Deuteronomio 30
Wycliffe Bible · Toca un versículo para ver sus referencias cruzadas.
The Promise of Restoration
1Therfor whanne alle these wordis comen on thee, blessyng ether cursing, which Y settide forth in thi siyt, and thou art led bi repentaunce of thin herte among alle folkis, in to whiche thi Lord God hath scaterid thee, 2and turnest ayen to hym, and obeiest to hise comaundementis, as Y comaundide to thee to dai, with thi sones, in al thin herte and in al thi soule, 3thi Lord God schal lede thee ayen fro thi caitifte, and schal haue mercy on thee, and eft he schal gadre thee from alle puplis, in to whiche he scateride the bifore. 4If thou art scaterid to the endis of heuene, fro thennus thi Lord God schal withdrawe thee; 5and he schal take and schal bringe thee in to the lond which thi fadris weldiden; and thou schalt holde it, and he schal blesse thee, and schal make thee to be of more noumbre than thi fadris weren. 6Thi Lord God schal circumcide thin herte, and the herte of thi seed, that thou loue thi Lord God in al thin herte and in al thi soule, and maist liue. 7Forsothe the Lord schal turne alle these cursyngis on thin enemyes, and on hem that haten and pursuen thee. 8Sotheli thou schalt turne ayen, and schalt here the vois of thi Lord God, and schalt do alle the heestis whiche Y comaunde to thee to dai; 9and thi Lord God schal make thee to be plenteuouse, in alle the workis of thin hondis, in the children of thi wombe, and in the fruyt of thi beestis, in abundaunce of thi lond, and in largenesse of alle thingis. For the Lord schal turne ayen, that he haue ioye on thee in alle goodis, as he ioyede in thi fadris; 10if netheles thou herist the voys of thi Lord God, and kepist hise heestis and cerymonys, that ben writun in this lawe, and thou turne ayen to thi Lord God in al thin herte, and in al thi soule.
The Choice of Life or Death
11This comaundement whiche Y comaunde to thee to day, 12is not aboue thee, nethir is set fer, nethir is set in heuene, that thou maist seie, Who of vs may stie to heuene, that he brynge it to vs, and we here, and fille in werk? 13nether it is set biyende the see, `that thou pleyne, and seye, Who of vs may passe ouer the see, and brynge it til to vs, that we moun here and do that that is comaundid? 14But the word is ful nyy thee, in thi mouth and in thin herte, that thou do it. 15Biholde thou, that to day Y haue set forth in thi siyt lijf and good, and ayenward deeth and yuel; 16that thou loue thi Lord God, and go in hise weies, and kepe hise heestis, and cerymonyes, and domes; and that thou lyue, and he multiplie thee, and blesse thee in the lond to which thou schalt entre to welde. 17But if thin herte is turned awey, and thou nylt here, and thou art disseyued bi errour, and worschipist alien goddis, 18and seruest hem, Y biforseie to thee to dai, that thou schalt perische, and schalt dwelle litil tyme in the lond to which thou schalt entre to welde, whanne thou schalt passe Jordan. 19Y clepe to day heuene and erthe witnesses, that is, aungels and men, that Y haue set forth to you lijf and deeth, good and yuel, blessyng and cursyng; therfor chese thou lijf, that bothe thou lyue and thi seed, 20and that thou loue thi Lord God, and obeie to his vois, and cleue to hym, for he is thi lijf, and the lengthe of thi daies; that thou dwelle in the lond, for which the Lord swoor to thi fadris, to Abraham, Isaac, and Jacob, that he schulde yyue it to hem.
¿Sabías que…?
La elección entre la vida y la muerte
- El capítulo asegura al pueblo que, incluso si son dispersados entre naciones lejanas por su desobediencia, un retorno sincero a Dios resultará en su reunión y restauración en la tierra prometida a sus antepasados Abraham, Isaac y Jacob.Fuentes: el propio texto bíblico · Abraham · Isaac · Jacob (Israel)
- Moisés enfatiza la accesibilidad inmediata del mandato de Dios, explicando que no está oculto lejos en el cielo ni al otro lado del mar, sino muy cerca, en sus bocas y en sus corazones.Fuentes: el propio texto bíblico
- Antes de que los israelitas crucen el río Jordán para tomar posesión de la tierra, el cielo y la tierra son convocados como testigos de la solemne elección puesta ante ellos entre la vida y la bendición o la muerte y la destrucción.Fuentes: el propio texto bíblico · Jordan
Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.
Lugares de este capítulo
- Jordan · Hoy: Jordan River · 31.761, 35.558 · versículo 18
Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).
Créditos y licencia de esta traducción
Wycliffe Bible This is the Pentateuch and Gospels from The Holy Bible, containing the Old and New Testaments, with the apocryphal books, in the earliest English version made from the latin Vulgate by John Wycliffe and his followers. c.1395 Public Domain Language: Middle English (English) Dialect: Middle Translation by: John Wycliffe 2016-11-08
Títulos de sección adaptados de la Berean Standard Bible (dominio público); no forman parte del texto bíblico de esta traducción.
Fuente: http://ebible.org/engWycliffe/ · eBible.org