Nations Bible

Jonás 4

Uumeleembaa Buŋa Tere Soomoŋgo Gbilia · Toca un versículo para ver sus referencias cruzadas.

Joonanoŋ temboma iriŋa soono.

1Kaeŋ kolooroto, Joonanoŋ iikawaajoŋ uubooli somata moma iriŋa soono. 2Iriŋa soono Poŋ welema muŋ kokaeŋ ijoro: “Ae! Poŋ, gii kiaŋkoomuwaa beŋa laligoŋ saanoŋ niniima kobooŋkejaŋ. Goo kaleŋmoriaŋga ii honoŋa qaa ero iriŋga ii uulaŋawo mende sooŋkeja. Kaeŋ uuga uulaŋawo olomooro wosomomo ama kanageso moŋ meŋ kileeŋ oŋomambaajoŋ mende momakejaŋ. Ii neenaa gomanoŋ laligoŋ moma yagoŋ gijoweti, ii duduujaŋ me qaago? Kania kawaajoŋ ama kambaŋ kanoŋ “Tarsis kemaŋa,” jeŋ uulaŋawo kokomomola meŋ kema laligowe. 3Kete jaawo laligomambaajoŋ togoŋ koomunaajoŋ uuguŋ mobe awaa kolooja. Kawaajoŋ Poŋ, gii mono laaligona doloda koi nuamba. Qaa ii oŋanoŋ.”

4Kaeŋ welenoto, Poŋnoŋ kokaeŋ meleema ijoro: “Joona, gii kiaŋkoomuwaajoŋ iriŋsooŋsooŋ mojaŋi, ii sokonja me qaago?”

5Kaeŋ ijoro Joonanoŋ siti mesaoŋ kamaaŋ weeŋ koukoutanoŋ baageŋ kema kana goraayanoŋ endu kuuŋ qeŋ iikawaa umuganoŋ raro. Rama sitiwaajoŋ kaeŋ me kaeŋ koloowaati, ii iimambaajoŋ uuŋ uuŋ raro. 6Kaeŋ raroto, Poŋ Anutunoŋ Joona keraqeeaŋgo qeŋ mumambaajoŋ moma jero aloŋaloŋ moŋ asugiŋ koriŋ kouma Joonawaa waŋa aoŋ koma muro. Aoŋ koma muro aloŋalombaajoŋ keraqeeaŋgo somata moma raro. 7Rama gomantiiŋa moŋ ero gomaŋ ano kanoŋ Anutunoŋ taroŋ moŋ wasiro kaŋ aloŋaloŋ ii kiririiro seŋa sooliro. 8Weeŋnoŋ kouro Anutunoŋ jero haamo geriawo totooŋ ii gomaŋ jaaya koukoutanoŋga qero weeŋ jaayanoŋ waŋanoŋ kuuro kuuro iriŋa soono komumambaajoŋ moma moŋgandaboroŋ qama kooliŋ kokaeŋ jero: “Nii laligomambaajoŋ togoŋ komumambaajoŋ mobe afaaŋa kolooja. Qaa ii oŋanoŋ.”

9Kaeŋ jeroto, Anutunoŋ Joona kokaeŋ ijoro: “Gii aloŋalombaajoŋ iriŋga soonji, ii sokonja me qaago?”

Kaeŋ ijoro kokaeŋ meleeno: “Irina soonji, ii mono sokonjaa. Noo iriŋsooŋsoona ii somata kolooro uunanoŋ mende olomoowaa. Kawaajoŋ saanoŋ komumaŋa. Qaa ii oŋanoŋ.”

10Joonanoŋ kaeŋ meleeno Poŋnoŋ kokaeŋ ijoro: “Gii aloŋalombaa gawoŋa moŋ mende meŋ ii mende galeŋ kona koriro. Ii gomantiiŋa motooŋgowaa uutanoŋ asugiro ano gomantiiŋa motooŋgowaa uutanoŋ sooliŋ komuro. Kileŋ geeŋgo iwoi omaya kaaŋa iikawaajoŋ ama saama majakaka mojaŋ. 11Kaeŋ kolooro nii mono nomaembaajoŋ siti somata kokawaa kanatuuruya yoŋoojoŋ majakaka mende mobenaga? Iikawaa uutanoŋ ejemba 120.000 (handet twenti tauseŋ) jaŋgo ii uuguŋ laligojuti, ii awagaa ano bologaa kanagara mende moma gosiŋ oromakejuti ano bao kuru iwoi ii kaaŋiadeeŋ keleŋmaleleŋ laligoju. Ii ejemba yoŋowo kaaŋgadeeŋ meŋ kileeŋ oŋomambotiwaajoŋ ama mono uuaiŋnanoŋ Niiniwe iŋiima koboojeŋ.” Kiaŋ.

Ilustración artística: una interpretación, no un registro histórico.

¿Sabías que…?

El enojo de Jonás y la compasión de Dios

  • Jonás admite que originalmente intentó huir hacia Tarsis precisamente porque sabía que Dios es clemente, compasivo, lento para la ira y dispuesto a desistir de enviar calamidades. Su aflicción surgió cuando Dios decidió perdonar a Nínive en lugar de destruirla.Fuentes: el propio texto bíblico · Tarshish
  • Nínive, la floreciente capital del Imperio Asirio, se describe al final del libro con más de 120.000 personas que no saben distinguir entre su mano derecha y su izquierda, además de muchos animales. Dios resalta esta inmensa población para contrastar la compasión divina con el apego de Jonás a una sola planta marchita.Fuentes: el propio texto bíblico · Nineveh

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Lugares de este capítulo

  • Nineveh · 36.359, 43.153 · versículo 11

Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).

Créditos y licencia de esta traducción
Uumeleembaa Buŋa Tere Soomoŋgo Gbilia
The New Testament and portions of the Old Testament in the Borong Language of Papua New Guinea
Sampela hap Buk Baibel long tokples Borong long Niugini
Copyright © 2002, 2011 The Bible Society of Papua New Guinea
Language: Borong
Translation by: Wycliffe Bible Translators
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2015-01-26

Fuente: http://png.bible/ksr/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.