Gênesis 4
Adzera Baibel · Toque num versículo para ver as referências cruzadas.
Kein da Abel Nanggan
1Adam irut fininggan Ifa impai da arangan fininggan iwangun da yapingꞌ Kein. Da Ifa ini, “Yawe irim dzi sib da dzi yapingꞌ narungꞌ marub.” 2Raiyi da Ifa itip irim Kein rainggan Abel. Gubuꞌ Abel yingꞌa sib da inang guman mpada tayangꞌ dumpa da nuning, da Kein inang guman rafa gum.
3Gubuꞌ mangan da Kein iyu nam gadan fain imingꞌ guman da irim dangki gin ifan da Yawe. 4Da Abel ibinigi iyu apu bini imingꞌ dumpa gan fain narun miamun gin da isaf da iyu nagaran bini da irim isu dangki ifan da Yawe. Yawe nugun inuf nidzun angu i Abel impruꞌ da gan dangki gan, 5da bitsintaꞌ nugun wanuf i Kein da gan dangki gan u. Ibinigi da Kein nugun itsakia nidzun da igurungur tsiraꞌ bingan.
6Da Yawe igut i Kein, “Wain idzuwai da u nugum itsakia? Wain idzuwai da u gurungur? 7Bida u nanga nam bini da u nugum bungꞌ atsiaꞌ. Da bitsintaꞌ bida u nanga nam maisan da nam maisan itapatip sib u muantsi nifunggam i prutsan da garada u funub. Ini suda wain i agu, da bitsintaꞌ wamunti babampafan i rasudan.”
8Da Kein ini da rainggan Abel ini binaꞌ, “Abel, agi yunga rai rai angu waꞌa gum.” Gubuꞌ ribarangan waꞌa sib gum, da Kein yitam i ruan da yis rainggan funub.
9Raiyi da Yawe igut i Kein ini binaꞌ, “Da u rainggam Abel anungꞌ?”
Da arangan ini, “Dzi wasruꞌ gin u. Mai! Dzi masu wain i mpada tayangꞌ rainggangꞌ?”
10Da Yawe ini, “Ibianungꞌ da u bunang sanab maisan ibiani i rainggam? U rainggam Abel biꞌ gan nifunggan nuꞌan mingꞌa intap iwaꞌ da dzi ibi nifun nuꞌan i nanga nam mungaꞌ. 11Aruani da maisan narut agu da napaꞌ agu rai i intap aru daganga nifun da numa u rainggam biꞌgan u banginggam yatsa rai ugu. 12U nida rafa gum da intap wasangꞌ i rima nam nidzun mangan da agu u. Da u bungꞌ asu garam kupa i asub rampan angu yungan sangꞌa intap angu fadan.”
13Kein ini da Yawe ini binaꞌ, “Dzi asubangꞌ mungaꞌ gan u riman da dzi ani tsiraꞌ bingan iyus dzi. 14Da waringantin! Aruani da u wat dzi rai i intap gum da gam maranggam. Da dzi bungꞌ asu garam kupa i asub rampan angu yungan, da bida manga tsanganda dzi da bungꞌ ais dzi funub.”
15Da bitsintaꞌ Yawe ini, “Imaꞌ. Bida manga isa agu funub da bungꞌ abuaringꞌ barabin mungaꞌ maisan angu nasangꞌ 7 nayus agu i mungaꞌ gan.” Ibinigi da Yawe irim ampap mangan iyab i Kein i garam tsangandan ma waꞌan da arangan anungꞌ isangꞌ isa arangan funub u. 16Ibinigi da Kein itangin Yawe maranggan rai da ifa mpa intap Nod imingꞌ gubuꞌ yaban i Iden.
Kein Yanginggan
17Kein irut fininggan impai da fininggan iwangun da irim narunggan marub Inok. Da Kein irim gamp tsiraꞌ mangan da ifaringꞌ narun Inok bingan iyabin. 18Raiyi da Inok irim Irad. Da Irad irim Mehudzael. Da Mehudzael irim Metusael. Da Metusael irim Lamek. 19Lamek iyu sagat iruꞌrun, Ada da Tsila. 20Ada iwangun da irim Dzabal. Dzabal tafan rusan isu garam mpada tayangꞌ apu pagraꞌ bida makau da dumpa da nuning da tumuangꞌa ungar tipa i apu rini gangan angu yungan. 21Dzabal rainggan binganggan Dzubal. Dzubal isu garam rima musik i gita da yamungꞌ tafanggan. 22Tsila iwangun da irim narun marub binganggan Tubal Kein. Arangan garam bangimurun i tipa nam mara maran i bras da ain. Da arangan nafunggan binganggan Nama.
23Gubuꞌ mangan da Lamek itsarif runggan da finin rusan ibiani,
“Ada da Tsila, waringant i gabunggam dzi, Lamek, nanggangꞌ!
Dzi bungꞌ ais garam mangan funub bida rima biꞌ da dzi.
Da bungꞌ abinigi angu bida mamaꞌ rinifaꞌ mangan intingꞌa dzi.
24Bida garam mangan isa Kein funub da arangan bungꞌ abuaringꞌ barabin nayus 7.
Da bida manga nanga bangin yaba i dzi, Lamek, da arangan bungꞌ abuaringꞌ barabin tsiraꞌ angu nayus 77.”
Ifa Itip Irim Narun Mangan
25Raiyi da Adam itip irut fininggan Ifa impai da fininggan iwangun da irim narun marub, da ifaringꞌ arangan binganggan Set (wainggan ibi ‘irim’) da ini, “Anutu irim mamaꞌ narun mangan da dzi i uda Abel faganggan aru Kein isa funub ugu.” 26Raiyi da Set irim narunggan marub mangan da ifaringꞌ i binganggan Inos. Mingꞌa arangan gubuꞌ gan arigi da fadan da garam gar iyugin da nifun itsaf Anutu da ifaringꞌ i binganggan Yawe.

Você sabia?
Caim, Abel e a vida a leste do Éden
- O nome hebraico de Abel significa “sopro” ou “vaidade”. Ele cuidava de ovelhas, enquanto seu irmão Caim cultivava o solo: Abel trouxe as melhores porções dos primogênitos do rebanho, e Caim trouxe fruto do solo. O Dicionário Bíblico de Easton (1897) lê a expressão “no decorrer do tempo” (à margem, “ao fim dos dias”) como provável referência ao sábado.Fontes: Abel · Cain · o próprio texto bíblico
- Depois da morte de Abel, Caim foi morar na terra de Node, a leste do Éden, nome que significa exílio, errância ou inquietação. Ali construiu uma cidade e deu-lhe o nome de seu filho Enoque. O Dicionário Bíblico de Easton observa que essa é a primeira cidade mencionada nas Escrituras.Fontes: Nod · Enoch (son of Cain) · o próprio texto bíblico
- Lameque, quinto na descendência de Caim, casou-se com duas mulheres, Ada e Zilá. O Dicionário Bíblico de Easton chama o discurso dele a elas de único exemplo conservado de poesia antediluviana, às vezes conhecido como “cântico da espada de Lameque”. Os filhos deles se ligam a modos de vida antigos: Jabal, às tendas e ao gado; Jubal, à harpa e à flauta; e Tubalcaim, à forja de bronze e ferro.Fontes: Lamech (descendant of Cain) · Adah (wife of Lamech) · Zillah · o próprio texto bíblico
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Créditos e licença desta tradução
Adzera Baibel Portions of the Holy Bible in the Adzera Language of Papua New Guinea Hap Buk baibel long tokples Adzera long Niugini copyright © 2009-2022 Wycliffe Bible Translators, Inc. Language: Adzera Translation by: Wycliffe Bible Translators This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2026-10-02
Fonte: http://png.bible/adz/ · eBible.org