Nations Bible

Êxodo 32

Angkentye Mwerre · Toque num versículo para ver as referências cruzadas.

Israel-arenye areye pwelekenge arrekwele artepe kwene-irreme itne-arle gold-engentyele mpwarekeke

1Moses apwerte akertne Sinai-le akwete anetyame apetye-alpetyakenhele. Kele tyerrtye areye anteme Aaron-werne alheke ikwere angkemele, “Araye, Moses-ame nthakenhe-arle irrerle-aneme? Iwenhenge-ame re apetyalpetyakenhe? Rarle thewe anwernenhe Egypt-ngentyele arratelhe-ileke. Re apeke ilweke. Aaron-aye arne apeke anwerneke mpwaraye arne-ngentyele, apwerte-ngentyele apeke, gold-engentyele apeke, re anwernenhe iletyenhenge nthenhe-werne-atheke alhetyeke.”

2Kenhe Aaron akenhe itneke angkeke, “Yewe, gold irlpe-kenhe ayenge anthaye anewe arrekantherrenhe irlpele atnyeneme, alere uthene marle uthene-kenhe areye-arlke.” 3Kele tyerrtye areyele gold irlpe-kenhe akngetyeke Aaron anthemele. 4Aaron-ele gold ingkirreke tyampiteke-arleke akwerneke. Re imerte tyampite ureke-arleke arrerneke urinpe-iletyeke urreke re gold renhe theletyenhenge. Kele re arneke-arleke thelemele iwenhe-akweye-arteke pweleke-arteke re inngelheme. Kele re-anteme gold renhe irrakere-ilemele pweleke anteme gold ikwerenge-ntyele mpwareke. Tyerrtye areye anteme angkeke, “Araye! Nhenhe araye! Nhenhele-arle anwernenhe Egypt-ngentyele arratelhe-ilekeke!”

5Aaron-ele anteme apwerte areye aharle-ileke gold pweleke ikwerenge arrekwele rarle mpwareke, re tyerrtye areyeke angkeke, “Ingwenthe anwerne nhenhenge apurte-irremele arrawe-irrentye akngerreke, anwerne YAHWEH-eke alyelhetyeke urntetyeke!” 6Arlte arrpenhele anteme tyerrtye areye ingweleme anthurre akeme-irreke, pweleke arrpenheme inemele. Pweleke arrpenheme itne apwerte ikwereke-arlenge iteke urrperle-ante-irretyeke YAHWEH utyernemele tnaketyeke. Pweleke arrpenheme itne irrtnye-iwemele iteke itnenhe arlkwetyenhenge. Tyerrtye areyele kere renhe arlkweke ngkwarle-arlke antywemele. Ikwere iperrele anteme itne mpwenye untherreke, ngkwarle iperrele.

7Nhenhe ikwerele ureke, YAHWEH Moses-eke angkeke, “Apwerte nhenhe-ngentyele tyerrtye areye-werne atnarnpaye unte-arle Egypt-ngentyele arratelhe-ilekeke. Itne kwenhe akurne-anthurre-ilelheke. 8Itne kwenhe kele iwerrenge untyeme-irreke Tharle itneke imernekeke itne atywerrenge Atyinhe apentetyakenhe The itnenhe ileke-arteke. Itne renhe akweke ware apenteke. Kele lyete itne Atyenge-ngentyele untyeme-irreme anteme. Itne itneke-arrpe pweleke gold-engentyele mpwareke, ikwere kwene-irremele renhe utyernetyeke. Itne kere arrpenheme iteke pweleke utyernetyeke. Itne imerte angkemele, ‘Pweleke gold nhenhe araye! Nhenhele athewe anwernenhe Egypt-ngentyele arratelhe-ileke.’”

9Ikwere-iperrele anteme, YAHWEH Moses-eke angkeke, “The kwenhe tyerrtye mwernte akngerre nhenhe areye itelareme, nthakenhe-arle itne Atyenge-ketye iparrpe untyeme-irreme. 10Ayenge ahele anthurre awelheme, The itnenhe atwetyenhenge anthurre. Ayenge ayaketyale! The anewikwe ampe ngkwinhe areye akethe-ante arrernetyakenhe, arrangkwe-arle. Ngkwenge-artweye-ngentyele tyerrtye atningke intetyenhe itne atningke-ame-atningke-irretyenhe!”

11Moses YAHWEH-eke inkeke, “Ayekaye, YAHWEH! Tyerrtye ingkirrekeke ahele-irretyalaye. Tyerrtye nhenhe areye kwenhe Unte Egypt-ngentyele arratelhe-ileke, Unte akethe-ante arrerneke yanhe areye-arle itnenhe atwetyeke ahentye aneke! 12Unte apeke itnenhe irrerlknge atweme, Egypt-arenye areye alakenhe angkeketyenge, ‘YAHWEH-ele Israel-arenye areye Egypt-ngentyele arratelhe-ileke apmere arrangkethe ikwere-werne. Kenhe Re akenhe itnenhe urrtyekele-iwetyame ware. Re itnenhe arratelhe-ileke itnenhe irrerlknge atwetyenhenge apwerte nhenhenge.’ Alakenhe renhe itne angketyenhe. Alakenhe ikwerenge anteme Unte itneke ahele-irretyale anetyeke, itnenhe akethe-ante arrernetyalaye! 13Abraham, Isaac, Jacob-eke itirraye. Arrule anthurre Unte itneke angkeke, ‘Arrantherre ampe atningke anthurre atnyenetyenhe atyinhengenhenge atningke anthurre. Itne anetyenhe atningke anthurre kwerralye areye-arteke nhenge alkerele aneme-arteke. The itnenhe apmere ahelhe nhenhe anthetyenhe, re itnekenhe akwete-ante anetyenhenge.’ Alakenhe renhe akwele Unte itnenhe alhileke.” 14Nhenge YAHWEH-ele Moses alakenhe renhe angkerlenge aweke, Re itirrentye ikwerenhe akngarte-iwelheke, itirrentye arrpenhe anteme aneke. Re tyerrtye ingkirreke akethe-ante arrernetyakenhe aneke.

15Ikwere iperrele anteme, Moses utepe-irremele apwerte-ngentyele kwene-akerle atnarnpetye-alpeke, re apwerte athirnte atherre akngeke nhenge YAHWEH-elarle atywerrenge Ikwerenhe ikwere-arleke intelhe-ilekeke arrwekeleke-arleke artepeke-arleke. 16Moses-ele apwerte renhe-atherrenhe mpwaretyakenhe, arrangkwe-arle. Ngkartele renhe-atherrenhe mpwareke, atywerrenge apwerte ikwere atherreke-arleke intelhe-ilemele.

17Nhenge Moses apwerte akertne-ngentyele atnarnpintyeke, kele re anteme Joshua mpwepeke aremele. Joshua-le tyerrtye ingkirreke anthurre arlkerlenge aweke re anteme Moses-eke angkeke, “Aye! Israel-arenye areye apeke atwerreme itne-arrpe!”

18Moses ikwere angkeke, “Arrangkwe, itne alyelhetyakenhele nhenge itne impeke atwerrentye iperre, the itnenhe awetyakenhe artnerlenge, the itnenhe aweme alyelherlenge.”

19Nhenge Moses itwe anteme irrenheke, re pweleke gold yanhe areke. Re tyerrtye areye urnterlenge areke. Re ahele-anthurre-irreke. Re anteme apwerte atherrame renhe ahelheke iweke, renhe-atherre ultakeke apwerte akngerre ikwere itweke. 20Ikwere iperrele anteme re pweleke renhe inemele nhenge itne-arle gold-engentyele mpwarekeke. Re renhe ure kweneke-arleke arrerneke nhenge arne re urrknge-irretyenhenge kwatye-arteke. Nhenge gold irrernte-irrerlenge, Re renhe kutyemele urlpmernteke ngkweltye-ngkweltye-ilemele. Re renhe kwatye kweneke iweke. Re anteme Israel-arenye areye uterneke kwatye renhe antywetyeke.

21Moses anteme Aaron-eke angkeke, “Iwenhenge-arle-ame unte tyerrtye nhenhe areye YAHWEH-ngentyele untyeme-ileke pweleke nhenhele? Alakenhe kwenhe akurne anthurre! Nthakenhe-ame tyerrtye nhenhe areye ngkwenge irreke? Itne ngenhe uternetyakenhe. Nthakenhe-arle-ame unte itnenhe iletyakenhe renhe impetyeke?”

22Aaron Moses-eke angkirtneke, “Unte kwenhe akngerrepate atyinhe aneme. Atyenge ahele-irretyale anaye! Unte kwenhe itelareme tyerrtye nhenhe areye arne akurne ingkirrekeke akwetethe itirrerlenge. 23Itne atyenge angkeke, ‘Moses-ele anwernenhe Egypt-ngentyele arratelhe-ileke anwerne anteme akutne aneme nthenhe-arle re anemeke. Arne iwenhe apeke renhe anwerneke mpwaraye arne-ngentyele apeke, apwerte-ngentyele apeke, gold-engentyele apeke nhenge re anwerneke imernetyenhenge nthenhe-werne alhetyeke.’ 24Kele ayenge anteme tyerrtye areyeke angkeke, ‘Yewe, irlpe-kenhe gold areye arrekantherrenhe irlwaye, ite-kenhe areye-arlke iltye-kenhe areye-arlke, itnenhe atyenge-werne akngetyaye.’ Kele itne ayenge gold ingkirreke anthurre antheke. The anteme renhe ureke iweke, pweleke gold anteme arratintyeke.”

25Moses-ele aretyame tyerrtye areye urnterlenge, arlkerlenge tyerrtye arerte areye-arteke. Aaron-ele itnenhe ayaketyakenhe renhe mpwarerlenge. Moses ikwere-arrpe angkeke, “Ayekeye! Tyerrtye arrpenhe areye anwerneke-arle ahentye-anetyakenhe anemeke, itne anwernenhe aretyenhenge, anwernenhe atherrelhe-iletyenhe!” 26Moses anteme apetyemele arriwe itwele tneke apmere ikwerenge arrwekele. Re tyerrtye areyeke arlkeke, “Aye! Angwenhele apeke YAHWEH apentetyeke, atyinhe itwele tnerrirraye.” Kele atyinhenge Levi-kenhe areye anteme apetyeke Moses itwele tnerrirremele.

27Ikwere iperrele anteme, Moses itneke angkeke, “YAHWEH kwenhe Ngkarte aneme nhenge anwerne Israel-arenye areyele tnakeme apentemele anteye. Alakenhe re kwenhe Re arrekantherre Levi-kenhe areye-ngentyele angkeme, ‘Artwe arrantherre nayepe arlpentye arrekantherrenhe inerrirraye. Itneke-akerte arrantherre apmerele unthemele, kake uthene yaye uthene, atyeyangkwe areye irrerlknge atwaye, atyewangkwe areye-arlke arrantherre-arle akaltye anemeke.’” 28Tyerrtye Levi-kenhe yanhe areyele itne Moses aweke. Itne nayepe areye inemele tyerrtye areye irrerlknge atweke, itne artwe 3,000 irrerlknge atwemele. 29Moses anteme Levi-kenhe areyeke angkeke, “Lyete arrantherre YAHWEH-eke anthelheke nhenge arrantherre kwertengerle tyatye-arenye-arteke Ikwere warrke-irretyeke. Arrantherre kake uthene yaye uthene, alere arrekantherrenhe areye-arlke irrerlknge atweke. Alakenhe ikwerenge anteme YAHWEH arrekantherre akangkeme. Arrantherre kwenhe kwertengerle tyatye-arenye Ikwerenhe areye anetyenhe.”

30Arlte arrpenhele anteme, Moses tyerrtye areyeke angkeke, “Arrantherre kwenhe akurne anthurre aneme. Lyete ayenge arrekantherre YAHWEH-eke angketyenhe. Nhenge ayenge Ikwere angkemele, Re apeke arrekantherrenge ipeltye-irretyenhenge. Re apeke arrekantherrenge arratye ipeltye-irreme, arrantherre Ikwere atyewe-irretyenhenge awethe.” 31Moses anteme alpemele YAHWEH-eke angkeke, “Tyerrtye nhenhe areye kwenhe akurne anthurre. Itne arne pweleke gold-engentyele itneke-arrpe mpwareke itne ikwere kwene-irremele renhe tnaketyenhenge. 32Itnenhe ilpernetyakenhe anaye, akunye yanhe areye, itnekenge ipeltye-irremele arriletyale anaye. Unte apeke itnenhe irrerlknge atwetyeke anetyenhe akwete. Itnenhe irrerlknge atwetyalaye, ayenge-tetye irrerlknge atwaye nhenge ayenge itneke ilwetyenhenge! Arritnye atyinhe pweke akngerre yanhe-ngentyele urrparaye nhenge Unte-arle arritnye atyinhe intelhe-ilekeke tyerrtye arrpenhe Ngkwinhe areyenge.”

33YAHWEH anteme Moses-eke angkeke, “Angwenhele apeke akurne mpwareme Atyenge-ketye untyeme-irrerlenge, The arritnye ikwerenhe pweke-ngentyele urrparetyenhe. 34Tyerrtye areye-werne alpaye, itnekenge arrekwele-irreme apmere nhenge-werne The ngkwenge arrwekele ileke. Alkere-arenye Atyinhele ngkwenge imernetyenhenge nthenhe-werne-atheke alhetyeke. The tyerrtye yanhe areye atwetyenhe akurne-arle-irrekeke.” 35YAHWEH-ele tyerrtye yanhe areye rlkerte-anthurre-ileke Aaron-arle uternekeke pweleke gold mpwaretyeke.

Ilustração artística — interpretação, não registro histórico.

Você sabia?

O bezerro de ouro e as tábuas quebradas

  • Enquanto Moisés demorava no monte, os israelitas pediram a Arão que fizesse deuses para guiá-los, supondo que Moisés estivesse perdido. Arão recolheu os brincos de ouro do povo, fundiu e esculpiu um bezerro com uma ferramenta de gravar, e construiu um altar diante dele, proclamando uma festa.Fontes: o próprio texto bíblico · Aaron
  • Ao descer do monte Sinai trazendo duas tábuas de pedra escritas de ambos os lados pela escrita de Deus, seu assistente Josué inicialmente confundiu os gritos de festa no acampamento com sons de guerra. Vendo o bezerro de ouro e as danças, Moisés arremessou e quebrou as tábuas ao pé do monte.Fontes: o próprio texto bíblico · Joshua
  • Quando Moisés convocou na entrada do acampamento aqueles que estavam ao lado do Senhor, toda a tribo de Levi se reuniu ao redor dele. Eles executaram o julgamento pelo acampamento, resultando na morte de cerca de três mil homens, após o que Moisés declarou que eles haviam sido consagrados ao serviço do Senhor.Fontes: o próprio texto bíblico · Levi (patriarch)

Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.

Lugares deste capítulo

  • Egypt · 30.129, 31.308 · versículos 1, 4, 7, 8, 11, 23

Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).

Créditos e licença desta tradução
Angkentye Mwerre
Portions of the Holy Bible in the Central and Eastern Arrente language of Australia
copyright © 2002-2014 Wycliffe Bible Translators
Language: Eastern Arrente (Arrernte, Eastern)
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2019-05-14

Fonte: http://ebible.org/aer/ · eBible.org

Fale com a gente

Conte de onde você lê, como a Bíblia tem te ajudado ou o que podemos melhorar. Lemos todas as mensagens.