Mateus 7
BAL CEHEC JE HAUN · Toque num versículo para ver as referências cruzadas.
Age cotoga cain gesildowain
1Jisas je haun maaden, “Eetanu hina cotin amegna hilican nag eu fagana qa hinadodoc amenna fan ben nijina eu qee fagana? Qeefi, hina adi cotin madogana, ‘Coti, cultecem hilican nag amenna nijia eu u helihigen,’ dogana qa hina amenna fan ben nijina? Hina me hihili coboc dana! Casac fan ben eu hina amenna fagdoc nijia eu cagati helagale. Odocob hilican nag cotin amegna nijia eu u helecnu ihoc fegan. Gesilec age osonu je madegina gesilec euna Anut uqa age gesiladigian. Age ihoc mec dana ihoc miadegina ihoc mec euna ha Anut u hewi age ihoc miadigian. Eunu Anut age gesiladimei camasac mimi cewadeiaunnu age dana osona kobol gesildumeig cain camasac mimi cewudec je madowain,” aden.
6“Qa age falicdu age tataladowainnu age ceteh Anutnu gun bahic nijia eu qa cain culiadowain. Ho age gilolo eu lahacluhucdowainnu agena gilolo me eu ho amagana cain helowain,” aden.
Anut uqa dana age uqanu inondogina eundec ceteh me bahic adigian
7Jisas je haun maaden, “Cunug age cetehnu Anut sisildogina eu ceteh ogina. Odocobil oso ceteh walena eu ceteh gulucdona. Odocob oso jic cebec gohugohudona eu Anut huditugian. Eunu Age Anut cetetehnu inondocobil ceteh eu adigian, odocobil age wawali cobimeig ceteh walegina eu gulucdoqagan, jic cebec gohugohudocobil Anut hudiadigian. 9Qeefi, age gemona dana oso uqana mel uqa memeg sab itiga jiga docobfi memeg uqa sab qee utina qa meen utinafo? 10Qeefi, age gemona dana oso uqana mel uqa memeg cul dool itiga jiga docobfi memeg uqa cul dool qee utina qa man sononec utinafo? 11Feiga, age dana gug me qee qa age agena mel ceteh me adecnu dogina. Eunu age mele dogina, Memega sao jobon bilia eu uqa age sisildogina eundec ceteh me bahic adigian! 12Eunu dana filfil age agenu odadecebil gale adenawe eu odi age dana filfilnu ha odadeigale. Ge, Mosesna loo jeca je hahun madec dana agena iwaladec jeha madein agena je eu uqana caun ihen,” aden.
Age jic cebec sosog bahicna loqagan
13Jisas je haun maaden, “Fadalecna calecnu jic cebec eu bagalan, jic euha bagalan. Toodocnu eu hetec. Odocob jic cebec euna mati bahic limeig jic euna cobogina. Euqa cebac bilec catanec euna calecnu jic cebec eu sosog, odocob jic euha cacanigca. Odocob dana cajaca mati bahic jic eu gulucdumeig qee toodogina. Eunu age cebac bilec catanec euna loqaga bili jic cebec sosogna leigale,” aden.
Age uhulec je hahun madec dana eunu batut feigale
15Jisas je haun maaden, “Age uhulec je hahun madec dana age sipsip ganac tacimeig eu age qee waadecnu odi ageca hogina. Euqa wawaga dunuhna age qa cus olohonogaca odi nijia, age me qee bahic odadoqagan. Eunu ageca hu qauadowainnu batut feigale. 16Age agena odoc aig qocnana cisadi feigale. Qam aig gagalit na mogi jecnu nijiafo? Dan aig momos na mogi jecnu nijiafo? 17Eu odi cehelo gug me eu aig me qona, odocob na gug me qee uqa aig me qee qona. 18Cehelo gug me uqa aig me qee qocwe qee, odocob na gug me qee eu uqa cehelo aig me qocwe qee. 19Na uqa aig me qee qona eu codocobil toneceb cedimeig jana manegina. 20Eu odiwe age uhulec je hahun madec dana agena odoc aig qocna cisadi feigale,” aden.
21“Dana cajaca age ija ‘Tibud, Tibud,’ tegina eu cunug sao cul jobon dunuh qee lowain. Euqa Mei sao jobon bilia eu madena eu toodu odogina age himec loqagan. 22Deel cit qoc euna mati odi matoqagan, ‘Tibud, Tibud, ege hina ijainna je hahun madeginawe odi qee madolomfo? Ege hina ijain hewi buga me qee eundec qee ititacadolomfo? Ege hina ijainna kobolkobol qee odolomfo?’ toqagan. 23Odi matecebil ija maadigen, ‘Ija age, age ijana eu qee feciadelem. Age qisol mec kobol odogina cuculti beleiga,’ adigen,” aden.
Jo cehecnu kobol lecis nijia
24Jisas je haun maaden, “Eunu oso, ijana je dah mimei eu toodu odona, eu dana cisdoc silecca cinigwe. Dana eu uqa uqana jo maha gagadic meencana cehen. 25Odocob wa ben neceb wa cue ha humei jona leceb gugula ha hu jo eu heweceb qa jo eu uqana nah maha gagadicna cehen tawennu jo qee cabatel. 26Osoqa uqa ijana je dah mimei eu toodu qee odona eu uqa dana gad oso odi, uqa uqana jo wa gon esicna cehen. 27Odocob wa ben neceb wa cue humei jona leceb gugula ha hu jo heweceb jo eu cabaten. Odimei jo cabati nui me qee bahic muden,” aden. 28Jisas uqa Juda agena loo je iwaladec dana oso cunug maadeinwe odi qee maadel qa uqa je Tibud gagadic odocca iwalaadi maaden. Eunu uqa je eu maadi mamaden dana cajaca age wawaga cacaden bilein, uqana iwaladec je eu wawaga qon.

Você sabia?
O juízo, o caminho estreito e um alicerce firme
- O registro do evento data o início do Sermão da Montanha em 28 d.C. e sua duração em um dia. Este capítulo termina com as multidões admiradas com o ensino de Jesus, porque ele ensinava como quem tem autoridade, e não como os escribas deles.Fontes: Sermon on the Mount · o próprio texto bíblico
- Jesus adverte que o juízo que alguém pronuncia, e a medida que essa pessoa usa, voltarão sobre ela. Ele descreve alguém que repara no cisco no olho do irmão, mas não percebe a trave no próprio olho, e diz que a trave precisa ser removida primeiro.Fontes: o próprio texto bíblico
- O capítulo chama de essência da Lei e dos Profetas fazer aos outros o que se gostaria que lhe fizessem. Ele contrasta uma porta larga e um caminho espaçoso que leva à destruição, pelo qual muitos entram, com uma porta pequena e um caminho estreito que leva à vida, que poucos encontram, e compara ouvir essas palavras e praticá-las a uma casa construída sobre a rocha, e não sobre a areia.Fontes: o próprio texto bíblico
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Créditos e licença desta tradução
BAL CEHEC JE HAUN Genesis and the New Testament in the Amele language of Papua New Guinea Buk Stat na Nupela Testamen long tokples Amele long Niugini copyright © 1997 Wycliffe Bible Translators, Inc. Language: Amele Contributor: Wycliffe Bible Translators This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 1997-01-01
Fonte: http://png.bible/aey/ · eBible.org