Génesis 50
Suha' Maseho: Kadadiam anna Pa'dandiam Bakahu · Toca un versículo para ver sus referencias cruzadas.
1Ussämbäsammi kalena Yusuf sumahho napasindum ungkalapu'i ambena naudum. 2Mane ussuai sabua'na to si biasa ullima'i to mate, ussussui bauam bubanau' bakkena Israel, ambena, anna malai tä' bosi. Iya napateemmi situhu' tula'na Yusuf. 3Appa' pulo allona diolaam ungkähäi aka inna si pada masäena diolaam umpessussuam bauam bubanau' anna malai tä' bosi to mate. Anna pitu pulo allona naolaam to Mesir ma'bahata.
4Tappana lendu'i pa'bahataam, nauam Yusuf lako to dipake illaam banuanna Firaun: “Kamaseiä' laoko uaangannä' Firaun: ‘Naua Yusuf: 5Indo anna la mate kalem ambeku napopa'pindaä' naua: “La ullamum dioä' too indo ku'bu' kupatoka dio Kanaan.” Dadi la laopä' ullamum ambeku anna balii too ma'pasulemä'.’”
6Nauam Firaun: “Uaanni Yusuf: Laoko lamum ambemu situhu' pa'pindamu.”
7Iya le'ba'um Yusuf la ullamum ambena napasolai ingganna to dipake anna matua ulunna illaam banuanna Firaun sola matua ulunna illaam lembäna Mesir. 8Le'ba' asam duka' issi banuanna Yusuf, ingganna solasubunna sola ingganna issi banuanna ambena. Angga ham änä'-änä' anna olo'-olo'na tohho dio Gosyen. 9Natuhu'pi buda to ma'bendi anna to ma'daham lambi' indo to le'ba' umpasolai ma'obim-obim.
10Tappana sulei lako ongeam pallullusam gandum isanga Goren-Haatad, lambam libanna Salu Yordan, etam tohhoi umbatim anna ma'bahatai pitu benginna. 11Tappana naita pa'botto dio Kanaan pa'bahataanna to Mesir dio, iya nasangaim indo ongeam Abel-Mizraim aka naua: “Naongei to Mesir umbatim anna ma'bahata.”
12Susim too pa'palakoanna änä'na Yakub umpasule lako pepakahi'dinna ambena. 13Nababa bakkena lako Kanaan anna nalamunni dio Makhpela sitingngajo Mamre, illaam leä naalli sola bela' Abraham lako Efron to Het napa'ku'bu'i. 14Puhai melamum, ma'pasulem Yusuf lako Mesir sola solasubunna anna ingganna to napasola lao melamum lako Kanaan.
Yusuf umpakahanga solasubunna
15Tappana mate Yakub sangngim mahea'um solasubunna lako Yusuf naua: “La maakangkia' susi ke napaillaam penabai Yusuf indo gau' kadaketaa' lako kalena?” 16Iya ussuam tau lao umpellambi'i Yusuf naua: “Indo anna tubopi ambemua', ma'pakahi'di naua: 17‘La untulasanna' Yusuf muua: La muampunni kasalaanna sola dosana solasubummu lako kalemu.’ Dadi kela mala muampunni kasalaanna inde mai sabua'na Puang Allataala to napenombai ambemua'.” Tappana dipalandasam Yusuf indo tula'na solasubunna, iya sumahhom aka mapi'di' penabanna.
18Iya suleim solasubunna menomba lako Yusuf naua: “La umposabua'kanni.” 19Sapo' naua Yusuf: “Daa ungkahea'ä', aka Puang Allataala hakä' too kao anna la kupasalakoa'? 20Aka moi anna ungkalebuia' indo gau' kadake umpogausannä', sapo' gau' ia too napopangkakka' Puang Allataala tama kaleku, anna malaä' umpesäkäi sungnga'na tau buda tentomai. 21Dadi, daa ummahea'a' aka ingganna kapahalluammu sola pandadiammua' la kubeengkoa'.” Malutte' Yusuf ma'kada lako solasubunna napamattangam penabanna.
Kamateanna Yusuf
22Iya dio lium Mesir Yusuf anna solasubunna. Sahatu' sapulo taunna dadinna mane matei. 23Muitapi peampoanna sule lako lapi' katallunna pessubunna Efraim anna muabimpi änä'na Makhir pessubunna Manasye.
24Iya nauam Yusuf lako solasubunna: “Mahuku'um kamateangku, sapo' la naundu' dakoa' too Puang Allataala messubum illaam mai inde botto, lao lako botto puha nadandi sola umpa'pindai kalena lako Abraham, Ishak anna Yakub. 25La Puang Allataala hi too muundu'koa' messubum illaam mai inde botto.” Mane ussuai pessubunna Israel ma'pinda keta la nababai duka' bukunna lako Kanaan.
26Wattunna anna matei Yusuf dio Mesir sahatu' sapulom taunna dadinna. Iya disussuim duka' bauam bubanau' bakkena indana bosii, mane dipatamai patti.

¿Sabías que…?
El entierro de Jacob y la muerte de José
- La era de Atad, donde la comitiva se lamentó a gritos durante siete días al otro lado del Jordán, toma su nombre de una palabra que significa espino cerval. Los cananeos que vieron el duelo llamaron al lugar Abel-mizraim, 'prado de Egipto' o 'duelo de Egipto'. El Diccionario Bíblico de Easton sitúa Abel-mizraim al oeste del Jordán y dice que su ubicación es desconocida, mientras describe Atad como probablemente cercano a Hebrón.Fuentes: el propio texto bíblico
- Los hijos de Jacob lo sepultaron en la cueva de Macpela, en el campo cerca de Mamre, el sitio de entierro que Abraham había comprado a Efrón el hitita. El Diccionario Bíblico de Easton identifica a Efrón como hijo de Zohar y registra el precio de cuatrocientos siclos de plata.Fuentes: el propio texto bíblico
- José permaneció en Egipto y vivió hasta los ciento diez años, lo suficiente para ver a los hijos de Efraín hasta la tercera generación. Los hijos de Maquir, hijo de Manasés, fueron criados sobre las rodillas de José —frase que la Revised Version inglesa traduce como 'nacidos sobre las rodillas de José' y que el Diccionario Bíblico de Easton explica como una adopción desde el nacimiento. Él dijo a sus hermanos que Dios los haría subir a la tierra prometida a Abraham, Isaac y Jacob, e hizo jurar a los hijos de Israel que subirían sus huesos desde Egipto; cuando murió, lo embalsamaron y lo pusieron en un ataúd allí.Fuentes: el propio texto bíblico
Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.
Lugares de este capítulo
- Canaan · 32.767, 35.333 · versículos 5, 13
- Egypt · 30.129, 31.308 · versículos 7, 14, 22, 24, 26
- Goshen · Hoy: Goshen 1 · 30.799, 31.834 · versículo 8
- Atad · Hoy: near the mouth of the Jordan River · 31.915, 35.530 · versículos 10, 11
- Jordan · Hoy: Jordan River · 31.761, 35.558 · versículos 10, 11
- Machpelah · Hoy: Cave of the Patriarchs · 31.525, 35.111 · versículo 13
Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).
Créditos y licencia de esta traducción
Suha' Maseho: Kadadiam anna Pa'dandiam Bakahu The New Testament and Genesis in the Bambam language of Indonesia Perjanjian Baru dan bagian dari Perjanjian Lama dalam bahasa Bambam dari Indonesia copyright © 2004 Lembaga Alkitab Indonesia Language: Bambam Translation by: Wycliffe Bible Translators This translation is made available to you under the terms of the Creative Commons Attribution-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not make any derivative works that change any of the actual words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2022-03-11
Fuente: http://ebible.org/ptu/ · eBible.org