Nations Bible

Mateo 8

Buki Kimaasabaina · Toca un versículo para ver sus referencias cruzadas.

Yeisu tolepero ikideedevine tetelina

1E Yeisu koya goi isou ima go, boda gagaina sisabokuliye. 2Isou ima go, tolepero tayamo ima Yeisuyana matana goi aena ivaatugúyala idigo kana,

‘Tomoya, neta im nuwonúwana nakae, itoboinem kukidedevinegu bei sakavaigu imavada.’

3Tuwo Yeisu nimana iyosale, toleperoyana ibisikone idigo kana,

‘Guna nuwonúwana nakae. Kumavāda!’

Tuwo mainao korotoyana sakavaina ina lepero ikavava, e sakavainayana imavada. 4Ago Yeisu idigo kana,

‘Kunōve. Am kimavadayana manuna geya vatau tayaamo kulaatuwōko, go sem kūna Tonúwala yaina goi kuvagitakōim, igitem bei ivayokoim kom bogina kumavada. Ikavava, im vininabeso yoguyogu kukasāle Yaubada yaina ada lovina boi Mosese iivinida tolepero adi kimavada manuna nakae. Moe aba kinana tomota yaidi sakavaim bogina imavada, e bei siuyaonemneim.’

Yeisu tovayaviya adi tovakumgo // ina pákwana ikideedevine tetelina

5E Yeisu ina Kapaneumi goi isiu go, da Roma idi tovayaviyayao adi tovakumgo tayamo ima Yeisu yaina ikawanoi makimaki 6idigo kana,

‘Tomoya, guna pákwana pempemna mana gedageda gagaina guna vada goi iimasisi.’

7Tuwo Yeisu idigo kana,

‘Manakae? Bego yau ao akidedevine?’

8Ago kina tovakumgoyana idigo kana,

‘Geya, Tomoya. Yau toosobugu; geya itoboineguta bego guna vada goi kusiu, go sem kom mam lovina kubobwarāmo, bei guna pakwanayana iboboina. 9Yau nakae lovina ayagoi. Yau magu tolovinao be nakae tovayaviya maniyedi sobuyekoigu. Neta tayamo alatuwoko kagu, “Kūna!” bei ina. Neta tayamo alatuwoko kagu, “Kūma!” bei ima. Neta guna pákwana tayamo alatuwoko kagu, “Ame kuguinūwe!” bei iguinuwe.’

10E ina livalayana Yeisu inove, ikainaopa. Tuwo tauyadi sisabookuliye ilatuwokoidi idigo kana,

‘Iyaa! Ame tauyana moitamo! Ame alatuuwokoimi konōve: Isileli tubunao yaidi goi geya vatau tayaamo ababane ina numisa gagaina ame Totuyoyowoyana nakae. 11E ame alatuuwokoimi konōve: Totuyoyowo badabadaidi poyapoya ana madabokina goi, bomatu be koiboga goi, bei sima Yaubada ina kaba kalibúbuna goi sisiu sikaaiyaka go, Eberamo, Aisake be Yakobo taiyao situsobu áika manuna. 12Ego komi Diyuu bego Yaubada ina kinavayao ina kalibúbuna goi geya imi numisamo, tauna bei ilavemi kona moetala mamaníwana goi kokaaiyaka. Amoko goi bei kotaiya vata, nakae salami kokakaavatedi komatamaimaita.’

13Go Yeisu ibóbwara ikavava, tovakumgoyana ilatuwoko, idigo kana,

‘Kwaluvīla kūna im kasa. Im numisa pasina im pákwana bogina iboboina.’

Tuwo moitamo, tuta amo goi tauyana iboboina.

Yeisu Pita yaona be tomota liliudi // ikidedeevinedi tetelina

14Yeisu itáoya ina Pita ina vada goi isiu, ikandobala Pitayana yaona (moe monena sinana) igite manaa katówana kebana goi iimasisi. 15Tuwo ibala ina vavinayana nimana ibisikone, e ina katowanayana ikalave. Ikavava, vavinayana itáoya ina Yeisu avana ivaidede.

16E asa bogina lavilavi, toni kasa sediyao naagovaidi badabadaidi simedi Yeisu yaina. Tuwo Yeisu ibobwaramo, e dimoni sisiya. Nakae tokatówana liliudi simemedi ikidedevinedi. 17Tauna ina guinuwayadi goi Yaubada ina tokabivalavala Aiseya ina livala imalatomotamna nakae boi idigedige kana,

‘Tauyana ida katówana ikabidi, ikalavedi,

nakae ida vísiya goi italigeida.’

Aiseya 53:4

Yeisu ana sabokuli ana moumou tetelina

18E Yeisu boda igitedi sitaooyakobu, tuwo ina tosabokuliyao ilovinaedi idigo kana,

‘Tasowōya, Galili Bwaena tatadamāne tāna ta dadava.’

19Bogina bego sisowoya go, Yaubada ina Katukeda ana tovatulúkwana tayamo ima Yeisu yaina idigo kana,

‘Tovatulúkwana, neta ava kasa goi kunonoina, bei asabokuuliyem.’

20Ago kina Yeisu idigo kana,

‘Weiniya woliwoli madi bobosiu, mánuwo madi vátala go, Tomalatomota geya ana kaba masisimo. Tauna neta kusabokuuliyegu, e kom bei yau nakae.’

21E Yeisu ina tovatotówana aiyuwoina idigo kana,

‘Tomoya, kutagonēgu mainao ana tamagu amatakavate ana kadókana ikámasa avaliwoge baige ama asabokuliyem.’

22E kina go Yeisu idigo kana,

‘Kūma kusabokuliyēgu go, tokámasa kwalavēdi bei toinidi idi tokamasayao sivaliiwogedi.’

Yeisu yágira be aivaya iloviinaedi tetelina

23Yeisu oga goi isowoya go, ina tovatotowanayao sisabookuliye, e nakae sisowoya bego Galili Bwaena sitadamane. 24Sisowoya ikavava, sikailova sinonoina go, yágira gagaina ikalisou Bwaeyana goi itowo. Tuwo aivaya siseulalágata, e ogayana giyakainava sivakayaaodei. E kina go Yeisu imasisi ikanaamatáiya. 25Ago ina tovatotowanayao sima siwoini sidigo kadi,

‘Tomooya, kutāoya kuyavēda! Giyakainava bei tavailai!’

26Go kina ibowoidi idigo kana,

‘Kaga komatoitae? Komi geya konumisedokoiguta!’

E tuwo itáoya, e yágira be aivaya ilovinaedi sisayata. Sisayata, e yagirayana ilakapuwe nakae Bwaeyana ikadaúmwara gagaina. 27E kidi go korotoyadi sikainaopa kadi,

‘Iyaa! Ame ava koroto? Yágira be aivaya niyana sikabiikaone?’

Yeisu dimoni ivataapiyedi tetelina

28Yeisu kidi bogina sima da Gadara idi kaolao goi sivaiu. E sisou go, koroto adi taiyuwo naagovaidi valiwoga tukubu goi sisowóduwo sima Yeisu sivalobode. Korotoyadi aba silali toina, tauna geya vatau tayaamo itoboine bei amo enaoyana goi iiketoiya. E korotoyadi sima Yeisu sivalobode. 29Sivalobode, e Yeisu yaina sipodeda sidigo kadi,

‘Kom Yaubada Natuna, kwalavēma! Kai ima polava moe geya kom im polava geya. Manakae? Lovina ana lava nava go, kom kuma bego kuyogedegedema ae?’

30Ego bao badabadaidi sikaaiyaka tupwana yomana goi sidumdumla. 31E kidi go dimoniyadi sikandobala bao sigitedi, tuwo sikawanoi makimaki Yeisu yaina sidigo kadi,

‘Neta kuvatapiyema, e kuetunēma kāna bao amo sinaedi goi kasiu.’

32Tuwo Yeisu idigo kana,

‘Kosowōduwo kōna!’

E dimoniyadi sitáoya, korotoyadi sikalavedi sina bao sinaedi goi sisiu. Go baoyadi matabuwodi madabokidi sisaloku, silokoina sina koya tagatagagina goi sipela sisou Galili Bwaena goi sisalili. 33E kidi go baoyadi adi tomatakavatayao sisiya sina asa goi, e kaga liliuna sigite sitalavaite. Nakae kaga siisowóduwo boi korotoyadi naagovaidi yaidi goi nakae sitalavaitedi. 34Tuwo toni kasayadi madabokiidi sima; latuwodi Yeisu sivalobode go, tutayana sigite, sikawanoi makimaki kadi,

‘Ima kasa kwalāve!’

Ilustración artística: una interpretación, no un registro histórico.

¿Sabías que…?

Curaciones, fe y el mar

  • Capernaum, la ciudad a la que Jesús entra en este capítulo, era una ciudad de Galilea que no se menciona en el Antiguo Testamento. El Easton's Bible Dictionary (1897) dice que llegó a ser “su propia ciudad” después de que dejó Nazaret, e incluye la súplica del centurión y la curación en la casa de Pedro entre los hechos situados allí.Fuentes: Capernaum · el propio texto bíblico
  • Jesús dice que muchos vendrán del oriente y del occidente para compartir el banquete con Abraham, Isaac y Jacob en el reino de los cielos. El Easton's Bible Dictionary (1897) presenta a Abraham como hijo de Taré y heredero de las promesas, a Isaac como el único hijo de Abraham con Sara, y a Jacob —también llamado Israel— como el hijo gemelo menor de Isaac y Rebeca.Fuentes: el propio texto bíblico · Abraham · Isaac · Jacob (Israel)
  • Mateo presenta las curaciones de aquella noche como cumplimiento de lo dicho por medio del profeta Isaías: “Él tomó nuestras dolencias y cargó con nuestras enfermedades.” El Easton's Bible Dictionary (1897) identifica a Isaías como hijo de Amoz, que profetizó durante los reinados de Uzías, Jotam, Acaz y Ezequías.Fuentes: el propio texto bíblico · Isaiah

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Lugares de este capítulo

  • Gadara · Hoy: Umm Qais · 32.656, 35.679 · versículo 28

Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).

Créditos y licencia de esta traducción
Buki Kimaasabaina
The New Testament and part of the Old Testament of the Holy Bible in the Gumawana language of Papua New Guinea
Buk Baibel long tokples Gumawana long Niugini
copyright © 2019 Wycliffe Bible Translators, Inc.
Language: Gumawana
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2026-10-02

Fuente: http://png.bible/gvs/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.