Salmos 36
God Nuye Kunwok · Toca un versículo para ver sus referencias cruzadas.
Nawu Bininj Birriwarre Minj Bedda Kabirrimarneboddan Kore God.
1Ngaye ngaburrbun kore kukangebeh ngardduk. Nawu ngahbenyolyolme bininj birriwarre, bu kunwarrekenh bedberre. Bedda minj kabirrimarnekele nungka God, dja mak minj kabirriwokmarrkmang. 2Birrimekke bininj nawu birriwarre, wanjh bedda kabirrihdjalburlumerren. Kabirrimarneyimerren, “Ngad ngarrimak duninjh!” Minj kabirrihmulewarren, warridj minj kabirriwirrihmekenh manbu kunwarre bedberre. 3Birrimekke bininj nawu birriwarre bu kabirriwokdi, wanjh kunwok kunwarre kabirriwokyiyime, dja mak kabirridjalkurren. Bedda djal birrimayali yak, dja birribawong kore kunmak birrikurduyimeninj. 4Birrimekke bininj nawu birriwarre, bu kabirrikeyo kore balabala bedberre, minj kabirriwernkodjkeyo, kore kukangebeh bedberre kabirridjalkarremarnbun kunwarrekenh. Minj mak kabirribawon manbu kunmayali manwarre bedberre.
Yawey, Ngudda Nawu God Yiwernhmakkaykenh Duninjh.
5Ngudda Yawey nawu kanwern marnedjare bulkkidj duninjh, yiman kayime kaddum duninjh kore heaven manwernhkimukkenh. Makka mandjalwernhkimuk yiman kaddum duninjh. 6Ngudda nawu Yawey! Yidjalkudji yikurduyime kore kundjalmak duninjh bu munguyh munguyh, dja mak minj kunwarre yiyime. Manbu kunwok ngudda ke mandjalmak duninjh kadjaldi yiman kayime manwarddekimukkenh. Ngudda nawu kandjadme ngad bininj rowk, bu djal mandjad duninjh. Bu kanmarnewokdi kore kandjadmekenh wanjh manbu kunwok ngudda ke yiman kurrula kore manboburldjan duninjh. Ngudda Yawey, kannahnan ngad nawu bininj rowk dja mak yehyeng nawu karrarrkid, ngudda yinahnan rowk. 7Ngudda kanmarnedjare ngad nawu bininj bulkkidj duninjh! Nawu ngarrimre kore ngudda ba bu kanmarnekukdjurruddi ngadberre. 8Kumekke wanjh ngarringun dja mak ngarribongun mandjalwern kore ngudda kanwon, dja mak kanworrkmiwon bu kanwon manme manbu manmakmak ke. Mak kanwon kore kunmakkenh ngudda ke manbu manwern. 9Ngudda yidjalkudji yimarnbun manbu kundarrkid ngarre, dja mak kandarrkidwon, manbu ngudda ke! Nawu ngudda kanmarnebolkwolkan ngadberre, ba bu ngad ngarribolknan mandjad.
10Ngad ngundihburrbun, kore nguddah ngundimarnedjare bu ngad nawu kanmarnedjare munguyh munguyh. Ngad kore kunmakkenh bu ngudda kanburrbun ngadberre, wanjh ngarridjare ngudda kandjalmarnekurduyime kunmak bu munguyh. 11Ngudda nawu kandjalnahnan ngaye, dja nawu bininj kabirriburlumerren bedda wardi ngandimelme, dja mak bininj nawu birriwarre wardi ngandibun bu ngaye ngakelerlobme. 12Wanjh ngaye ngahbennan nawu bininj kabirrikurduyime kunwarre, nawu bedda kabirridjalyo kore yibenkukweng, minj mak kabirriyawoyhdolkkan.

¿Sabías que…?
La Maldad Humana y la Abundancia Divina
- El salmo se estructura en torno a un marcado contraste entre las maquinaciones del impío y el carácter infinito de Dios. Mientras el transgresor trama el engaño incluso en su lecho sin temor a Dios, el amor y la rectitud divinos se describen con imágenes cósmicas inmensas, alcanzando los cielos, las nubes, las altas montañas y el mar profundo.Fuentes: el propio texto bíblico
- El poema emplea ricas metáforas de hospitalidad y santuario para describir el cuidado divino. Se retrata a los fieles refugiándose bajo la sombra de las alas de Dios, saciándose de la abundancia de su casa y bebiendo de la fuente de la vida y de un río de delicias.Fuentes: el propio texto bíblico
Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.
Créditos y licencia de esta traducción
God Nuye Kunwok The Holy Bible in the Kunwinjku language of Australia copyright © 2018 Bible Society of Australia Language: Kunwinjku (Gunwinggu) This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2026-04-02
Fuente: http://ebible.org/gup/ · eBible.org