Nations Bible

Génesis 50

Uumeleembaa Buŋa Tere Soomoŋgo Gbilia · Toca un versículo para ver sus referencias cruzadas.

Jeikob roŋ koŋgi.

1Jeikobnoŋ komuro Joosefnoŋ luguŋ maŋa kepelaaŋ muŋ ligoŋ kema aroyanoŋ giliro kemero buuta kitoŋ nero. 2Kawaa gematanoŋ Joosefnoŋ doktauruta jeŋkootoyaa baatanoŋ laligogiti, ii maŋaa qamoya sele meŋ kotikotii keleganoŋ moriwutiwaajoŋ jeŋ kotoŋ oŋono. Jeŋ kotoŋ oŋono yoŋonoŋ Israelwaa qamoya kaeŋ ama mugi. 3Gawoŋ ii meŋ laligogi weemboria 40 kuuya tegoro. Qamogia kelenoŋ moriŋkegi, iikawaa gawoŋa ii kambaŋ koriga kaeŋ meŋ laligoŋkegi. Iijipt kanatuuru yoŋonoŋ Jeikobwaajoŋ weemboria 70:waa so jiŋgeŋ qama saama laligogi.

4Saama jiŋgeŋ koma wosobiri laligogitiwaa kambaŋa iikanoŋ tegoro Joosefnoŋ Faarao kimbaa jiŋkaroŋ mirinoŋ gawoŋ meŋ laligogiti, ii qaa kokaeŋ iŋijoro: “Niinoŋ oŋoo jaagianoŋ kiaŋkoomu mokolooweti eeŋ, oŋo mono noo jenanoŋ meŋ Faarao kiŋ qaa kokaeŋ jegi mobaa: 5Maŋnanoŋ jaawo laligoŋ qaa kokaeŋ somoŋgoŋ jojopaŋ qaanoŋ jeŋ kotiimambaajoŋ jeŋ kotoŋ nono: ‘Niinoŋ komumambaajoŋ anjeŋ. Nii neenaajoŋ jamo kobaa Keinan balonoŋ osoweta nanji, noo qamona ii mono iikanoŋ kema roŋ komba.’ Kawaajoŋ saanoŋ kete jeŋ kotona nii iikanoŋ kema maŋnaa qamoya roŋ komago mombo eleema kamaŋa.”

6Kaeŋ iŋijoro jegi Faarao kiŋnoŋ ii moma kokaeŋ jero, “Gii maŋgaajoŋ qaa somoŋgoŋ jojopaŋ qaanoŋ jeŋ kotiinati, iikawaa so saanoŋ kema maŋgaa qamoya roŋ komba.”

7Kaeŋ jero Joosefnoŋ maŋaa qamoya roŋ komambaajoŋ uro. Faarao kimbaa jawiŋuruta qabuŋagiawo kuuya, jiŋkaroŋ miriaa ano Iijipt kantriwaa jotamemeuruta qabuŋagiawo ii kuuya iwo motooŋ keŋgi. 8Joosefwaa miriwaa sumaŋuruta korebore, iwaa daremuŋuruta ano maŋaa kanagesouruta yoŋonoŋ kaaŋagadeeŋ motooŋ keŋgi. Embameraurugia, lama, meme ano bulmakao tuuŋa tuuŋa iigadeeŋ mono oŋomesaogi Goosen gomanoŋ ragi. 9Hooswaa kareya kareya ano eja hoos qagianoŋ ragiti, ii kaaŋagadeeŋ keŋgi. Kaeŋ mindiriŋ tuuŋ somata totooŋ keŋgi.

10Kema kema Jordan apu gowoya kotoŋ leegeŋ toroqeŋ kema Atad gomanoŋ wiit dumuŋ kotawaa hoŋa ano kaawoya mendeema gosigiti, miri baloŋ iikanoŋ keuma jiŋgeŋ aro metaama qama silama saama boliŋ laligogi. Joosefnoŋ maŋaajoŋ weemboria 7:baa so jiŋgeŋ qama saama laligoro. 11Atad gomanoŋ jiŋgeŋ qama saagi baloŋ toya Keinan kanageso yoŋonoŋ ii iima moma kokaeŋ jegi, “Iijipt yoŋonoŋ mono jiŋgeŋ saawaa areŋa uuta anju.” Kaeŋ jegi miri baloŋ iikawaa qata ii kanaiŋ Aabel Mizraim qagi. Ii Jordan apu gowoyaa weeŋ koukoutaageŋ eja.

12Jeikobnoŋ merauruta jeŋ kotoŋ oŋonoti, yoŋonoŋ iikawaa so otaaŋ ama mugi. 13Yoŋonoŋ qamoya aŋgoŋ Keinan balonoŋ kema Mamre kosianoŋ Makpela baloŋ korianoŋ kobaa eji, iikanoŋ kema roŋ koŋgi. Aabrahamnoŋ waladeeŋ baloŋ koria kobaayawo ii qasirigia ewaatiwaajoŋ Hit eja Efron iwaanoŋga sewaŋa mero. 14Joosefnoŋ maŋaa qamoya roŋ kono tegoro aŋa, daremuŋuruta ano tosaaŋa kuuya iwo maŋaa qamoya roŋ kombombaajoŋ keŋgiti, iyoŋonoŋ mombo Iijipt balonoŋ eleema kagi. Kiaŋ.

Joosefnoŋ iroŋa mende meleemambaajoŋ mombo jero.

15Joosefwaa daremuŋurutanoŋ maŋgia komuro rama iima kotoŋ kokaeŋ romoŋgoŋ jegi: “Joosef sili bologa kuuya ama muniŋi, iinoŋ iikawaajoŋ uuduuduu moma nonoma kambaŋ kokaamba kanaiŋ iroŋa meleema nonombabo.” 16Kaeŋ jeŋ Joosefwaa qaa kokaeŋ aŋgi keno, “Maŋganoŋ komumambaa ama nonoojoŋ qaa kokaeŋ jeŋ kotoro: 17‘Oŋo mono Joosefwaajoŋ qaa kokaeŋ jegi mobaa: Daremuŋuruganoŋ sili bologa ama tiwilaaŋ gombombaajoŋ aŋgiti, giinoŋ mono iyoŋoo siŋgisoŋgogia ano kakasililiŋgia ii mesaowa. Kawaajoŋ giinoŋ saanoŋ maŋgaa Anutuyaa weleŋqeqeuruta nonoo siŋgisoŋgonana mesaowa.” Yoŋonoŋ qaa ii aŋgi Joosefwaanoŋ karo moma mono qama saaro.

18Kawaa gematanoŋ Joosefwaa daremuŋuruta iyaŋgio kaŋ balonoŋ tama batanoŋ usugoŋ kamaaŋ kokaeŋ ijogi: “Moba, nono goo weleŋqeqeuruga omaya koloojoŋ.”

19Kaeŋ ijogito, Joosefnoŋ meleema kokaeŋ jero: “Mono keegia mende mobu. Niinoŋ Anutuwaa kitianoŋ mende nanjeŋ. 20Oŋanoŋ, oŋo sili bologanoŋ tiwilaaŋ nombombaajoŋ kaparaŋ koma aŋgito, Anutunoŋ ii meleeno kitianoŋ iwoi awaa asugiwaatiwaajoŋ kaparaŋ koma ano. Kaeŋ ama kondooŋ kuuŋ nono kanatuuru mamaga oŋoo laaligogia somoŋgowe iikawaa hoŋanoŋ kambaŋ kokaamba asuganoŋ kolooro iima kotojoŋ. 21Kawaajoŋ mono keegia mende mobu. Niinoŋ mono oŋoaŋgia ano embameraurugia oŋoo laaligogia kuuya naŋgoŋ oŋoma laligomaŋa.” Kaeŋ jeŋ kileŋagiaa iroŋa ii mende meleemambaajoŋ mombo jeŋ kotiiŋ gumbonjonjoŋ ama oŋono. Kiaŋ.

Joosefnoŋ komuro.

22Joosefnoŋ maŋaa kanagesouruta yoŋowo toroqeŋ Iijipt balonoŋ laligogi. Joosefnoŋ laligoŋ uro yambuya 110 kolooro komuro. 23Joosefnoŋ esa amboaaŋa Efraimbaanoŋga koloogi ii iŋiiro. Kaaŋagadeeŋ Manasewaa meria Makir iwaa meraboraaŋa koloogi Joosefwaa tawoyanoŋ oŋooŋgi dooŋgoŋ oŋono.

24Kawaa gematanoŋ Joosefnoŋ daremuŋuruta yoŋoojoŋ qaa kokaeŋ iŋijoro, “Nii komumambaajoŋ anjento, Anutunoŋ mono kalaŋ koma oŋono laligowuya. Iinoŋ oŋo baloŋ kokainoŋga uŋuama baloŋ Aabraham, Aisak ano Jeikob yoŋoo buŋaga koloowaatiwaajoŋ jeŋ tegoŋ jojopaŋ qaanoŋ jeŋ kotiiroti, mono iikanoŋ kema laligowu.”

25Kaeŋ iŋijoro Israelwaa meraurutanoŋ qaa jeŋ somoŋgoŋ jojopaŋ qaanoŋ kokaeŋ jeŋ kotiiwutiwaajoŋ jeŋ kotoŋ oŋono: “Anutunoŋ kalaŋ koma oŋono laligogi niinoŋ komuwe noo siina ii mono baloŋ kokainoŋga aŋgoŋ Keinan balonoŋ kembu.” 26Kaeŋ jeŋ yambuya 110 kolooro komuro. Komuro Iijipt kanoŋ qamoya ii sele meŋ kotikotiiwaa keleganoŋ moriŋ qamo bokisnoŋ aŋgi ero. Kiaŋ.

Ilustración artística: una interpretación, no un registro histórico.

¿Sabías que…?

El entierro de Jacob y la muerte de José

  • La era de Atad, donde la comitiva se lamentó a gritos durante siete días al otro lado del Jordán, toma su nombre de una palabra que significa espino cerval. Los cananeos que vieron el duelo llamaron al lugar Abel-mizraim, 'prado de Egipto' o 'duelo de Egipto'. El Diccionario Bíblico de Easton sitúa Abel-mizraim al oeste del Jordán y dice que su ubicación es desconocida, mientras describe Atad como probablemente cercano a Hebrón.Fuentes: el propio texto bíblico
  • Los hijos de Jacob lo sepultaron en la cueva de Macpela, en el campo cerca de Mamre, el sitio de entierro que Abraham había comprado a Efrón el hitita. El Diccionario Bíblico de Easton identifica a Efrón como hijo de Zohar y registra el precio de cuatrocientos siclos de plata.Fuentes: el propio texto bíblico
  • José permaneció en Egipto y vivió hasta los ciento diez años, lo suficiente para ver a los hijos de Efraín hasta la tercera generación. Los hijos de Maquir, hijo de Manasés, fueron criados sobre las rodillas de José —frase que la Revised Version inglesa traduce como 'nacidos sobre las rodillas de José' y que el Diccionario Bíblico de Easton explica como una adopción desde el nacimiento. Él dijo a sus hermanos que Dios los haría subir a la tierra prometida a Abraham, Isaac y Jacob, e hizo jurar a los hijos de Israel que subirían sus huesos desde Egipto; cuando murió, lo embalsamaron y lo pusieron en un ataúd allí.Fuentes: el propio texto bíblico

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Lugares de este capítulo

  • Canaan · 32.767, 35.333 · versículos 5, 13
  • Egypt · 30.129, 31.308 · versículos 7, 14, 22, 24, 26
  • Goshen · Hoy: Goshen 1 · 30.799, 31.834 · versículo 8
  • Atad · Hoy: near the mouth of the Jordan River · 31.915, 35.530 · versículos 10, 11
  • Jordan · Hoy: Jordan River · 31.761, 35.558 · versículos 10, 11
  • Machpelah · Hoy: Cave of the Patriarchs · 31.525, 35.111 · versículo 13

Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).

Créditos y licencia de esta traducción
Uumeleembaa Buŋa Tere Soomoŋgo Gbilia
The New Testament and portions of the Old Testament in the Borong Language of Papua New Guinea
Sampela hap Buk Baibel long tokples Borong long Niugini
Copyright © 2002, 2011 The Bible Society of Papua New Guinea
Language: Borong
Translation by: Wycliffe Bible Translators
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2015-01-26

Fuente: http://png.bible/ksr/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.