Malaquías 3
PATHEN LEKHABU THENG · Toca un versículo para ver sus referencias cruzadas.
Thupole Hung Ding
1Veuvin keiman ka masanga lampi sujang dingin ka thu polepa ka sol’e, chutengleh na hol jing na Pathen chu pohphunga Hou-In a hung kilah jing ding ahi. Nanghon mukal na ngalel’u kitepna thu hungtei ding ahi, tin van janel Pakai chun asei’e. 2“Ahinlah ahung tengleh koi ham adoujou ding ah? Koiham ama ahung kilah tengleh amaija ding ngam dingah? Ama chu thih kilhajol meikong al’lenglung tobang ding, ahilouleh pon sop bangna sabon tobang ding ahi. 3Sana lhajolpan, sana alhahjol banga, manthei louho a suhtheng ding, dangka leh sana asuhjol tobanga asuhjol ding chutengleh Pakai kom'a santheidol thilto ahin neithei ding ahi. 4Hitengleh chun Pakaijin akom'a hung kichoilut Jerusalem leh Juda mipite thilto ho chu tumasanga banga ahin santhei kit ding ahitai. 5Chuteng chuleh keima thutan dinga na kom’u kahin nai ding phunsan themho, mijong ho, mijou ho, sum lo a na tong ho, thaman penom lou ho, meithai ho leh, nu le pa beiho chuleh gamchom mi na lahuva cheng ho chunga thu adiha tan nomlou ho chuleh keima seijui lou ho chu ka engbol ding ahi, tin hatchungnung Pakaijin asei’e. 6Keima Pakai kahin kikhelna neilou kahi. Hijeh a chu nangho Jacob chate na kisumang soh louvu ahi. 7Napu napa teu khanglaija pat’in nang hon ka danthu ho na nahsah pouvin jui jong na jui pouve. Tun hung kile kit ding ka hi tin hatchungnung Pakaijin asei’e. Ahinlah nang hon na sei jun keiho chebon ki che mang kha louva iti ka kile kit diu ham? na tiuve.
Miphi phunchelna
8Mihemin Pathen achom angai ham? Ahinlah nang hon nei chomun ahi! ahijeng vang'in nang hon na sei jun “Pathen chu iti ka chom diu ham?” na tiuve. Na hopsom to lou jeh ule thilto to ding na tolou jeh uva nei chom’uvah ahi. 9Hitia keima nei chom jeh uva na nam pumpiuva na ki gaosap sohkeiyu ahitai. 10Hopsom jouse akholna mun'a hinlhut sohkei jun chutileh ka Hou-In sunga nehleh chah lhingset ding ahi. Hiti a chu nabol uleh keiman van gam lang kot jouse ka hon lhah a phathei bohna lhingset a, akholna let lha gei ja ka hin sunlhah ding ahi. Hiti chun keima jeng jong hi nei patep mun tin hatchungnung pen Pakaijin aseije. 11“Na chang le na min jong pha ding ahi, ajeh chu a susethei ho jousea konna ka ventup peh ding, na lengpi thei ho jong amin masanga lhulhop louding ahi” tin hatchungnung Pakaijin aseije. 12“Chuteng chuleh chitin namtin in mi nunnom ahiuve ati diu ajeh chu na gamsung chu kipana dimset ding ahi” tin hatchungnung Pakaijin aseije. 13Pakaijin asei’e, “Nanghon kei dounan thupha loutah tah na sei’uve, ahinla nang hon nangma douna a ipi ka sei uvem?” na tiuve. 14Nanghon, Pathen kin bolhi ipi phachom nam? na tiuve. A thupeh dungjui ja ichon’uva ipi phachom am, ahilouleh ka chonset jeh uvin ka kisih uve tia hatchungnung Pakai kom'a isei uva ipi phachom am? natiuve. 15Tu apat'in mi kiletsah ho phathei achangin, thilse bol ho a haodohun Pathen engbolna thoh ngap ho jong ahao doh theije, na tiuve.
Melchihna Lekhajol
16Chujou chun Pakai ging khencha umho chu khat le khat akihouvun ahileh Pakaijin amaho kihouna chu angai pehin ahi. Pakai angsunga chun, Pathen ging jing ho leh amin domsang nom jing ho geldoh jingna dingin lekhajol khat a amin’u aki pehlutin ahi. 17“Amaho chu ka mite hi diu ahi” tin hatchungnung Pakaijin aseijin ahi. Keiman thu katanna nikho tengleh amaho chu atum be a kasahlut tah, ka gou hi diu, mipan athu ngai, acha thilsea konna ahoi doh banga, kenjong amaho chu kahoidoh sah ding ahi. 18Chutengleh nang hon michonpha le michonpha lou nahet khenuva Pathen kin bol ho leh abollou ho na hetkhen thei diu ahi.

¿Sabías que…?
El Mensajero del Pacto y el Fuego del Refinador
- La profecía describe la venida del mensajero del pacto actuando como fuego purificador y jabón de lavadores para limpiar a los descendientes de Leví, el tercer hijo de Jacob cuyo linaje ejercía el sacerdocio. Esta purificación buscaba restablecer ofrendas justas en Judá y Jerusalén.Fuentes: el propio texto bíblico · Levi (patriarch) · Jerusalem
- El capítulo señala la retención de diezmos y ofrendas como un robo a Dios. Se desafía al pueblo a llevar el diezmo completo al almacén del templo, con la promesa de que se abrirían las ventanas de los cielos y se reprendería al devorador para proteger sus campos y vides.Fuentes: el propio texto bíblico
- Cuando algunos escépticos afirmaron que servir a Dios no tenía utilidad mientras los arrogantes prosperaban, los que temían al Señor se reunieron para hablar entre sí. Como respuesta, se escribió un libro de memoria ante Él para honrar a quienes reverencian Su nombre.Fuentes: el propio texto bíblico
Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.
Lugares de este capítulo
- Jerusalem · 31.777, 35.234 · versículo 4
Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).
Créditos y licencia de esta traducción
PATHEN LEKHABU THENG The Holy Bible in the Chongthu Dialect of India Copyright © 2020 Chongthu Bible Translation Team Language: Chongthu (Chin, Thado) Dialect: Chongthu This is a draft copy of a work in progress. It will be updated. This translation is made available to you under the terms of the Creative Commons Attribution Share-Alike license 4.0. You have permission to share and redistribute this Bible translation in any format and to make reasonable revisions and adaptations of this translation, provided that: You include the above copyright and source information. If you make any changes to the text, you must indicate that you did so in a way that makes it clear that the original licensor is not necessarily endorsing your changes. If you redistribute this text, you must distribute your contributions under the same license as the original. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. Note that in addition to the rules above, revising and adapting God's Word involves a great responsibility to be true to God's Word. See Revelation 22:18-19. 2026-10-02
Fuente: http://ebible.org/tczchongthu/ · eBible.org