Nations Bible

Génesis 49

Gapapaiwa New Testament · Toca un versículo para ver sus referencias cruzadas.

Jeikap natunatuna ivi biibiinisi.

1Vaghina ma Jeikap natunatuna ikwaturiyariyesi ma ivonesi bo, “Komiirigwagwariku ma ana vonemi da mara karakava epipisi na aviyavisina ina tupuwa kurimi. Jeikap imagura kirakai na natunatuna ikwaturiyariyesi ma ivonesi bo, “Komiirigwagwariku ma ana vonemi.”|alt="Elderly man (Jacob) in bed" src="co01087c.tif" size="col" loc="Gen 49:1" copy="© DCC" ref="Gen 49:1"

2Natunatuku, taku ami mamai Jeikap.

Kopisi wike ma kovi yana.

Kaku vava sago na Israel.

Koriyemi da aku sisiya koni yanei.

3Ruben, natuku iyarokom, tam na aku rewapana.

Kutupuwa na ivi matakira da taku na avi tomowa.

Tam na kayotatam ma rewapana kirakiim natunatuku peyarisi kamosiyai.

4Tam na kayoghakighakim ma kara ke kuni wawayaghama, iyamna kawaku yavata bera berona koberai da aku kepana gawarina kuvi dadabui.

5Simiyon da Livai

Tami na ami seri na kapiya kubiine, ami kayowana vighaviya.

6Ami ogatara gavugavusi ke ati vaghinei,

Ma ami ku dughu kamosi ke ana rui.

Nuwanuwami ipughupughu na wawaya kovi kiivunuwana,

Ma bade ghamoghamo korugwarigwarisi da kaesi kovi sidarisi,

Iyamna ami kayowana ghamana da ina vokwarakwara.

7Ami nuwapughu ma ami kayoghakighaki na iberoberowana kirakai,

Tuna kubiine God inimagimi.

Ma Israel dobunai tupurereghimi ina kiivigerisi

Ina berisi da Jeikap tupurereghina kamosiyai ini bogebogesi.

8Juda, tam na varevaresim ini gheghenim,

Ma imamuwai kam ghavighaviya kuna ghegavovorisi.

Am tuwa mau ma titim yoghoyogho ina runomem.

9O Juda, tam na laiyon natuna.

Kuvokiira, kukam ma kuvovira am ku bonagha.

Tam nakanani ma laiyon wavinena iti kwerukweru da ita kenakena,

Ke sago iyai da ini tataghani.

10Tupurereghim mara nonowa ini bada,

Ti na kiivavo ina diwona ina voviteteyanei.

Ke kovokovoghina ini damani dam sago kurisi.

Ina nenae da wawayina vaghata ina nekiibau.

Ina nekiibau ma dam ma dam ina pisi da ina suwari ma ina vokaravei.

11Ina mura ina rakata da ina donki ku greipi kunukununa ina warimi.

Ku greipi uravina ina kune da ruguruguna ina kamkam.

Ma kana gara na wain kamonai ina kowai.

Kana tarasovo na greipi muina tarataranai ina vokutuvi.

12Matana na ina yebari da wain nakanani.

Ma okena na ina poi kirakiiyei da mereki nakanani.

13Sebulun, tam na kikira baranai kuna makai

Ma tam gwabimuwai na waka ina viviwotawotei,

Am parata ina nae da ku Sidon.

14Isaka, tam na nakanani ma donki,

Vita kana kavakavara.

15Kuna kitai da am viyakam gawarina na ibiibii kirakai

ma am tano na biibiina kavakava,

Ma kegha da kuna tupe meyem da biga vitana kuna berai,

ma bade wawaya ina darum da kuna vobagibagi kirakai.

16Dan na tam kuni dam sago Israel kamonai

Ma nota maninina tepanai am wawaya kuni tupaviresi ma kuni badesi.

17Tam na mota sago keta baranai,

Tam nakanani ma mota berona keta ekenakenapotai da hosi kaegidugiduna ina tonai,

Hosi ina tonai na ini kapoka ma geru wawayina murimuriyai ina peku.”

18Muriyai da Jeikap ina sisiya ita kwapanatini, ivona bo, “O Bada, akoyakoyaghim da kuni yawasiku.”

Vaghina ma, ivona bo,

19“Gedi, tam kurim na keta bababasi yapiyapisi ina kayaya,

ma kegha da kuna miiritavire da kuna kwavinisi.

20Asera, tam na am tano na mumurina

ma kiikiivavo kii vavai ina yamona da vaviisi na biibiisi ma magimagisi.

21Ma Napitali, tam na nakanani ma diya wavinena, tuna na vovotawena da ina kayowanai ina baba,

ma ituwa da natunatuna na kiikiimatanisi.

22Ma Josepa, tam na nakanani ma greipi ere amamena

da vusira baranai emiimiiri.

Ma ragharaghana ituwa ikiibu kirakai da ku gari kupuna.

23Dosiyo wawayisi ere nuwapughupughusi ina kayaya kurim

da iti tonem ma kegha.

24Taku Jeikap aku God Rewapana Kirakiina ina vowagum,

Tuna na sipu kii koyakoyagha nakanani, tota Israel kata wakima rewapanina

Tuna kubiine am yovu kuna vokikini da bagibagina,

ma imam na rewapana makamakiina, ke ina mitamita.

25Iyamna am mamai ina God ini vitem,

God Rewapana Kirakiina ini biibiinim.

Kunuma da dobu kana vibiibiina ina verem

ma tupurereghim ini biibiinisi da ini tuwa ma ini susu bubuna.

26Taku am mamai aku vibiibiina avereverem na ighe kirakai,

da koya vovosi ighekuyowesi,

irakata da koya katakatamanisi irogusi.

Weni vibiibiinisi peyarina na tam Josepa avereverem,

ku tepam atereterei,

ma varevaresina kamosiyai tam na kiivavo.

27Ma Benjamin, tam na nakanani ma kukou dipa kayakayayina.

Ikikava mara boiboiyai kukou kana siya ina vowai ma ina kam yavui na nakanani,

kam ghavighaviya kuna vowa kirakiiyesi.

Ma raviyai sawara gwabisiyai kuneboi na kuna vorereghi am wawaya kurisi.”

28Ma vaghina, Jeikap nakanani ivi sisiya natunatuna kurisi, sago sago duma i bera nununai ivi biibiinisi. Ma natunatuna, ti na Israel kana dam ivi 12 i kaekiki mau.

Jeikap irabobo.

29Jeikap natunatuna weni nakanani ivi varavarisi, “Gisina kava ma ana rabobo. Ana rabobo na tupuwiku koviiya kona nae da imapatana aku mamai da aku doboro buba kamonai idogosi na nani dobunai kona dogoku. Kunona nani bubana na Hiti wawaya rapenai, tomowina kana vava na Eperon. 30Bubana na dobu kana vava Makipela kamonai, tuna na Mamre ririnai, Keinan dobunai. Abraham nani tanona Hiti wawaya kana vava Eperon gwabinai igimari da nevanevana na ivi karawagei. 31Ma nani dobunai na Abraham kawana Sera yavata idogosi ma bade Aisiki kawana Rebeka yavata idogosi. Ma bade nani dobunai kawaku Liya adogoi. 32Ma nani tanona da bubana na Hiti damsi gwabisiyai igimari da rapetiyai.”

33Ma natunatuna tomotomowisi ivi varavarisi ikovi na kaena itawanepai ina ku kenakena gawarina, yana itapurai ma irabobo.

Ilustración artística: una interpretación, no un registro histórico.

¿Sabías que…?

Últimas bendiciones a las doce tribus de Israel

  • Las palabras de Jacob juegan con el significado de los nombres de sus hijos. Judá (en hebreo Yehudah) proviene de las palabras de Lea, "Ahora alabaré" (odeh), y Jacob dice que los hermanos de Judá lo alabarán. El nombre de Dan hace eco del "Dios me ha juzgado" (dananni) de su madre Bilha; Jacob dice que Dan juzgará a su pueblo, o le hará justicia, y el Easton's Bible Dictionary (1897) sugiere que esto probablemente alude a Sansón, un juez posterior de la tribu de Dan.Fuentes: Judah (patriarch) · Dan · el propio texto bíblico
  • El capítulo llama bendición a cada discurso, aunque algunos son severos. Rubén, primogénito de Jacob y Lea, cuyo nombre significa "¡He aquí un hijo!", oye que ya no sobresaldrá, porque profanó el lecho de su padre. Simeón y Leví, que se vengaron con violencia de Hamor y de los siquemitas, oyen su ira maldecida y la promesa de que serán dispersados en Jacob y esparcidos en Israel; donde la Authorized Version decía que derribaron un muro, la Revised Version dice que desjarretaron un buey, tal como este capítulo afirma que desjarretan bueyes.Fuentes: Reuben · Simeon · Levi (patriarch) · el propio texto bíblico
  • Jacob pide entonces que lo sepulten con sus padres en la cueva del campo de Efrón el hitita, que Abraham compró como sepulcro de la familia. Macpela, nombre entendido como "porción" o "cueva doble", estaba en la ladera de un monte al este de Hebrón, frente a Mamre, en la tierra de Canaán. Abraham y Sara, Isaac y Rebeca, y Lea ya estaban sepultados allí.Fuentes: Machpelah · Ephron · Mamre · el propio texto bíblico

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Lugares de este capítulo

  • Shiloh · Hoy: Khirbet Seilun · 32.056, 35.290 · versículo 10
  • Sidon · Hoy: Sandikli archaeological site in Sidon · 33.561, 35.372 · versículo 13
  • Canaan · 32.767, 35.333 · versículo 30
  • Machpelah · Hoy: Cave of the Patriarchs · 31.525, 35.111 · versículo 30

Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).

Créditos y licencia de esta traducción
Gapapaiwa New Testament
The New Testament in the Gapapaiwa Language of Papua New Guinea
Nupela Testamen long tokples Gapapaiwa long Niugini
copyright © 2009-2018 Wycliffe Bible Translators, Inc.
Language: Gapapaiwa
Translation by: Wycliffe Bible Translators
This translation is made available to you under the terms of the
Creative Commons Attribution-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not make any derivative works that change any of the actual words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2022-11-07

Fuente: http://png.bible/pwg/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.