Nations Bible

Zacarías 13

Habo nalolene bi gahenge lo winigo ogo · Toca un versículo para ver sus referencias cruzadas.

1Anduane Homogo Hongo Haiheore kagome lalu, Horo uruni tagira ibirangi iba tara mbira dugualu piagobudaga halu helolebero. Wali agali Debidi aguanene bu karubi wali agali maru Yarusalemeni haga bu karubi tigua mana ko timbuniore biyarubi dama mitangi bialu gime wabini wiaruhondo bi pupu wiyarubi iba duguaraga haragonime mana ko uruni biyago bibahende domo wahai holebira, laya lene.

Ke̱ howa mbiwia halu bi mana latagi haga karu mani ereba hai holebira lenego ogo

2Anduane Homogohanda laabo halu lalu, Horo uruniangi mbirale dama mitangi bialu bi pupu wule gime wabini dindi bibahendeha ngaru i̱na mo wahai harogola mbiralime uruni mitangi bu haabo nahe embedaho wahaiore holebira. Ani bialu ke̱ howa mbiwia halu bi mana latagi haga bu karu bibahende biba hai helolebero. Wali agalinaga mini ko ngaru mo wahai harogola tigua dama mitangi bialu bi pupu wule gime wabini ngaruhondo bi pupu wua nahe wahai holebira. 3Ani kagola mbiralime ke̱ howa mbiwia halu bi mana latagi haabo hayagua ibu aba ai̱yalame ibuhondo lalu, Í̠na bi ogoni Anduane Homogonaga bi larogo lalu henene ndo tindule lalu í̠ninaga bi hangu laregome í̠ homolebere, lolebira. Agali o biagome ke̱ howa mbiwia halu ibuninaga bi latagi hayagua nde ibuni aba ai̱yalame ibu homelo nabime nogoba halu bo waholebira. 4Horo uruningi bi mana latagi haga agali mbiragome de gandeba handarago latagi hole taga holebira. Anduane Homogonaga bi mana latagi hagame aga karulo hagadagua ibugua wali agali mo hondo holenaga aga ogoni karu nale holebira. 5Agali ogoni ibugua lalu, I̱ Anduane Homogonaga bi mana latagi haga agali ndo i̱ mabuha biabe bialu haruli. I̱ igiri emeneni howa mabu biabe biaabo haga hene kogoni, laga bulebira. 6Ani laragola mbiralime ibuhondo hale halu lalu, Í̠naga galu kunini motudu ngagoni agua binibe, lalu hale hayagua ibugua tihondo ke̱ howa ladai bialu lalu, I̱ nenege mbira andaga pu hewaria nogoba henego motudu ogoni, lolebira, laya lene.

Anduane Homogohanda nogo sibi haru haga kago bolene nga lenego ogo

7Anduane Homogo Hongo Haiheore kago ibugua lalu,

Wai biagane ayu tibu ne gadele-o í̠ heya.

Í̠ heyalu agali i̱naga biabe bia halu haru haga kago babe.

Nogo sibi bu karu ibida purogo lelo nogo sibi haru haga kago bo wahabe.

I̱na i̱naga wali agaliru baba wai bulebero.

8Dindi ogoha wali agali bu karuni halu tebira mo tale buwa

haluki kago bo hilo wahai halu

tebonego yu waholebero.

9I̱na wali agali halu tebone talebu helarugo tiha ko mbira ngabe hondole

ngolo silibaru bayale dodo mbira para nahe ngelonaga irani delaradagua bulebero.

I̱na ani bu helowa tigua i̱ mini olaragola

i̱na tinaga bi lararu hale holebero.

Hale howa i̱na tihondo lamialu lalu,

Tí i̱naga wali agaliore kamigoni, lolebero.

Tigua nde, Í̠ Anduane Homogo inanaga Ngode Datagaliwabeore kegoni, lalu latagi holebira,

lene.

Ilustración artística: una interpretación, no un registro histórico.

¿Sabías que…?

La purificación de la tierra y el refinamiento del remanente

  • Zacarías profetiza una fuente abierta para purificar a la casa de David y a los habitantes de Jerusalén del pecado y la inmundicia, junto con la erradicación total de los ídolos y espíritus engañosos del país.Fuentes: el propio texto bíblico · David · Jerusalem
  • El pasaje señala que los falsos profetas se avergonzarán tanto de sus visiones que dejarán de vestir el manto de pelo y afirmarán ser simples labradores para no ser identificados.Fuentes: el propio texto bíblico
  • El capítulo describe a un pastor herido por la espada y a las ovejas dispersándose, tras lo cual una tercera parte restante es purificada mediante pruebas como la plata y el oro.Fuentes: el propio texto bíblico

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Lugares de este capítulo

  • Jerusalem · 31.777, 35.234 · versículo 1

Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).

Créditos y licencia de esta traducción
Habo nalolene bi gahenge lo winigo ogo
The Holy Bible with Deuterocanon in the Huli Language of Papua New Guinea
Buk Baibel long tokples Huli long Niugini
Copyright © 1983, 1991, 2002 Bible Society of Papua New Guinea
℗ Faith Comes by Hearing
Language: Huli
Translation by: Bible Society of Papua New Guinea
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2014-12-11

Fuente: http://png.bible/hui/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.