Isaías 53
Godón Buk · Toca un versículo para ver sus referencias cruzadas.
Azid Aeng Zaget Pam
1⌊Prropeta⌋ bóktan yalkomólóp wagó,
“Ki ne bóktan büdrrat kwarilnürrü, ia nótó kuri amkoman yangune?
Ia ⌊ Lod⌋ tóba arüng noaka kuri okaka simzazile?
2Ene wa Lodón ubi yarilürr wa, oya zaget pama dódórr baine kari nugup kumabzan oya obzek kwata,
wamaka simkündügab kuba amtómólda mólóg tüpdü.
Oyaka darrü morroal obzek ó amerr zyón babul yarilürr mibü ngakanóm oya.
Oya büban obzek morroal koke yarilürr, mi ubi bainüm oyaka.
3Pamkolpama oya koke ok inóp a i ma oya alzizi amaiknónóp,
wa wirri azid aengórr, akó wa azid aengbóka umul yarilürr.
Wa inzan olom yarilürr, pamkolpama tibiób obzek noakagabi nalüngóp.
Pamkolpama oya alzizi amaiknónóp akó mi oya morroal koke yangónóp.
4“Anda, mibü blaman azid wa tüób bamselórr
akó wa azid aengórr mibü pabodó.
A mi igó gyagüpi ogobnórró wagó, oya azid aeng wata God wató sekyanórr tóba kolae tonarran darrem apadóm.
5A ene mibü gida amgünanbókamde, oya gaopükü emkalnóp óeande,
oya bidame emkalnóp, mi ne kolae tonarr tómbapónónóp.
Oyaka ne ⌊kolaean darrem⌋ yamselnóp, mibüka paud sidódürr;
oya sosoanme mi dólóng bairrünakla.
6Mi blaman apól kwarilnürrü, bamrükürrün ⌊sipzan⌋,
mi blamana mibiób ubi kwata bagólnórró.
Da Lod mibü kolae tonarr oyaka yamselórr,
ene kolaean darrem mi ne kla ki ipüdórre.
7Oya kari kolae amkal koke emkalnóp, a wa wata piküp yarilürr,
wa darrü poko kokean bóktanórr.
Oya sip kupozan idüdóp bódabón pokodó.
Sipazan zamngólda bóktan-koke, ngüin alük paman obzek kwata,
wa darrü poko kokean bóktanórr.
8Oya amiógdi akó zaz aindi, oya we idüdóp büdülüm.
Darrü oloma gyaur koke esenórr,
oya ne arról itülóp.
Wa kolae tonarran darrem ipadórr mibü pamkolpamab kolae tonarrabme.
9Oya gapókdó ingrinóp kolae tonarr pampükü,
oya gapók ilüngóp mórrel pam ne gapók balüngdako,
enana wa darrü kolae kokean tónggapónórr,
akó darrü pam babula ilklió bülión bóktan nótó arrkrrurr oya ulitüdügab.
10“A ene Lodón ubi yarilürr oya amkalóm bidame akó oya azidan ngitanóm.
Oya büdül sab ⌊urdü agasil larzan⌋ yarile kolae tonarr barrgonóm.
Olgabi wa sab tóba olmalbobatal nóserre; wa sab wirri kokrrap ngyabene,
akó oyabókamde Lodón ubia sab amkoman tómbapóne.
11Azid aeng kakóm, wa sab morroal ngyaben yarile.
Wa sab umul yarile wagó, wa küp-koke pokodó koke azid aengórr.
Lod bóktanda wagó, ‘Kürü dümdüm zaget pama sab abün pamkolpamab kolae tonarr bamsele
akó oyabókamde, ka sab ibü ⌊dümdüm tonarr⌋ pamkolpamóm ninünümo.
12We ngarkwatódó, ka sab oya wirri ngi mórran poko ekyeno,
ka sab oya mórran poko ekyeno arüng pampükü.
Zitülkus módóga, wa tóba arról ekyanórr akó nurrótókórr,
akó oya igó ngakónóp wagó, wa gida amgün pama.
Wa abün pamkolpamab gida amgün bamselórr
akó wa kürüka tóre ugósüm ekorr, ka ibü kolae tonarr iade ki amóna.’”

¿Sabías que…?
El Siervo Sufriente
- El poema retrata a una figura humilde, descrita como un retoño de tierra seca, que soporta sufrimiento, desprecio y aflicción sin protestar, comparada con una oveja muda ante sus esquiladores.Fuentes: el propio texto bíblico
- El texto presenta la vida del Siervo como una ofrenda por la culpa que carga con las transgresiones de otros, prometiendo que, tras su angustia, verá la luz de la vida, prolongará sus días y repartirá despojos con los grandes.Fuentes: el propio texto bíblico
- Las tradiciones cronológicas sitúan el inicio del ministerio profético de Isaías hacia el 758 a.C., abarcando más de sesenta años.Fuentes: Prophecies of Isaiah
Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.
Créditos y licencia de esta traducción
Godón Buk Portions of the Holy Bible in the Gizrra language of Western Province, Papua New Guinea Buk Baibel long tokples Gizrra long Niugini copyright © 2019 Wycliffe Bible Translators, Inc. Language: Gizrra Translation by: Wycliffe Bible Translators, Inc. This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2024-07-01
Fuente: http://png.bible/tof/ · eBible.org