Génesis 48
Nan kalin Apo Dios · Toca un versículo para ver sus referencias cruzadas.
Nan Namindisyonan Jacob ken cha Efraim ken Manases
1Awni pay ya naifaag ken Jose ay masasakit si amana. Ke na't iyey nan an-akna ay cha Manases ken Efraim ta en cha am-in ilaen siya. 2Osto ay naifaag ken Jacob ay inmali nan anakna ay si Jose ay mangila ken siya, inpeyna nan kafaelana ay tinmokcho is maseyseypana. 3Kinwanin Jacob ken Jose, “Nenpaila si Apo Dios ay Makabfalin Am-in ken sak-en id Luz id Canaan, sa et binmindisyon. 4Kinwanina, ‘Chey! pagkhanagkhanakek sik-a ta enfalin ay angsan ay ili nan wanen-edmo. Ichowak nan nay ay lota isnan wanen-edmo ay sa cha enkwa is eng-engkhana.’ ”
5Kinwanin kayet Jacob, “Sik-a Jose, et ifilangko ay osto ay an-akko nan sanacha ay chwa ay an-akmo ay naiyanak isna id Egipto issan sisya'y egayko inmaliyan. Siya, cha Efraim ken Manases et ifilangko ay an-akko chaicha ay kag met laeng ken cha Ruben ken Simeon. 6Mo way kasin cham wad-ayen is lallalaki, et ad-i cha maikwani ay an-akko mod-i ket ap-ok. Nan at tawichencha ay enkwa et malpo ken cha Efraim ken Manases. 7Angnek na khapo ken inam ay Raquel. Chadlos ko insanga nan nateyana id Canaan ay ensag-en id Efrata issan chak tomoliyan ay nalpo id Mesopotamia. Et inkaobko siya isnan ilit nan karsa ay enpaEfrata.” (Betlehem nan ngachan nan Efrata idwani.)
8Isnan nangil-an Israel isnan an-ak Jose, kinwanina, “Sino pay chana?”
9“An-akko chana ay inchowan Apo Dios ken sak-en isna id Egipto,” kinwanina.
“Yaim chaicha isna ta bindisyonak chaicha,” kinwanin Israel. 10Idwani, tay ad-i makaila ay khawis si Israel tay nalakay et, inchoon Jose nan an-akna ken amana et finisitona ya kinnawena chaicha. 11Kinwanin Israel ken Jose, “Kanak man mo ad-ik kasin ilaen sik-a, ngem nay pet inpalofos Apo Dios ay ilaek sik-a olay nan an-akmo.” 12Sa et inyadchawin Jose nan an-akna isnan manatakchowancha ken ikitcha ay Israel sa et nenfalintomeng ay nentowad si Jose isnan sakhangna.
13Sa et insag-en Jose si Efraim is kakannikhid amana ay Israel, ya si Manases ay yon-a insag-ena is kakannawana. 14Ngem ket ay nen-akpilen Israel nan limana ya inpatangna nan kannawana ken Efraim olay mo siya nan annochi, ya nan kannikhidna ken Manases ay yon-a. 15Sa na't binindisyonan si Jose ay nangwanin,
“Asop ya si Apo Dios
ay insilsilfiyan ikit ay Abraham ya si ama ay Isaac
et bindisyonana chaton-a ay fafallo!
Asop ya si Apo Dios
ay nangipangpango ken sak-en engkhana idwani ay akhew
et bindisyonana chaicha!
16Asop ya nan anghel ay nangisas-alak ken sak-en isnan am-in
ay ngaag,
et bindisyonana chaicha!
Asop ya maitot-oloy ken chaton-a ay fafallo
nan ngachanko ya ngachan ikit ay Abraham ya si ama ay Isaac.
Asop ya makhanakhanak cha ya omangsan nan wanen-edcha isnan
lofong!”
17Eg-ay linayad Jose nan nangil-ana isnan nangipay-an amana isnan kannawan ay limana is kaolon Efraim ay annochi, idwani inalana nan chey ay liman amana ta iyatona koma is kaolon Manases. 18Kinwanina ken amana, “Faken sa's angnem ama, si ton-a nan yon-a. Ipatangmo nan kannawanmo isnan olona.”
19Ngem inad-in amana ay nangwanin, “Ammok anakko. At khechangna'y makhanakhanak akhes nan wanen-ed Manases ya machamchamag siya, ngem at wadwad-ay nan annochi mo nan yon-a, ya nan wanen-edna et enfalin cha ay angsan ay chadchake ay ili.”
20Et binindisyonana chaicha isnan chey ay akhew ay mangwanin, “At osalen nan Israelitas nan ngachanyo ay mamindisyon isnan tapina. Kanan cha, ‘Asop ya khab-en Apo Dios chakayo ay kag ken cha Efraim ya si Manases.’ ” Kag todi nan inikkan Israel ay nangippey ken Efraim ay inmon-ona mo si Manases.
21Sa et kinwanin Israel ken Jose, “Iilaem ay nganngani ak ay matey, ngem at wawawawad-ay si Apo Dios ken chakayo ya at isakhongna chakayo isnan ilin nan ikik-ityo. 22Sik-a, ya faken nan et-admo nan mangigwaak isnan ponchag id Sikem ay inalak isnan Amorreo isnan fadyokko ya nan pantolayko.”

¿Sabías que…?
Adopción y bendición de Efraín y Manasés
- Jacob cuenta como suyos a los dos hijos de José, nacidos en Egipto, al mismo nivel que Rubén y Simeón, hijos de Lea. Los hijos que le nacieran a José después de ellos seguirían siendo de José y llevarían el nombre de sus hermanos en el territorio que heredaran.Fuentes: el propio texto bíblico · Manasseh (son of Joseph) · Reuben · Simeon
- Manasés era el hijo mayor y Efraín el menor, nacido en Egipto. El nombre Efraín significa doble fecundidad, porque Dios lo había hecho fecundo en la tierra de su aflicción. Aunque Israel apenas podía ver por la edad, cruzó las manos, puso la derecha sobre Efraín e insistió en que el hermano menor sería mayor.Fuentes: el propio texto bíblico · Ephraim · Manasseh (son of Joseph)
- Jacob recuerda que Dios Todopoderoso se le apareció en Luz, en la tierra de Canaán, y allí lo bendijo. Luz era el nombre antiguo de una ciudad real cananea cerca de Betel, donde Jacob se detuvo y recibió una visión profética. También recuerda a Raquel, madre de José, que murió, para su tristeza, al volver de Padán —nombre que aparece solo en este versículo, para designar Padán-aram— y a quien sepultó junto al camino de Efrata, es decir, Belén.Fuentes: el propio texto bíblico · Luz · Paddan · Rachel
Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.
Lugares de este capítulo
- Canaan · 32.767, 35.333 · versículos 3, 4, 7, 21
- Luz · Hoy: Beitin · 31.923, 35.241 · versículo 3
- Egypt · 30.129, 31.308 · versículos 5, 9
- Bethlehem · 31.704, 35.208 · versículo 7
- Ephrath · Hoy: Bethlehem · 31.704, 35.208 · versículo 7
Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).
Créditos y licencia de esta traducción
Nan kalin Apo Dios New Testament in Bontok, Central copyright © 1992 Wycliffe Bible Translators, Inc. Language: Central Bontok (Bontok, Central) Translation by: Wycliffe Bible Translators Contributor: Wycliffe Bible Translators, Inc. Copyright Information © 1992, Wycliffe Bible Translators, Inc. All rights reserved. This translation text is made available to you under the terms of the Creative Commons License: Attribution-Noncommercial-No Derivative Works. ( http://creativecommons.org/licenses/by-nc-nd/3.0/ ) In addition, you have permission to port the text to different file formats, as long as you do not change any of the text or punctuation of the Bible. You may share, copy, distribute, transmit, and extract portions or quotations from this work, provided that you include the above copyright information: You must give Attribution to the work. You do not sell this work for a profit. You do not make any derivative works that change any of the actual words or punctuation of the Scriptures. Permissions beyond the scope of this license may be available if you contact us with your request. The New Testament in Bontok, Central © 1992, Wycliffe Bible Translators, Inc. All rights reserved. This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2015-03-17
Fuente: http://ebible.org/lbk/ · eBible.org