Nations Bible

Génesis 4

Buki Tabu Beyabeyana · Toca un versículo para ver sus referencias cruzadas.

Keni kanakava Eibeli iunuyamate

1Adama mewainena Ibe sikenokeno, mwa isiuma kabo natuna tauna ikabi. Ibe iba, “Yaubada ana sagu koina melumelu tauna yalobai.” Kabo esana ipei Keni. 2Yo tabe yaboyoi kanakava Eibeli isiumayan yo ikabi. Kabo iyamala sipi kali togite-kalatan na Keni iyamala topaisowa tano. 3Kabo muli mena Keni ana tano kanna tupwana ikalai yo igabu iyamala ana pwaoli Yaubada koina. 4Eibeli ana sipi kabi baguna melumeluna namwanamwana ikalai yo iunuyamate yo igabu iyamala ana pwaoli Yaubada koina. Mwa Yaubada Eibeli ana pwaoli kaiwena iyaliyaya, 5na Keni ana pwaoli kaiwena nige iyayaliyaya. Kabo Keni imunamunai lalakina me ana nuwanae. 6Kabo Yaubada iwalo Keni koina iba, “Tawae kaiwena kumunamunai me am nuwanae? 7Nuwana tem am paisowa idudulai kani yayaliyaya koliwo. Na tem am paisowa inae naenaena iyaele isanasana nuwanuwana ikalaiwo. Na kutonan kaiwe naenaenane ukwaiwe-gabaen.” 8Kabo Keni iwalo kanakava Eibeli koina iba, “Talau talokeikeile ule mena.” Saugana silau ule mena kabo Keni isagena-tolo kanakava iunuyamate. 9Kabo Yaubada iwalo Keni koina iba, “Kamkava Eibeli toweya?” Keni kainana iyamaisa iba, “Nige yakakatai. Yakato yau kaukava kana togite-kalatan?” 10Mwa Yaubada iba, “Tawae kaiwena ginauli naenaena bwaite kupaisowai? Kamkava kwasinena ididi-lobi bwatano mena yo ivalavalam koliyau. 11Kamkava kuunuyamate yo kwasinena bwatano mena kupului kabo yakawa-gulaiwo yawalo bwatano inae nige tabe sowasowam kupaisowa yoi. 12Saugana tem ukumai bwatanone kani nige am paisowane uwena kulolobai. Kani nige am kaba miya yawasosi ipapagan, na ukwasakwasa-keikeile yanuwa yaulina mena.” 13Kabo Keni iwalo Yaubada koina iba, “Maisa bwaite ilalakisosi mwa nige sowasowagu yakalai. 14Na kutawoiyauko nige tabe sowasowana bwatanone koina yapaisowa yoi mwa kagu mwayaga iyai manim mena. Nige yagu kaba miya yawasosi ipapagan, bwaimwanamo yakwasakwasa-keikeile yanuwa yaulina mena. Na tem tomo silobaiyau kani siunuyamateyau.” 15Kabo Yaubada iwalo Keni koina iba, “Nigele, tem tomo iunuyamateo, ana paisowane maisana yayamaisa koina kani ilalakisosi.” Kabo Yaubada kilakilala yabo ipei Keni yona koina yonane itabuwan na tem tomo Keni silobai nige sowasowana siunuyamate. 16Mwa Keni ilau ilosuwala kana mwayaga iyai Yaubada manna mena, ilau imiya yanuwa esana Nodi iyaele Ideni dedei tete bomatu mena. Yaubada Keni ikawa-gulai|src="CO00620b.tif" size="col" copy="DCC" ref="4:9-15"

Keni kana mumuga edeededeli

17Keni mewainena sikenokeno mwa isiuma yo ikabi kabo melumelu esana sipei Inoke. Na Keni wauwau waluwaluna isepa yo yanuwa lalakina ipaisowai mwa natuna Inoke esana ipei-panaisan yanuwane koina. 18Kabo muli mena Inoke natuna ikabi esana Iladi. Na Iladi natuna esana Meluyael kabo Meluyael natuna esana Metusaela na Metusaela natuna esana Lemeki. 19Lemeki sinesineo labui ikasolanagili yabo esana Eda yo yabo esana Sila. 20Eda ikabi natuna esana Yabala. Na iya tokwasa baguna ana nume palai koina imiyamiya na sipi, gouti yo bulumakau igitegite-kalatagili. Bwaite mumugane iya kana toyatubu. 21Kanakava esana Yubala na iya api yo igo kali tovenuvenu. Na venune bwaite mumugana ilaomaya iya koina. 22Sila ikabi natuna esana Tubal-Keni iya ana paisowa kopa yo aeyan kali topaisowa. Na duna esana Nama. 23Lemeki iwalo-saesae wainenao kolili iba, “Eda yo Sila, kwabenali koliyau yau Lemeki waineguwao komiu yagu walo kwabenalagili. Kilakai yabo iunuiyau mwa kaiwena yau yaunuyamate, 24kabo tomone iya kagu tounuyamate maisana ilalakisosi kabo muli mena Keni kana tounuyamate maisana.”

Adama yo Ibe natuli yaboyoi

25Adama mewainena sikenokeno kabo isiuma mwa ikabi natuna tauna. Ibe iba, “Yaubada natugu yaboyoi tabe iyeyama Eibeli miyalaena kaiwena Keni Eibeli iunuyamate.” Kabo natuna esana ipei Seti. 26Kabo muli mena Seti natuna ikabi esana ipei Inosi. Na sauganane koina tomo siyatubu sitapwatapwalolo Yaubada koina.

Ilustración artística: una interpretación, no un registro histórico.

¿Sabías que…?

Caín, Abel y la vida al este del Edén

  • El nombre hebreo de Abel significa “soplo” o “vanidad”. Él cuidaba ovejas, mientras su hermano Caín labraba el suelo: Abel llevó las mejores porciones de los primogénitos de su rebaño, y Caín llevó fruto del suelo. El Diccionario Bíblico de Easton (1897) lee la frase “en el transcurso del tiempo” (al margen, “al fin de los días”) como probable referencia al sábado.Fuentes: Abel · Cain · el propio texto bíblico
  • Tras la muerte de Abel, Caín se estableció en la tierra de Nod, al este del Edén, nombre que significa exilio, vagabundeo o inquietud. Allí construyó una ciudad y la llamó como su hijo Enoc. El Diccionario Bíblico de Easton señala que esta es la primera ciudad mencionada en las Escrituras.Fuentes: Nod · Enoch (son of Cain) · el propio texto bíblico
  • Lamec, quinto en la descendencia de Caín, se casó con dos mujeres, Ada y Zila. El Diccionario Bíblico de Easton llama a las palabras que les dirigió el único ejemplo conservado de poesía antediluviana, a veces conocido como “canto de la espada de Lamec”. Sus hijos se vinculan con modos de vida antiguos: Jabal, con las tiendas y el ganado; Jubal, con el arpa y la flauta; y Tubal-caín, con la forja del bronce y del hierro.Fuentes: Lamech (descendant of Cain) · Adah (wife of Lamech) · Zillah · el propio texto bíblico

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Créditos y licencia de esta traducción
Buki Tabu Beyabeyana
Portions of the Old Testament in the Tubetube dialect of the Bwanabwana language of Papua New Guinea
Hap Olpela Testamen long tokples Tubetube long Niugini
copyright © 2019 Wycliffe Switzerland
Language: Tubetube (Bwanabwana) (Bwanabwana)
Dialect: Tubetube
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2022-08-18

Fuente: http://png.bible/tteo/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.