprio texto bíblico
  • Jesus diz para não tocar trombeta nas sinagogas e nas ruas ao dar aos necessitados, como fazem os hipócritas a fim de serem honrados. Ele também adverte contra orar nas esquinas para ser visto e contra jejuar com o rosto desfigurado; em vez disso, descreve orar num quarto interior com a porta fechada e jejuar com a cabeça ungida e o rosto lavado.Fontes: o próprio texto bíblico
  • Jesus diz que nem Salomão, em toda a sua glória, se adornou como um dos lírios do campo. Um verbete de dicionário explica que seu nome hebraico, Shelomoh, significa “Pacífico”, que ele era filho de Davi com Bate-Seba e que Natã o chamou de Jedidias, “amado do Senhor”; seu reinado está registrado em 1 Reis 1–11 e 2 Crônicas 1–9.Fontes: o próprio texto bíblico · Solomon

Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.

Créditos e licença desta tradução
Alyawarr Bible
Portions of the Holy Bible in the Alyawarr language of Australia
copyright © 2009 Wycliffe Bible Translators
Language: Alyawarr
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2023-11-10

Fonte: http://ebible.org/aly/ · eBible.org

Fale com a gente

Conte de onde você lê, como a Bíblia tem te ajudado ou o que podemos melhorar. Lemos todas as mensagens.