Mateo 8
Godigo dwagi yai po buku · Toca un versículo para ver sus referencias cruzadas.
Jisasgo te tigiwalide dwai gasi yai bidi me deli ma wiegi yai ilai
1Te Jisas aga te bulu dude bidali tagalama, tama aba dulama, tama we bidi hauwa aga wali asai. 2Tama te tigiwalide dwai gasi yai bidi me deli aga Jisas pąba aselama, tama tǫba kidu sugunama, tama agai te po wali, “Nogi elalubo bidi, te nago homugo usu dao wida, teda nago ena wiegi yai ma ilama, tama ena te meda meni yai tiwai ma bidaibao,” te bidigo te po wai.
3Te Jisasgo nogo te bidi tigiba munama, tama aga nogogo tigiba diąyu te po wali, “Ao, eno homugo nage gasi usu ilaibao. Tama nage wiegi yai pedalao, te meda meni yai bidi bidao.” Tialima, megi naga tama agai tigiwali dolali gasi silama, tama te bidi aga tigi wiegi yai yai. 4Tama Jisasgo te bidi aga dali te po wali, “Bugagia dua dao. Nago bidi me deli dali eno nagede yali sę po me wagio. Menio. Nage dolo pelama, tama nago tigi te pris bageba waseligi pelama, tama agai nago tigi osola sumainao. Tama tilama, tama polobadu Mosesgo wali po gilama Godibolo nai ofa yao. Tama tiyu te bidi dabego koneyu, te nago gasi silali, nage te meda meni yai bidi tiwai megi ma bidibao, te homu augwaligo yaibao,” Jisasgo te po wai.
Jisasgo te Rom ami genuai bidigo sę ebo bidi gasi usu ma ilai
5Jisas te Kaperneam hanu tomoba pobadi, tama te ami bidi hauwa 100 tonalubo genuai bidi aselama, agabolo bomo elama hanaluyu te po wali, “Nogi elalubo bidi, eno sę ebo bidi gasi yai bede pila mubao. Agai nogo sągą dili tigidali bomo isai, tama aga dwai mu bidibao,” te po wai.
7Jisasgo te po wai “Te eno aga geseligi paibao,” wali.
8Tiali goli te ami genuai bidigo po wei ponoyu, aga dali te po wali, “Nogi elalubo bidi, ena wiegi yai bidi meni, tama tiyu nage eno be tomoba pogobeo. Nago pogo naga po olama, tama eno sę ebo bidi aga gasi usu ilao. 9Ena me te ena genuai nogi elalubo bidigo tonaluyu bidibo dao. Tama eno digi te ena ami bidi dabe te ena dologode augwali bidibo dao. Tama eno me delibolo te po weyu, ‘Nage pao’ obaso da, teda aga pabo dao. Tama eno gasa bidi me dali te po weyu, ‘Nage asa’ wali da, teda aga asobo dao. Tama eno ena sę ebo bidibolo te po weyu, ‘Nago te sę yao’ obaso, teda agai te sę ebo dao,” te ami genuai bidigo te po wai.
10Jisasgo te po odama, tama aga homu noma siyu, tama agai aga wali asobo we bidi dabebolo te po wali, “Eno mu po dagebolo obao, eno te Israel we bidi hanide te tobage konealubo po dąų wai bidi tiwai me deli eno subeo. Menio. 11Eno dagebolo obao, te sia pedalobo badu me, te sia aiyaba dega sigi pabo badu me, te si badu te we bidi hauwa aselama, tama augwali te polobadu e tǫde bidali bidi te Abraham me Aisak me Jekop te bidi dabe dali deliba dualama, tama dagalude te Godigo we bidi tonalubo madi tomode bidiyu moni nai tueibao. 12Tiali goli, Godigo hasia bolo te dwai tigi dene sabo buluba muabo sa muani we bidi augwali da, te augwaligo te bulu badu te be hulia sai dwai madigi sela sąwaibao. Tede augwali dwai gela weyu, tama augwa kele ma halua tueibao.”
13Tama Jisasgo te ami genuai bidibolo te po wai, “Naga beba pao. Eno homugo nago konealubo po dąų wali pode te sę nageba pedalaibao,” wali. Tama Jisasgo te po wali sogo naga tama te ami genuai bidigo sę ebo bidi gasi usu ma yai dao.
Jisasgo Pitago we aga ida gasi usu ma ilai
14Tama Jisas Pitago be tomoba pobadi, tama Pitago we aga ida gasi eyu pila mubo suai. Aga tigi posolo gasi yai. 15Tialima Jisasgo aga nogogo te wego nogo diąyu, tama te gasigo aga tagalali. Tama aga hodaluama, tama Jisasgo nai sisi ebo sę ebo gagalali.
Jisasgo gasi yai we bidi hauwa wiegi yai ma ilai
16Tama te sogo pio naga augwaligo te dwai haubo augwalide elalubo we bidi hauwa augwali odasa aselama, tama Jisas pageba pedalai. Tama agai pogo naga po obadi tama te dwai haubo noma bidi dabe sela sąwai. Tama agai tigidali gasi yai bidi dabe wiegi yai ilai dao. 17Tama tiyu, agai te po me deli te Godigo po pusali bidi profet Aisaiago pedauwalidu wali po te usu nanio. Agai te po polobadu wai, “Aga digi dago gasi sai, tama agai dago tigi dolobo sęgę tolasa pai dao.”
Jisas wali painogo ebo bidi
18Jisasgo te genuai we bidi hanigo aga bagulubo sulama, tama agai te aga wali asobo bidi dabebolo te po wai, “Da te sigi ąį u badu sesege badu te gebadu pinao,” te po wai. 19Tama te Juda dabego bomo yai po ola mabo bidi me deli aselama, aga dali te po wali, “Po ola mabo bidi, ena nage pabo bulu tigidali te nage wali ena paibao,” te po wai.
20Jisasgo te po agabolo wali, “Te uni yowi dabe da, augwali pibo dedage te tǫde elalubao, tama te ba dabe da, te augwali me pibo be elalubo dao. Tiali goli Godigo Bidi Mu da, te aga tobolu munama piabo digi te bulu pesage menio,” wali.
21Tama Jisas aga wali pabo bidi me deligo agabolo te po wali, “Genuai Bidi, nago usu da po wai wida, teda ena pelama, te eno aya bolo pubuligi paibao, tama nosali ena nage wali ma asaibao,” te po wali.
22Tiali goli Jisasgo agabolo te po wali, “Nage da, ena wali asao. Te Godigo po odisąbo isai bidi tiwai bidi dabe augwa digi te isai bidi dabe pubalomainao,” Jisasgo te po wai.
Jisasgo te genuai wali isilali
23Jisas te gebaba holobaso, tama aga wali pabo bidi dabe me augwali aga wali pai dao. 24Tama augwali te gebadu te sigi ąį daidu pobadi, te genuai wali mu polo tama hodaluama pedaliyu, tama te moni wę dini asobogo te geba haluainogo yai. Tiali goli Jisas aga da te gebade godege pila mudai dao. 25Tama augwaligo aga pila mubadi hodoligi pali, tama augwaligo te po wai, “Genuai Bidi, nago da tau sao. Da megi e gebade dolama isiebao,” wali.
26Tama agai augwalibolo te po wali, “Magi baso dage wi ebawe? Dagego homugo enade konealu po dąų wabo te dwasianu naga dao.” Tama aga hodaluama, te wali dali te moni wę dini te sia sao po wai. Tama te wali yali sia siyu, tama te wę memenege dwasianu me ebeo. 27Tama augwali moni noma siyu, tama augwaligo te po wali, “E bidi da, aga te mena tiwai bidi weyu, tama te wali de te wę sigo agai po odali dawe?” augwa hasi te po hanalu wai dao.
Jisasgo bidi side dwai haubo noma bidi sela sąwai
28Te Jisas te gebadu pelama, te sigi wę u badu sabolali, te Gadara bidi hanigo tǫba pedelai. Tama te sigi wę tagalama, tama tǫdu pobadi te dwai haubo bidigo dąų wai bidi si te bidi si aga tiąba asai. Te bidi si te gų page elalubo madide bidama asai. Te bidi si te dwai uni yowi bidibo tiwai ebaso, tama te we bidi augwali te tųdu bilainogo ebo te usu me yai menio. 29Tialima, te bidi sigo bomonama i weyu, te po wai, “Nage Godigo Ogwa dao, nago magi sę da dali megi yainogowe? Te bodolu mani sogo me elalubadi digi, te nage eba asali te nago da dene mawainogo ebawe?” wali.
30Tama tede genuai kibu hani augwali te dwasianu digibulu gana nai tuyu bidaluai. 31Tama te bidi si dąų wabo te dwai haubo mobo bidi dabego Jisas dali bomonama i weyu, te po wali, “Nago da sela sąyu da, teda nago da te kibu dabe tomoba tagala palao.” Te po wai.
32Tama agai augwalibolo te po wai, “Dage pao.” Tialima, te bidi si dąų olaluali te dwai haubogo te bidi si tagalama, tama augwali te kibu dabe tomoba pai. Tama te kibu hani dabe tigidali augwali bomonama udulama, tama te dwai saoba pai. Tama augwali te sigi węba tulaluama, tama augwali te wę tulama, poma peyu isila pai dao. 33Tama te kibu tonaluali bidi dabe augwaligo te sę ebo sulama augwali wi pai. Augwali pelama, te hanuba sabolama, tama te po dabe tigidali pusai. Tama augwaligo te dwai haubogo dąų wali bidi side ebo suali sę po pusai dao. 34Tialima te hanude bidali we bidi tigidali palima, Jisas tiąba pai. Tama augwaligo aga sulama, tama augwaligo po bomonama aga dali te po hanalu weyu, tama aga te tǫde bidibo tagalama, tama aga gasa buluba pao, te po wai dao.

¿Sabías que…?
Curaciones, fe y el mar
- Capernaum, la ciudad a la que Jesús entra en este capítulo, era una ciudad de Galilea que no se menciona en el Antiguo Testamento. El Easton's Bible Dictionary (1897) dice que llegó a ser “su propia ciudad” después de que dejó Nazaret, e incluye la súplica del centurión y la curación en la casa de Pedro entre los hechos situados allí.Fuentes: Capernaum · el propio texto bíblico
- Jesús dice que muchos vendrán del oriente y del occidente para compartir el banquete con Abraham, Isaac y Jacob en el reino de los cielos. El Easton's Bible Dictionary (1897) presenta a Abraham como hijo de Taré y heredero de las promesas, a Isaac como el único hijo de Abraham con Sara, y a Jacob —también llamado Israel— como el hijo gemelo menor de Isaac y Rebeca.Fuentes: el propio texto bíblico · Abraham · Isaac · Jacob (Israel)
- Mateo presenta las curaciones de aquella noche como cumplimiento de lo dicho por medio del profeta Isaías: “Él tomó nuestras dolencias y cargó con nuestras enfermedades.” El Easton's Bible Dictionary (1897) identifica a Isaías como hijo de Amoz, que profetizó durante los reinados de Uzías, Jotam, Acaz y Ezequías.Fuentes: el propio texto bíblico · Isaiah
Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.
Lugares de este capítulo
- Gadara · Hoy: Umm Qais · 32.656, 35.679 · versículo 28
Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).
Créditos y licencia de esta traducción
Godigo dwagi yai po buku The Holy Bible in the Dadibi Language of Papua New Guinea Buk Baibel long tok ples Dadibi long Niugini copyright © 1987, 2001 Wycliffe Bible Translators, Inc. Language: Dadibi Translation by: Wycliffe Bible Translators This translation is made available to you under the terms of the Creative Commons Attribution-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not make any derivative works that change any of the actual words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2019-08-22
Fuente: http://png.bible/mps/ · eBible.org