Mateo 6
Hudani Kielien · Toca un versículo para ver sus referencias cruzadas.
Nanxin Kunlade Ogiku
1"Ta gouni giekude xioxin giezhi kunlai melie uzheghane giezhi bu gie. Qingiezhi giese asiman jieredu tai Adase yama jianli jienlie dane. 2Chi nanxin kunlade ogikude jiazhon giesan kunla mutun bu gie. Hhela goyane kuaighane giezhi huitan, geidoude fugiede tunguliene. Bi tande shuhua kielieye, hhelade jianli ijin ogiwo. 3Chi nanxin kunlade ogikude borun kha giesei soghei khade bu mejiegha. 4Chi ogisanne kunlade bu mejiegha. Beichazide uzhesan Adachii tande jianli ogine."
Onxian Gieku
5"Ta onxian giekude jiazhon giesan kunla mutun bu gie. Hhela kunlade uzheghane giezhi huitan, shizilukoude beidene onxian giekude xiqi wo. Bi tande shuhua kielieye, hhelade jianli ijin ogiwo. 6Ta onxian giekude giedera orodene wijienyi khadene beichazide bisan Adasene onxian gie. Beichazide uzhesan Adachii jianli ogine. 7Ta onxian giekude niman kunla mutun touchan erchanji yama isi witu kielienyi bu kielie. Hhela sumulase ologhan kieliese chenliemu giezho. 8Ta hhela mutun bu gie. Ta xiahua gieku melie ta yan keresei Adatai mejiene."
Ezhan Sughasan Onxian
9"Ingiese ta ingiezhi onxian gie,
'Asiman jieredu mai Ada,
chi nierene zhiguishigha.
10Chii gojiai iregha.
Chi isine asiman jiere mutun
zemin jiere chenjigha.
11Niudunieku ijiuni enedu bijiende ogi.
12Bijiende codasan kunlai bijien rouliesan mutun
bijien codasei roulie.
13Bijienyi shiikude bu echighazhi
Ibilisii khase khizhegha.
Gojia, qienli, famashi chanqi chinughun wo. Amine!'
14Kunla codasei ta rouliese asiman jieredu Adataiye tai rouliene. 15Kunla codasei ta ulie rouliese asiman jieredu Adataiye tai ulie rouliene."
Orozo Bareiku
16"Ta orozo bareikude jiazhon giesan kunla mutun uxinne bu bougha. Hhela orozo bareisei kunlade mejieghane giezhi guyide ghuniraku yanzi khizheghane. Bi tande shuhua kielieye, hhelade jianli ijin ogiwo. 17Chi orozo bareikude qiorunne sanlazhi nune waghadene 18orozo bareisei kunlade bu chujiegheghazhi beichazide bisan Adadene uzhegha. Ingiese beichazide uzhesan Adachii chade jianli ogine."
Boubeini Asiman Jiere Sunji
19"Goyadene oluzhi boubeini zemin jiere bu sunji. Zemin jiere ghughei ghazhazhi xiuqirane. Ghughei nudurun waizhi ghulane. 20Boubeini asiman jiere sunji. Asiman jiere ghughei ghazha dane, ulie xiuqirane. Ghughei nudurun waizhi ghula dane. 21Chii boubei khalashi zhughechiiye khala wo."
Beyeni Zhula
22"Nudunchiishi beyeni zhula wo. Nudunchii goushi beyechii man gieghan wo. 23Nudunchii gou wise beyechii man khara wo. Chii sudorodu gon kharashi hhe kharani zhengiejia fugie wo. 24Kienliuzhe ghua ezhanni shunji dane. Ene niede henjise hhe niede orene. Ene niede gundushi hhe niede gongien wo. Ta Huda baer ghualai hhantu shunji dane."
Munan Bu Gie
25"Ingiese bi tande kielieye, ta amindene oluzhi yan ijiene, ochine giezhi munan bu gie. Beyedene oluzhi yan musine giezhi munan bu gie. Amin ijiekuse zhunyo uwonu? Beye musikuse zhunyo uwonu? 26Ta asiman jieredu bunzhulai nie sumula, hhela ulie tareine, ulie ghurane, cankude ulie sunjine, tai asiman jieredu ada hhelai qiezhene. Ta bunzhulase zhunyo uwonu? 27Tani dunda kien zhughe chilakughala aminne niecha fududagha shidane? 28Musikude yangiezhi munan giezho? Ta banche jieredu baihe chizhe matugie osisei nie sumula, hhela ulie khishilane, bosiye ulie giene. 29Bi tande kielieye, Sulumane honshan zui henni xienzide musisanla ene nie chizhede ulie kurune. 30Ta goude xianxin ulie giechen kunla, banche jieredu osun enedu wine, maghashijie luzide teiliuzhe Huda dou ingiezhi dabalaghazho. Tai qingie ulie gienu? 31Ingiese, 'Ta yan ijiene? Yan ochine? Yan musine?' giezhi zhughe bu chila. 32Enelashi man niman kunla xiahua giekuni wo. Asiman jieredu Adatai tande enezighan chaisanlai man mejiene. 33Ta xien Hudai gojia, hhei gundanni xiahua gie, ingiese enelai man tande ogine. 34Ingiese ta maghashijiekude munan bu gie. Maghashijiekude maghashijie munan giekui wine. Niuduku chijiani niudushi kuruzho."

¿Sabías que…?
Justicia en secreto y confianza
- Este capítulo forma parte del Sermón del Monte. Un registro de eventos fecha ese sermón en el año 28 d.C. y lo registra con una duración de un solo día.Fuentes: Sermon on the Mount · el propio texto bíblico
- Jesús dice que no se toque trompeta en las sinagogas y en las calles al dar a los necesitados, como hacen los hipócritas para ser honrados. También advierte contra orar en las esquinas para ser vistos y contra ayunar con el rostro desfigurado; en cambio, describe orar en un cuarto interior con la puerta cerrada y ayunar con la cabeza ungida y el rostro lavado.Fuentes: el propio texto bíblico
- Jesús dice que ni siquiera Salomón, con toda su gloria, se adornó como uno de los lirios del campo. Un artículo de diccionario explica que su nombre hebreo, Shelomoh, significa “Pacífico”, que era hijo de David y Betsabé, y que Natán lo llamó Jedidías, “amado del Señor”; su reinado se registra en 1 Reyes 1–11 y 2 Crónicas 1–9.Fuentes: el propio texto bíblico · Solomon
Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.
Créditos y licencia de esta traducción
Hudani Kielien The New Testament in the Dongxiang language of China: Hudani Kielien Copyright © 2020-2024 River Street Publishing Language: (Dongxiang) Contributor: Wycliffe Bible Translators, Inc. This translation is made available to you under the terms of the Creative Commons Attribution Share-Alike license 4.0. You have permission to share and redistribute this Bible translation in any format and to make reasonable revisions and adaptations of this translation, provided that: You include the above copyright and source information. If you make any changes to the text, you must indicate that you did so in a way that makes it clear that the original licensor is not necessarily endorsing your changes. If you redistribute this text, you must distribute your contributions under the same license as the original. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. Note that in addition to the rules above, revising and adapting God's Word involves a great responsibility to be true to God's Word. See Revelation 22:18-19. 2025-07-02
Fuente: http://ebible.org/sce/ · eBible.org