Nations Bible

Jonás 4

IPILI NUTESAMENE · Toca un versículo para ver sus referencias cruzadas.

Gote-to Ninipe Tane Ondo Yakola, Jona Yataka Yane Oko

1Gote-to balana nembo tene lawa puato, Ninipe tano okone mino koya napea-kola, Jona bala mini koo paluto, yataka wete yae-pia. 2Balato Gote ando pote wua leae-pia. Gote nimbato ini kapoyale embo aa-napilini. Jia. Ole dindi lo nimbato wandakali tupa wayumane wete ondowato epelewa yamapane yoo atalene. Nimbato wamba ini wandakali tupa minu koyoyale mandeke pitawa atoto teke, matili mino koya napilini. Wamba namba andaka atoto, wua lo nembo tewa: Namba yame towa yandapene Ninipe tano okona poto, nimbana pii oko wandakali utupane lamae-wando, nimbato Ninipe tane wandakali tupa peyo ome nalolo-pele-yalo nembo toto, nambato nimba tepa alu, palaka Tasisa tano okona poyale pewako.

3Namba yame towa yanda pene Ninipe tane tupa Gote nimbato peyo ome lanapene kondele okonena, namba omewando, katu lolo peyako nimbato namba ini mino ome laa leae-pia.

4Jona-to wuane lea-kola, Gote-to balana pii okone yano peyoto, Jona nimbato katu-lo yataka elepe leae-pia. 5Tano okonena aki mindi peyape-lo andoyale, Jona bala tano okone tepa alu poto, nai-epalanesia anda mindi pitawato okonena peteae-pia. 6Gote-to Jona nai toto olane loto, eyaka yokone pata atalane okone taka mindi, ayiakame okone yame peyo ombo yakale leae-pia. Jona bala eyaka okonena tambo pangosa pitoto bala epele wete yae-pia. 7Anate-lene upanda wete Gote-to eyaka yokone nalane sau-nana mindimane eyaka okone noo kapu teakale lea-kola, kapu teae-pia. Jona 4:6|alt="Jonah sitting under shelter" src="CO01422B.TIF" size="col" copy="© 1996 David C Cook" ref="4:6"

8Matili nai tea angi, Gote-to nai epalanesia ato popo toto pene wetete mindi epekale lea-kola, nai toto peane okone mane Jonana kawane tandaka piya wato, moo malawai laya yae-pia. Malawai lea-kola yuunga lombape-pene yoto, namba omokale okone mane katu-lo namba moyolopeya. Namba omanape-wando katu-lo namba moya napulu-peya leae-pia. 9Wuane lea-kola, Gote-to Jona lamawuato, eyaka kapu tala oko towa nimbato yataka eleko. Nimbato tika pua yataka elepe lea-kola, Jona-to pii okone yano peyoto, namba yataka wete eyoko, namba omewando okone kuai leae-pia. 10Jona-to wuane lea-kola, Gote-to Jona lamawuato, utulu mindiki okona ato eyaka oko ikalo anda-yoo atala, utulu lapone okona eyaka oko omala. Nimbato piape aŋako mindikipi mindi eyaka okona pinapili, dee andane guleakale-lopi mindi lanapili tekeko, aŋako okona nimbato wayumane wete ondo elepe. 11Nambatopi Ninipe tano oko ondo wete eyo. Tano oko andane wete mindi eyakola, wandakali andita tuaindi tausene (120,000) wata aipeke-lo ateyai. Wandakali utupane pitaka mane mana epene mindi anda napeyaini. Bulumakaopi, kambua wete tano okonena ateya leae-pia.

Yakamato pii temane okone ale wato, pii ukupini pepa pelene eya tupa dii loto ale-alapape. Gote-to lapone Jona lamawuato, nimbato nambana pii oko Ninipe tane wandakali tupa lamalu puu leae-pia. Jona-to Gotena pii wato minuto, Ninipe tane bala towa yanda pene wandakali tupa Gotena pii lamaiyae-pia. Utupane mane yamapane moo peke leai-kola, Gote-to utupane ondo wato, minu koya napeae-pia. Wuane pua teke, nanimatopi yanda pene tupa ondo wato, moyape-pene leya.

Ilustración artística: una interpretación, no un registro histórico.

¿Sabías que…?

El enojo de Jonás y la compasión de Dios

  • Jonás admite que originalmente intentó huir hacia Tarsis precisamente porque sabía que Dios es clemente, compasivo, lento para la ira y dispuesto a desistir de enviar calamidades. Su aflicción surgió cuando Dios decidió perdonar a Nínive en lugar de destruirla.Fuentes: el propio texto bíblico · Tarshish
  • Nínive, la floreciente capital del Imperio Asirio, se describe al final del libro con más de 120.000 personas que no saben distinguir entre su mano derecha y su izquierda, además de muchos animales. Dios resalta esta inmensa población para contrastar la compasión divina con el apego de Jonás a una sola planta marchita.Fuentes: el propio texto bíblico · Nineveh

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Lugares de este capítulo

  • Nineveh · 36.359, 43.153 · versículo 11

Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).

Créditos y licencia de esta traducción
IPILI NUTESAMENE
The New Testament and portions of the Old Testament in the Ipili Language of Papua New Guinea
Nupela Testamen na sampela hap long Olpela Testamen long tokples Ipili long Niugini
Copyright © 2008-2023 Bible Society of Papua New Guinea
℗ Faith Comes by Hearing
Language: Ipili
Translation by: Wycliffe Bible Translators
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2023-10-09

Fuente: http://png.bible/ipi/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.