Nations Bible

Mateo 7

Gava NT · Toca un versículo para ver sus referencias cruzadas.

Bamarghǝr ba dǝ ghaza kǝ itsawar bi

1Bamarghǝr ba dǝ ghaza kǝ itsawar bi, khai kǝ ba kur ghǝr kǝ Yazhigǝl ad ghaz. 2Ya khulf taka lave manakur kǝ udakh, da taka kura ndǝk yanud. Darame ǝn kurara da kur kǝ udakh, da kura kura din ud.

3Uɗa kǝ mangan tsǝkha ǝn vaz sasikw ai ǝn di kǝ zǝr babagh, ai nguse ǝn di tsǝkha nga ɗangwa din biyi? 4Da kwara ndarkha kǝ zǝr babagh kwarne, Ɓakhdal ɓa ka sasikw ǝn di tsǝkh, Ghǝra ghǝragh ngusan di tsǝkhe? 5Mbaɗirana digi. Ndǝɗadal ndǝɗa ad nguse ǝn di tsa kha ndan, ki zǝɗa nǝgha nǝgha tsǝkha char, kǝ da ndǝɗado sasikw ai ǝn di kǝ sǝkwtagh.

6Bamara ba dǝgakhe dǝg Yazhigǝl kǝ ghǝd bi, kaɗamardu ba dǝg kwinda chaɗure dzau gan ǝn tǝf kǝ daguwakh bi. Wirva da tǝrkwǝdu tǝrkwa itar, da guyafkhai itar da vakur da vandz kur vandza itar.

Ɗawam ɗaw, gatam gat, dughwam dugh

7Ɗawam ɗawa, da bakura bǝgud. Gatam gata da gǝmadu gǝma kur. Dughwam dughwa ghay gud da ngura kura ngurud. 8Wirva ude takaɗgana da bara bǝgud, ude gatgana da gǝmadu gǝm, tsuguna ude dughgwan ad ghay gud da ngurara ngurud.

9War ǝn tǝb tsǝkur, kur dadakh, da ka ɗauga zǝr sar ad dǝg zu, ka baran ad kuri? 10Awana da takaɗga zǝr ad kilf, ka baran ad bubi? 11Da kure kǝladakha tsa tsǝkur bara dǝgakhe khwarkhwaran kǝ zarur, ngǝɗukw Dadure ǝn gharazhigǝl, afke da bǝdu bǝg ad dǝg khwarkhwaran kǝ udakhe takaɗgan ǝn vak sar. 12Ɗaga dǝge ǝn nagh kur mana kura mana kǝ udakh ka manatǝra mana ghǝrur, wirva yan dǝge ǝn tuku ndzikha ndzikh Mus zǝ tsagdutsaga tlayangakh Yazhigǝl.

Dlikhwan na zǝ bangan na kǝ rang

13Damaks ǝn tǝ dlikhwan na kǝ rang, wirva rangena bang, ɗul daksa tsuguna bang daks da kar. Liye ǝn daks ǝn tǝf tsuguna zikǝn itar. 14Wirva rang da tǝ ɗul mbǝladu safa kǝ ngǝɗa dlikhw, ɗulen tsuguna dlikhw. Liye ǝn gatars kǝ ɗulen tsuguna na itar zikǝn bi.

Ən katl ǝn tǝ zǝr sar ud ad uf

15Tsukwamana ghǝr dǝ tlayang filfilakh liye sakhasaks da vakura ǝn jakva tuwaghakh, ǝn khuɗ tara ndǝk khǝda tǝghalagh itar liye mbatǝra way. 16Da katltǝr ǝn tǝ ɗule manda itar tlǝr kur. Ən mbǝlo mbǝlakh zǝr inabi ǝn tǝ ǝmdaga? Awana zǝr ghǝdiv ǝn tǝ dzadzǝfa?

Dzǝngǝl inabi

17Ndǝkyan itsera kǝ ufa khwaran ǝn yig zǝr khwaran, ufe bǝzan tsuguna ǝn yig zǝr bǝzan. 18Ufa khwaran naba da yig zǝr bǝzan bi, ndǝkyan ufa bǝzan tsugun, na ba da yig zǝr khwaran bi. 19Ɗeghwa ufe kwar nǝg ǝn yig zǝr khwaran, da ǝntlars ǝntlud tlǝvdagh ud da kar. 20Wirva yan, da tsa diwa vak man tlǝr tar kur ad tlayang filakh.

Ən tsakura ba ka lingling bi

21Daghan ba ude ǝn ɗakh ka dǝ Dadzikan, Dadzikan da daks da tlǝksa gharazhigǝl bi. Kwa ude a manga dǝge nagha Dadare ǝn gharazhigǝl. 22Ai fitsa Taka lava, zikǝn udakhai da kwara ka kwarne Dadzikan, Dadzikan, tsa kwarga bakh kǝnda lave da dzaughǝr ǝn tǝvuk dǝ ɗakhagha? A lakwdu bakh kǝnda shaɗan ǝn ɗakhagha? A manga bakh kǝnda tlǝrakh dǝg japǝr ǝn ɗakhagha? 23Ka da kwara tǝra kwara ka kwarne, ǝn tsa kura ba ka lingling bi. Tsiyam tsiyan ǝn vakar, kuram li man kǝlad.

Udakh mits li khǝg

24Wirva yan, ɗeghwa ude a tsǝnga lavaran, mangan tsugun ad tlǝr din, da ndǝk ude kwelemlem ai khǝga fǝtasar ǝn tǝ fǝraɗ. 25Tǝɗga kǝ yu, ka saudagh rǝkhagw, ka tsiyawo fuɗ sǝgo ka tlǝg mǝghen, a mbǝdga ba tsugun bi, wirva a ndǝravǝn ǝn fǝraɗ. 26Ɗeghwa ude tsǝna lavaran tsugun kalwala kǝ manaman, da ndǝk dlage ndǝrga fǝtasar ǝn zagh. 27Tǝɗga kǝ yu, ka saudagh rǝkhagw, ka tsiyawo fuɗ sǝgo ka tlǝg mǝghen, ka mbǝɗgan kwashang kwashang.

28Audzala kǝ Yasu ǝn kwarakh dǝgakhan, ka ndawatǝref tsagdu lavsar na kǝ dzakhava udakh, 29a tsagatǝrdu ba ndǝk li tsagdu ndzikha ndzikh bi, wirva tsagatǝru ndǝk ude nǝg dǝ ndzǝɗa tsagdu lav.

Ilustración artística: una interpretación, no un registro histórico.

¿Sabías que…?

El juicio, el camino angosto y un fundamento firme

  • El registro del acontecimiento fecha el inicio del Sermón del Monte en el año 28 d. C. y su duración en un día. Este capítulo termina con las multitudes asombradas de la enseñanza de Jesús, porque él enseñaba como quien tiene autoridad, y no como sus escribas.Fuentes: Sermon on the Mount · el propio texto bíblico
  • Jesús advierte que el juicio que alguien pronuncia, y la medida que esa persona usa, se volverán contra ella. Describe a alguien que nota la paja en el ojo de su hermano, pero no advierte la viga en el propio, y dice que la viga debe quitarse primero.Fuentes: el propio texto bíblico
  • El capítulo llama esencia de la Ley y los Profetas hacer a los demás lo que uno querría que le hicieran. Contrasta una puerta ancha y un camino espacioso que lleva a la destrucción, por el que entran muchos, con una puerta pequeña y un camino angosto que lleva a la vida, que pocos hallan, y compara oír estas palabras y ponerlas en práctica con una casa edificada sobre la roca y no sobre la arena.Fuentes: el propio texto bíblico

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Créditos y licencia de esta traducción
Gava NT
Guduf-Gava: Gava NT (New Testament) of Nigeria
copyright © 2024 The Seed Company
Language: (Guduf-Gava)
Contributor: Luke Initiative for Scripture Translation
This translation is made available to you under the terms of the
Creative Commons Attribution Share-Alike license 4.0.
You have permission to share and redistribute this Bible translation in any format and to make reasonable revisions and adaptations of this translation, provided that:
You include the above copyright and source information.
If you make any changes to the text, you must indicate that you did so in a way that makes it clear that the original licensor is not necessarily endorsing your changes.
If you redistribute this text, you must distribute your contributions under the same license as the original.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
Note that in addition to the rules above, revising and adapting God's Word involves a great responsibility to be true to God's Word. See Revelation 22:18-19.
2025-07-02

Fuente: http://ebible.org/gdf/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.