Génesis 47
Nacom Pejume Diwesi po diwesi pena jume diwesi xua Jesucristo yabara tinatsi · Toca un versículo para ver sus referencias cruzadas.
1Inchen Josébe Faraónwan wammørøsrkønrrab yabe, trenchibig køn:
—Nai møskaimba, nai nuneløba Canaán pirausrøngurri amrruin køn cha, nømui ubishamera køben, cabrasmera køben, nømui waaramera køben, nømui chi tøgaguilø kerriguba. Incha yandø Gosén pirausrøn chab puaguen køn— cha.
2Incha Goséngurri attraptø trattrøgatø nui nunelan lawa wesrua, Faraónwei merrab pera arrubig køn, ‘nai nunelø køn’ cha eshkanrrab.
3Inchen Faraónbe trencha payibig køn:
—¿Ñimbe chi marøbelø køgue?— cha.
Inchen nømbe Faraónwan trenchibelø køn:
—Nam ñui karuig melabeløbe ubishamera køben cabrasmera køben karrøgøbelø treelø ker cha, namui merrabsrø møskalø lataitøwei.— 4Incha katø trenchibelø køn:
—Nambe i pirau kan maya yanatø warønrrab amrruer cha, kaguende nam ñui karuig melabelai ubishameraimbe Canaán pirau nam waraisrømbe chi pu kaagøn cha. Trusrømbe parøbe ni chindamguchagaig pasran cha. Inchagurri nam ñui karuig melabelan tiusmanda Gosén pirau namun warøbashibsrumøgue chinrrab inder— cha.
5Inchene Faraónbe Joséwan trenchibig køn:
—Ñui møskaimba, ñui nuneløba ñiba warønrrab amrruin køn cha. 6Egipto pirøbe ñi asha maramig ñuin tasku pasran cha. Mas purø tab pirau warønrrai war chibig køn, tru Gosén pirau. Egipto pirau truibe purø tab pirø køn cha. Truyu warønrrab kørrømisrtrain cha. Truilai utu purø tab asha martraptø møguelø købene, truilan nai ushameran nøm ashib tøgagønrrai nømun pønsrø— chibig køn.
7Trugurri Josébe nui møskai Jacobwangucha pera ya, Faraónwan, ‘iibe nai møskain køn’ cha eshkabig køn. Inchen Jacobpe Faraónwan ‘mayanguen tabig nebuig kønrrig’ chibig køn.
8Inchen Faraónbe Jacobwan trencha payibig køn:
—¿Mam pila tøgaig kugu?— cha.
9Inchen Jacobpe Faraónwan trenchibig køn:
—Na amburab, iburab llirab uniibe pilamera ciento treinta køn cha. Na øsig uniibe menrra yam pilamera kømøwei, katø murig kuig køn cha. Tru nai kølli misaamera nøm llirab amønain pilamerababe trugatig nebumum køtan. —cha.
10Incha Jacobpe Faraónwan mayanguen tabig nebuig kønrrig chib, truyugurri ungua cha ibig køn.
11Inchen Josébe Egipto pirau purø tab pirømeran tranøbig køn, truyu warønrrai, Faraón maig karuig, treekke. Treekkurri nui møskaimba nui nuneløba Ramesés pirau, pirømera tøgaguig købig køn. 12Incha katø Josébe nui møskawanba, nui nunelanba, nui møskawei yau misaameranba nui karuig peraguilanba mamiimera mab kømig pønsrøbig køn, nømun kanun, kanun maig paløben, treekke.
José Mandø Asha Maramig Køben Trumay Marøb
13Yandø muba pirø kuimburab chigucha mamig chigaaben, trune parøbe chindamdiig køben, Egipto pirau lata, Canaán pirau lata parø arrubigu yandø misaamerabe kwamitø palabig køn. 14Inchen Josébe tru Egipto pirau misaameraba, Canaánsreeløba tirigu penab pagarai anmeran kerrigu tulisha, tru anwane Faraónwei tab yau esegabig køn. 15Inchen yandø Egipto pirau lata, Canaán pirau lata chigucha anga patsøben, maya egipciomerabe Joséweimay amrrua trenchibelø køn:
—Namun ñi mamiimera pønsrørra cha. ¿Namgan ñui merrab kwamig kuitarru? cha, namun kerrigu an patsinukkurrindø.
16Inchen Josébe trenchibig køn:
—Ñimun an chab patsøbene, ñimui ushameran tranay cha. Nabe tru ushameraba yunømarøb ñimune tirigu tranamønrrun cha. 17Inchen egipciosmerabe nømui ushameran srua amrrubelø køn; kaullimera køben, ubishamera køben, cabrasmera køben, burrumera køben, waramera køben. Incha tru ushameraba yunømara, tru pilawan mamiimera tranøbig køn.
18Inchen tru pila puraiben, wendø pilayu nømbe amrruabe, trenchibelø køn:
—Namune an patsøben, namune ni chinchaguen søramgaatan cha, kørrømisrmøtø, an patsøtan cha, ñun eshkaig køn cha. Yandø namui ushameragucha ñuindø misren, nambe chigøben tranamibe chigar misrer cha, namui pirømerabah, katø nambe ka pønrraiteelø pønrrer cha. 19Namui pirømerabañau ¿ñigan nam kwanrrai kønrraindeh? cha. Ñi namunba, namui pirømeranba penørray cha, mamiiba yunømariilø kønrrai. Trumaybe nambe namui pirømerabañau nambe Faraónwei misra karuindeelø melamønrrun cha. Inchendø yellmera nam mamig køben, ellguamelø køben, trannrra cha, nam øsig waramig kønrraimbe, katø pirømeragucha lelatsiilø pønrrømønrrai.—
20Inchen Josébe Egipto pirømeran kerrigu Faraónweyasig penabig køn, kaguende egipciomerabe tru parø arrubikkurri nømui pirømeran yanen. Inchagurri pirømerabe kerriguba Faraónwei tasku purayaig købig køn. 21Incha egipciosmerabe Egipto pirau muba kuimburab nømbe ka karuindeelø melønrrab melamisrig købig køn. 22Inchen pirømera peniimeelø kørrømisrøppe, sacerdotemeraindøh peniimeelø, ka kørrømisrig køn, kaguende nømbe Faraónweinukkurri mamig traniilø utabelø kuig kua. Inchagurri nømbe nømui pirømeran yanmuig købig køn, nømbe Faraón pønsraigwan mabelø kua.
23Incha Josébe misaameran trenchibig køn:
—Møimbe ñimba ñimui pirømerababe Faraónweyelø køn cha, nabe nuyasig penig køn cha. Ñimbe yu yellmera tøgagøn cha, pirømeran ellmaray chibig køn. 24Incha yandø ellmarig tulisamig pubene, tru cienyugurri veinte tarømarøb tulisaigwane Faraónwan tranrrigay cha. Inchen truyugurri kørrømisrøbigwane tramerayu tsuramiba, katø ñimba, ñimui ureemeraba, ñimui yau misaameraba, katø mayeelø ñimba warabeløba mab kømig kønrrain— cha.
25Inchen nømbe trenchibelø køn:
—Ñibe nam øsig warønrrai martan cha. Nø yangucha tab indigwan nambe uta tøga pønrrer cha. Nambe Faraón karuindø melabelø kømønrrun— chibelø køn.
26Incha Josebe øyeeg marøb kømig wesrawa pasrig køn, ellmarigu misriilan tru cien cargasyugurri veintebatø wesruigwane Faráonwein kønrrai treeg marig køn, tru møi kwalømgaatig. Inchen Sacerdotesmerai pirømeratøh Faraónwei kørrømisrmuig købig køn.
27Øyamay israelitasmerabe Egipto pirau warønrrab kørrømisrig kuig køn, Gosén pirau. Incha nømbe truyu pirømera merrarrawa waramisra, nømbe truyube wereg nørrø tøgagua, larrø nu misrig køn.
28Incha Jacobpe Egipto pirau pilamera diecisiete tsuig køn. Inchen kerrigu Jacob nø øsig tsuin kwalømmerabe pilamera ciento cuarenta y siete kuig køn. 29Israel øsig tsum kwalømmera yandø patsønrrab køben, nui nusrkai Joséwan wamønrrab ørabe, trenchibig køn:
—Na ñuin kabyu tabig asønaig kuinabene, tiusmanda ñui tasigwan nai srøptsim umbu estsar cha. Treeg marøppe na maig miaigwane trunune martrunrrig cha undaatøga. Incha nan purø nu lastima ashib, martrab kørrømisrigwane martrunrrig chibig køn. Tiusmanda nane Egiptosrømbe sørømørrunrrig chibig køn. 30Incha na nai møskaløba israb tsumisrene, Egiptogurrimbe srua ya, nømun esegawa wariinuutøwei wairrunrrig— chibig køn.
Inchen Josébe trenchibig køn:
—Ñi maig taigwan nabe treeg maramønrrun— cha.
31Inchen Israelbe trenchibig køn:
—‘¡Katø! Marmø kømø, maramønrrun’ chirra— cha.
Inchen Josébe:
—¡Katø! Marmø kømø, maramønrrun— chibig køn.
Inchen Israelbe nui pøtønaig tsig pala utsøbasrøptinchibig køn.

¿Sabías que…?
Un hogar en Gosén
- José estableció a su padre y a sus hermanos en Gosén, la región que el faraón llamó la mejor parte de la tierra. Ese mismo distrito también se llama la tierra de Ramesés; quedaba al este del Nilo, al parecer no lejos de la residencia real, aunque hoy la región es un desierto.Fuentes: el propio texto bíblico · Goshen · Rameses
- Cuando el faraón preguntó por su oficio, los hermanos de José respondieron que eran pastores, como sus padres, y pidieron quedarse en Gosén porque el hambre en Canaán no había dejado pastos para sus rebaños. El Easton’s Bible Dictionary (1897) identifica al faraón de los días de José probablemente como Apopi, el último rey hicso, y señala que los pastores eran una abominación para los egipcios nativos, mientras que estos pastores asiáticos fueron bien recibidos por los hicsos; otros sitúan a José en el reinado de Tutmosis III, mucho después de los hicsos.Fuentes: el propio texto bíblico · Pharaoh (of Joseph)
- Como el hambre agotó Egipto y Canaán, José recibió el pago primero en dinero, luego en ganado y, por último, en tierras, de modo que los campos pasaron a ser del faraón y el pueblo quedó reducido a servidumbre. No tomó la tierra de los sacerdotes, pues el faraón ya les daba sus raciones, y estableció que una quinta parte de la producción pertenecía al faraón.Fuentes: el propio texto bíblico
Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.
Lugares de este capítulo
- Canaan · 32.767, 35.333 · versículos 1, 4, 13, 14, 15
- Goshen · Hoy: Goshen 1 · 30.799, 31.834 · versículos 1, 4, 6, 27
- Egypt · 30.129, 31.308 · versículos 4, 6, 11, 13, 14, 15, 20, 21, 26, 27, 28, 29, 30
Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).
Créditos y licencia de esta traducción
Nacom Pejume Diwesi po diwesi pena jume diwesi xua Jesucristo yabara tinatsi New Testament in Guambiano copyright © 2010 Wycliffe Bible Translators, Inc. Language: Guambiano Translation by: Wycliffe Bible Translators, Inc. Copyright Information © 2010, Wycliffe Bible Translators, Inc. All rights reserved. This translation text is made available to you under the terms of the Creative Commons License: Attribution-Noncommercial-No Derivative Works. ( http://creativecommons.org/licenses/by-nc-nd/3.0/ ) In addition, you have permission to port the text to different file formats, as long as you do not change any of the text or punctuation of the Bible. You may share, copy, distribute, transmit, and extract portions or quotations from this work, provided that you include the above copyright information: You must give Attribution to the work. You do not sell this work for a profit. You do not make any derivative works that change any of the actual words or punctuation of the Scriptures. Permissions beyond the scope of this license may be available if you contact us with your request. The New Testament in Guambiano © 2010, Wycliffe Bible Translators, Inc. All rights reserved. This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2014-04-25
Fuente: http://ebible.org/gum/ · eBible.org