Mateo 4
Godigo dwagi yai po buku · Toca un versículo para ver sus referencias cruzadas.
Satango Jisas usu sai
1Te sogo Jisas baptais selama, tama Godigo Mobo Bidigo Jisas te bidi meni yai buluba odasa pali, te Satango aga dwai sę yanama sinawainogo yai. 2Tama Jisas nai tusiąbadi aga te bidi sese si siade me hulide me bidai. Tama nosali aga nasi yai. 3Tama te usu sabo bidi agaba pedelama, tama aga dwai sę tomoba kegainu agai te po wali, “Nage te Godigo Ogwa da wida, teda nago po obadi e elalubo masigi dabego te begelama, te tubo nai bret pedalomainao, nago tumainogo yao,” te po wai.
4Tiali goli Jisasgo e tiwai wali, “Godigo po bukude te po asęani, ‘Te tubo nai bretgo naga te bidi bidabo ula magobeo. Te bidigo bidibo ula te Godigo pedauwalide pedalobo tigidali pode sabo dao.’”
5Agai te po obaso, tama Satango aga selasa te moni wiegi yai tedali hanuba pali, tama aga te Moni Lotu Be tempel pedu te ugwaba mu dodolali. 6Tama agai agabolo po weyu te po wali, “Nage Godigo Ogwa da wida, teda nage te Moni Lotu Be pedu tedu aiyaba a tǫba samonao. Godigo po bukude te po wai, ‘Agai aga ensel mobo bidi dabebolo nagede po olama, tama nage augwaligo nogo daide ugwaba saibao. Tiyu te nago sągą te masigigo me selidali weyu tama tiaibao,’ te po asęani,” Satango te po wai.
7Jisasgo agabolo te po wali, “Tiali goli te bukude te po ma wai, ‘Nago Genuai Bidi God olo subigila usu sigio, sinagio. Aga te nago God dao.’ Te po elalubao,” wali.
8Te Satango Jisas ma selama, tama te bulu du me ugwanu yai me deli teba sela holai. Tama Satango agabolo te tǫde genuai ula yai bomo me, te tǫde tigidali elalubo wiegi yai nai dabe dali tigidali agabolo ola mani. 9Tama agai Jisasbolo te po wali, “Tama nago kidu sugunama tama basi gulama, ena dologoba peyu enabolo lotu po obaso da, teda eno te tigidali nai nagebolo mawaibao,” wali.
10Tama Jisasgo aga dali te po wali, “Satan, nage gedao. Godigo po bukude te po wai, ‘Nago naga Genuai Bidi God dali naga lotu po weyu, aga dologode bidao. Tama nago agai sę deli naga dąų olama yao.’ Te po elalubao,” Jisasgo te po wali.
11Tama te Satango Jisas aga taga pali. Tama ensel mobo bidi dabe meba aselama Jisas tau sai.
Jisasgo sę ebo te Galili moni tǫde gagalai
12Te Jisasgo te po odali, augwaligo Jon te we bidi baptais mani bidi kalabuside muani po wali, tialima aga Galili moni tǫ teba pai. 13Tama aga te Nasaret hanude osogo bidama, tama tedu pelama, te Kaperneam buluba pelama bidigi pai. Te Kaperneam hanu te sigi wę sesegede elaluali, te Sebulun bidi hanigo tǫ me te Naptali bidi hanigo tǫ me te tǫ si te badu elalubo dao. 14Tama tiyu, te po me deli te Godigo po polobadu pusali profet bidi Aisaiago pedauwalide wali po usu nani, tama Aisaiago te po wali,
15“Tama te Sebulun hanigo moni tǫ badu, me
te Naptali hanigo moni tǫ te badu me, te sigi węba
pabo tų badu, te Jordan pabo ąį badu, te Juda hani
isiąwai bidi dabe hauwa bidibo tǫ nogi Galili, 16te
tǫ tigidalide bidibo we bidi augwali hulide bidaluali,
tama augwaligo te genuai ula nanobo suai dao. Te
we bidi augwali te isabo be hulia sai digi bidaluali
tama te wiegi yai ula augwaliba pedelai dao.”
17Tama te sogo Jisasgo agai po pusubo sę ebo gagalai. Agai te po oduali, “Dage dwai kolesaga yalide ge neyu, homu geasa piąo. Te Godigo te we bidi tonalubo sę yabo sogo pąde dao.”
Jisasgo bidi me si me si i olama augwali aga wali asa wai
18Te me sogo Jisas te Galili sigi wę sesegedu pobadi, tama agai te augwali ama name si suali, te bidi me nogi Pita, me aga ama, Andru, augwali sigo te sųgų sabo wa te sigi węba sąbo sę yai. Te augwali sigo te sųgų selama mone sabo bisnis sę yai dao. 19Jisas agai augwali sibolo te po wai, “Dage si ena wali asao, tama eno dage si te bidi sabo sę ola mawaibao.” 20Tama polo augwali sigo te sųgų sabo wa tagalama, tama Jisas aga wali pai.
21Tama Jisas aga ma pobadi, tama agai gasa ama name si me suali, te Jems, te Sebedigo ogwa, te aga ama Jon dali. Te augwali si augwa si aya Sebedi dali te moni gebade bidibadi, tama augwa te sųgų sabo wa dodolobo sę iduai. Tama agai augwali si i wai. 22Tialima tama polo augwali sigo te augwa si aya me te geba me tagalama, tama Jisas wali pai.
Jisasgo po pusulama we bidi hauwa usu ilai
23Te Jisas aga te moni tǫ Galili te tigidali sesege badu aga biligi pai. Agai aga ola mabo po te Juda dabego bomo yai po ola mabo be tomode te we bidibolo ola mawai. Tama ola mayu, agai augwalibolo te Godigo we bidi tonalubo sęde te gesi dwagi yai po pusali, tama te tigidali haniani gasi dabe me te tigidali dwai naigo te tigi dolai we bidi augwali tigi usu ma ilai dao. 24Tama augwaligo agai te sę yali po tigidali te Siria genuai tǫde bidibo we bidibolo me te po pusai. Tama te po augwaligo odama, tama augwaligo te tigidali dwai gasi haniani eyu, te dwai dene sali bidi dabe me selasa asali, tama te dwai noma bidi elalubo bidi me, te esela pabo bidi dabe me, tama te sągą dili bomo isai bidi dabe me, te sela asai. Tama agai augwali wiegi yai ma ilai dao. 25Tama te genuai we bidi hani hauwa, te genuai tǫ Galilide bidibo we bidigo me, te Dekapolis tǫde bidibo we bidigo me, te moni hanu Jerusalem we bidigo me, te Judia genuai tǫde bidibo we bidigo me, te Jordan pabo ąį te tǫ u badu bidibo we bidigo me, te tǫ tigidalide bidibo we bidi mebago naga te aga wali pai.

¿Sabías que…?
Del desierto a las orillas de Galilea
- Al tentador en este capítulo se le llama tanto diablo como Satanás, nombre que significa "adversario" o "acusador". Un diccionario bíblico señala que en el Nuevo Testamento Satanás se usa de manera intercambiable con el diablo, y que tentó a Jesús en el desierto. Después de ayunar cuarenta días y cuarenta noches, Jesús rechazó las exigencias de convertir las piedras en pan, de arrojarse desde el pináculo del templo y de adorar a Satanás a cambio de los reinos del mundo, respondiendo con la Escritura hasta que el diablo se fue y los ángeles lo atendieron.Fuentes: el propio texto bíblico · Satan
- Cuando Jesús oyó que Juan había sido encarcelado, se retiró a Galilea, dejó Nazaret y se estableció en Capernaúm, junto al mar, en la región de Zabulón y Neftalí, traslado que Mateo vincula con palabras dichas por medio del profeta Isaías. Una nota geográfica explica que Galilea permaneció mucho tiempo ocupada por sus antiguos habitantes y por eso llegó a llamarse "Galilea de los gentios". Capernaúm no se menciona en el Antiguo Testamento; una entrada sobre el lugar dice que, después de que Jesús fue expulsado de Nazaret, se convirtió en su propia ciudad.Fuentes: el propio texto bíblico · Galilee · Capernaum
- Mientras caminaba junto al mar de Galilea —un lago que el Evangelio de Juan también llama mar de Tiberíades, de unas doce millas y media de largo—, Jesús llamó a dos pares de hermanos que trabajaban como pescadores. Simón, llamado Pedro, y Andrés estaban echando una red; un diccionario bíblico señala que Andrés, de Betsaida, había sido primero discípulo de Juan el Bautista, y que los dos hermanos no se convirtieron en acompañantes habituales de Jesús sino hasta después del encarcelamiento de Juan. Más adelante, Santiago y Juan, hijos de Zebedeo, estaban en una barca con su padre remendando las redes; Jesús los llamó, y ambos pares dejaron su trabajo y lo siguieron.Fuentes: el propio texto bíblico · Andrew · James (Son of Zebedee) · Sea of Galilee
Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.
Lugares de este capítulo
- Jerusalem · 31.777, 35.234 · versículos 5, 25
- Galilee · 32.760, 35.527 · versículos 12, 13, 15, 23, 25
- Judea · Hoy: Judea 1 · 31.777, 35.234 · versículos 12, 25
- Nazareth · 32.702, 35.298 · versículo 13
- Jordan · Hoy: Jordan River · 31.761, 35.558 · versículos 15, 25
- Sea of Galilee · 32.819, 35.590 · versículo 18
- Syria · Hoy: Syria 2 · 33.511, 36.306 · versículo 24
- Decapolis · 32.717, 35.800 · versículo 25
Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).
Créditos y licencia de esta traducción
Godigo dwagi yai po buku The Holy Bible in the Dadibi Language of Papua New Guinea Buk Baibel long tok ples Dadibi long Niugini copyright © 1987, 2001 Wycliffe Bible Translators, Inc. Language: Dadibi Translation by: Wycliffe Bible Translators This translation is made available to you under the terms of the Creative Commons Attribution-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not make any derivative works that change any of the actual words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2019-08-22
Fuente: http://png.bible/mps/ · eBible.org