Nations Bible

Mateus 9

Awajún [Aguaruna] · Toque num versículo para ver as referências cruzadas.

Jesús aents wekaechau etsagagbau

1Nuna dutika ukuak, Jesús barcanum egkemag, amain katigká niina yaaktajin jegauwai. 2Nunikmatai aents wekaechaun camillanum pataidiag ejetiaju; dutikawagmatai Jesús dita dekaskeapi tuinamujin wainak, jaun chichajak:

—Uchijuh, shiig aneasta, ame tudaujum aidauk tsagkugnaje, tau.

3Nuna tutai ujumak maestro chicham umiktinun jintinkagtin aidau anentaimsag: “Juka Apajuin pegkegchaun chichajak tu wekaewai”, tuidau. 4Tu anentaimaidaun Jesús dekau asa ditan chichajak:

—¿Wagka anentaiminish pegkegchaush anentaimjume? 5¿Tuwaita imá yupichuch tumainush, tudaujum aidauk tsagkugnaje taja dukaih, atsa nantakim wetá tumainaitag dukaih? 6Tujash Aentsmaga akiinauwa nu, ju nugka juish tudau aidaunash tsagkugkagtumaina nu dekaatajum. Tusa wekaechaun chichajak:

—Nantaktá nunikam camillajum jukim jeemin wakitkita, tiuwai.

7Tama niishkam nantakí jeen weuwai. 8Nuna wainkag aents aidauk ishamkaju, nunikag Apajuin emematiaju, niina senchijin ashí aents aidaunum iwainaku asamtai.

Jesús Mateo untsukbau

9Nuna dutika Jesús wekamá Mateon wainkauwai, kuichik apunu atinun akikmagtai yajumak ekeemtatman, nunik:

—Mateo, wegajai mina jintintaig aminum, tau.

Tama Mateoshkam ayú tusa wajakug Jesusjai weuwai. 10Jesús yujumkan yuwak jintintaiji aidaujai Mateo jeen eketai, apu romanmaya kuichkiji atinun ijumin aidau, nuigtú tikich aents tudaugtin aidaujai kuashat kaunawag Jesús eketbaunum jegaantag pekaamsaju. 11Nuna wainkag fariseo aidau Jesusa jintintaiji aidaun iniinak:

—¿Wagka atumi jintinjamnush apú kuichkiji atinun ijumin aidau, nuigtú aents tudau aidaujaish ijunjash yuawa? tuidau.

12Nu tabaun Jesús antuk ayaak:

—Jamamtuchu aidauk ampijatnunak atsumatsui, jau aidau atsumawai. 13Wetajum nunikjum ju chichamash wajina takua tawa nu unuimagtajum: “Wait anenkagtin atajum tusan wakegajai, anentag itaajum nunak dakitajai”, tawa nu. Wika aents pegkejan takau aidau untsuktasan minichuitjai, aents tudaugtin aidaunum tauwaitjai.

Ayuno pachisa iniimsamu

14Juagká jintintaiji aidau Jesusan jegaantag, iniinak:

—¿Wagka jutiik, fariseo aidaujaig kuashtá ayuno takau agmag nuniajinish, amina jintintaijum aidaush ayunonash takainatsua? tuidau.

15Tama Jesús ayaak:

—¿Nuwenbaunum ipaamu aidaush wake besemag batsamainkaih, nu nuwenu ditajai pujaigkish? Tujash tsawan jegattawai nuwena nunú juwam atata nu, nunikmatai ipaamu aidauk ayunó wajakagtatui.

16“Makichik aentskesh jaanch yamagman tsupikag jaanch mamujunmag adujtuchu ainawai, yamajam asa waketak jaanch mamujua nuna nuní nagkaemas ichiimain asamtai. 17Antsag vino yamagmak duwap apagbau ajutnumag yajashtaiyai, dutikamak ichiimain asamtai, nunik vinok ukaegag, duwapshakam ichiinak ajapnamainai. Nuadui vino yamagmak duwap yamagmanum yajataiyai, nunin asa mai pegkejak amainai”, tiuwai.

Jairo nawanji nuigtú nuwa Jesusa jaanchjin antigkua nu

18Jesús nuna pachis chichagkagtai judío aidau apuji tajua, niina eemtin tikishmag chichajak:

—Mina nawantug yamá jakae; tujash ame minim uwegmin antinjukta, dutikam aneantatui, tau.

19Tama Jesuschakam ni jintintaiji aidaujai weajui. 20Nuniamunum nuwa doce mijadai numpan puwak waitú pujú Jesusan wainak ukunum juwatki adijkauwai, nunik Jesusa jaanchji wenin antigkui, 21wagki ni anentaimsag: “Imá jaanchjinakesh antiaknuk tsagagtatjapi”, tau asa. 22Dutika antigkam Jesús ayampá nuwan wainak:

—Nawantah, shiig aneasta, ame dekaskeapi tabaugmia nu etsaentamjae, tiuwai.

Nu tsawanta nuaduik nuwak tsagajui. 23Nunik Jesús judío aidau apujiya nuna jeen jegakmá pigkuin umpuin aidau nuigtú kuashat aents pampaa batsamtatman wainkau, 24nunik chichajak:

—Jiinjatajum, nuwauchik jakache ayatak kanaje, tau.

Tutai dushikidau. 25Tujash ashí aents jiinjagmatai wayá, nuwauchin uwegnum achiká inantam, niishkam nantakiuwai. 26Nu dutikamua nunak ashí nu nugkanum etsejug dapampajajui.

Jesús jimag aents wainmachu etsagagbau

27Nuna dutika Jesús jiinki wetatman, jimag aents wainmachu pataetukag, untsumkag:

—¡Davita uchijiyah, jutiish wait anenkagtugta! wajaidau.

28Nunik Jesús jegá wayamtai, wainmachu aidaush jegantajam, ditan iniak:

—¿Dekaskeap etsaentumainaita tujutjumek? tau. Tama ditashkam:

—Ehé Apuh, tuidau.

29Tiagtai Jesús ditá jiin antintak:

—Atum dekaskeapi tajum nunisag uminkati, tiuwai.

30Tamawaik wainmakajui. Nunikmatai Jesús shiig ujaak:

—Makichik aentskesh ujakaigpa, tiuwai.

31Tujash ditak jiinjag weenak, ashí aents nu nugkanum batsamin aidaunak ujá ujakua weajui.

Aents chichachun Jesús etsagagbau

32Nunú wainmachu jiinki weenaig, aents iwanch egkemtuamu asa chichachun, Jesusan itajuawajui. 33Dutikam iwanchin jigkiuwai, nunikmatai chichachushkam chichakú. Dutikamtai aents aidauk anentai jegachaju, nunikag:

—Israel aidautik makichkish jutikamuk wainchataiyai, tuidau.

34Tujash fariseo aidauk:

—Juka iwanch aidau apujiya nuna senchijin iwanch aidaunak jiyawai, tuidau.

Jesús aents aidau wait anentsá diyamu

35Jesusak wekagajakui ashí yaakat aidaunum nuigtú yaakat yaijuch aidaunmashkam, makí makichik ditá ijuntaiji aina nui jintinkagtak. Nuniak yamajam chicham Apajuí inamjatnujin pachis etsejak ashí jatai jau aidaunash tuja najaimagtin aidaunashkam etsagau. 36Aents imanik tuwaidaun wainak, wait anenjauwai, wagki pimpikiag nuigtú pampagkag uwig pastorji atsugbau wajukmaina nunidau asagmatai. 37Nuniak ni jintintaiji aidaun:

—Dekaskenmag juumainuk kuashtai, tujash takau aidau ujumke, 38nuadui nunú ajak juuktinun Apujiya nu segatajum, nuwi takastin aidaun ishiakti tusajum, tiuwai.

Ilustração artística — interpretação, não registro histórico.

Você sabia?

Misericórdia, cura e vinho novo

  • Mateus, filho de Alfeu, era publicano, ou seja, cobrador de impostos, em Cafarnaum. Jesus, ao subir da beira do lago, passou pela coletoria onde Mateus estava sentado e disse: “Segue-me”. Antes, ele era conhecido como Levi; nesse mesmo dia ofereceu um grande banquete, descrito como uma despedida, a Jesus, aos discípulos e, provavelmente, a muitos dos seus antigos companheiros.Fontes: Matthew · o próprio texto bíblico
  • Os que perguntam por que eles e os fariseus jejuam com tanta frequência, enquanto os discípulos de Jesus não jejuam, são discípulos de João Batista. João é chamado o precursor; era de descendência sacerdotal, seu pai Zacarias sacerdote do turno de Abias e sua mãe Isabel uma das filhas de Arão.Fontes: John the Baptist · o próprio texto bíblico
  • Uma cronologia situa a cura do paralítico, o chamado de Mateus, a pergunta sobre o jejum e a parábola dos odres no ano 28 d.C.Fontes: Healing the Man with Palsy · Jesus Calls Matthew · Fasting Question · Parable of the Winseskins

Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.

Lugares deste capítulo

  • Sea of Galilee · 32.819, 35.590 · versículo 1

Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).

Créditos e licença desta tradução
Awajún [Aguaruna]
Aguaruna: Awajún [Aguaruna] (Bible)
copyright © 2020 Wycliffe Bible Translators, Inc.
Language: Aguaruna
Translation by: Wycliffe Bible Translators
Contributor: Wycliffe Bible Translators, Inc.
Aguaruna
agr
Peru
Copyright Information
© 2008, Wycliffe Bible Translators, Inc. All rights reserved.
This translation text is made available to you under the
terms of the Creative Commons License: Attribution-Noncommercial-No Derivative Works.
( http://creativecommons.org/licenses/by-nc-nd/3.0/ )
In addition, you have permission to port the text to different file formats, as long as you
do not change any of the text or punctuation of the Bible.
You may share, copy, distribute, transmit, and extract portions
or quotations from this work, provided that you include the above copyright
information:
You must give Attribution to the work.
You do not sell this work for a profit.
You do not make any derivative works that change any of the actual words or punctuation of the Scriptures.
Permissions beyond the scope of this license may be
available if you contact
us with your request.
The New Testament
in Aguaruna
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2025-04-26

Fonte: http://ebible.org/agr/ · eBible.org

Fale com a gente

Conte de onde você lê, como a Bíblia tem te ajudado ou o que podemos melhorar. Lemos todas as mensagens.