Nations Bible

Salmos 39

God Nuye Kunwok · Toca un versículo para ver sus referencias cruzadas.

Bu Ngad Bininj Karridarrkid Bu Djal Kundedjumbung.

1Ngayemandeleng ngamarneyimerren, “Ngaye nganahnarren, dja ngabawon bu ngawokdikenh kunwok kunwarre. Ngaye yiman ngarrangkarrmerren bu ngarrihdjarrkdi nawu birriwarre bininj.” Kuhni ngayime kore kunkangebeh. 2Bu ngadjaldi wokyak, minj njale ngayime. Minj ngawokdiwirrinj, kore kunwok kunwarre, dja mak kunmakkenh. Djal burrkyak, bonj, ngaye ngadjalnjilngwarre. 3Kaluk ngadjalkangewurlhmeng. Wanjh ngayeman ngawokdanginj kunwok ngardduk.

4Ngaye marneyime, “Ngudda nawu Yawey, ngadjare kanbukkan kore baleh kabolkyimerranj bu ngaye ngayakmen ngarrowen. Ngaye baleh kayimerranj bu mandjewk ngardduk? Kanbukkan ba ngawernhburrbun nawu ngad bininj wanjh woybukkih minj kunkuyeng ngarridarrkiddi. 5Ngudda kanmarnbom ngaye yiman djal yeng. Ngarranginj, dja mak werrk bu ngayakmen. Ngudda nawu yibenwon bininj rowk kunngolek ke, wanjh bonj. Bedda kabirridjalngolekngurdme bu kabirridarrkid kundedjumbungkenh. 6Ngad nawu bininj, yiman kunwoyik. Ngarridjalwohre kore baleh ngarrire, bu burudjang. Nawu ngarrihmang njalenjale, dja ngarriburrbun bu ngarrbenmarnebawon nawu nangale bu kamang.”

7“Ngudda nawu Kanmarnewohrnan, bolkkime ngaye ngadjawarren. Wanjh bonj, ngaye ngakurrmerren kore ngudda, dja mak madbun munguyh. 8Kanngehkemen, kore kunwarre ngakurduyime manwern bu ngayeman ngawarreworrinj. Yuwn kanbawon, nawu birrimayaliwarre bininj bu ngandidjekmiwon. 9Minj njale mak ngawokdi, dja mak minj ngamulewarremeninj. Ngudda kankurrmeng ngahdi bu bolkkime kore kunyid ngarre. 10Ngadjare ngudda yingurdme kore ngaye kandung, dja kunbid ke yiman nganwidjbihke bu darnkih ngarrowen! 11Ngudda nawu kandung ngad bininj rowk, dja mak kanbun kore kunwarrekenh ngadberre. Kaluk bedda yibenmarneburriwe nawu njalehnjale bedberre namakmak nawu bininj birrikuken. Ngad bininj rowk wanjh yiman kunngolek werrk kadjalyakmen.”

12“Ngudda Yawey, kanbekka bu ngahdi yiwarrudj ke. Kanwokbekka bu ngaye djawan dja kanbidyikarrme. Ngaye nawu marnenalkbun, dja yuwn bu kanmarnemirrkborledme. Ngaye nawu djarrehbeh ngamwam kore ngudda, ngaye yiman ngawokbuyika, nawu mawahmawah ngardduk warridj. 13Yuwn kanwernhnan. Ba bu ngaye nganjilngmak. Kaluk darnkih ngaye ngarrowen dja mak ngayakmen, djal bonj.”

Ilustración artística: una interpretación, no un registro histórico.

¿Sabías que…?

La fragilidad y brevedad de la vida humana

  • El encabezado dedica esta composición al director del coro y a Jedutún, atribuyendo la oración a David.Fuentes: el propio texto bíblico · David
  • El salmo ilustra la brevedad de la existencia al describir la vida humana como apenas unos palmos—una medida antigua basada en el ancho de la mano—y como un soplo pasajero o una sombra.Fuentes: el propio texto bíblico
  • El orador se identifica como un forastero y peregrino que habita junto a Dios, reflejando una postura de total dependencia de la misericordia y la hospitalidad divinas.Fuentes: el propio texto bíblico

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Créditos y licencia de esta traducción
God Nuye Kunwok
The Holy Bible in the Kunwinjku language of Australia
copyright © 2018 Bible Society of Australia
Language: Kunwinjku (Gunwinggu)
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2026-04-02

Fuente: http://ebible.org/gup/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.