Nations Bible

Génesis 45

Chiga Tevaen'Jema Atesuja 1, Aisheve Caña'cho · Toca un versículo para ver sus referencias cruzadas.

José attian'cho tise antiandeccunga

1Majan tisema shondosundeccu tseni can'jen'fasi Joséja ti'tsse injama'choni osha'chove a'tuye oshambipa quian'me fundo: “¡Poiyi'cco va'ttie sombo'faja!” Tsa'caen tteya moesi poiyi'cco tisema shondosundeccu me'i'en ja'fasi Joséja tise antiandeccunga tisuma attian.

2Nane i'nañe ashaemba quian'me i'nasi poiyi'cco tseni can'jen'cho egiptondeccu paña'fa. Pañamba conda'fasi na'su faraón'qque paña. 3Tsa'caen i'namba Joséja tise antiandeccunga tisungae su:

—Ña gi José. ¿Ña yayata ti toya canse?

Tsa'caen susi tsendeccuja tise caña'jen'tti ccutsupa ñoa'me dyopa afaye'qque osha'fambi. 4Tsa'ma Joséja su:

—Chigáne, ¡ñanga catse'faja!

Tise'pa catse'fasi Joséja su:

—Ña gi que'i antian, José, que'i egiptondeccunga chavaen'cho. 5Tsa'ma chigáne ñoquimbi'fajama ni tisupama iyicca'ye'fajama ñama chavaen'chone. Nane Chiga Quitsa tsu ñama manda que'ima o'tie vani jipa que'ima ccushaeñe. 6Tayo tsu dos canqque'fa va andeni qquipoesuiteve da'cho. Toya tsu cinco canqque'fa tsa'caen da'jeya. Nane jon'an'qque qui tai'faya'bi. 7Tsa'ma Chigaja que'ima o'tie ñama vani moe cuintsu ña tsonsi ingi dushundeccu ccushapa canse'faye; toya'caen tsain'bio que'i'suma ccushaeñe. 8Tsa'camba Chiga tsu ñama vani moe'su. Que'ija me'in. Tise tsu ñama tson faraónga conda'suve; toya'caen faraón tsa'o na'suve; toya'caen pa'cco Egipto andema manda'suve. 9Junde ña yaya can'jeni ja'faja. Japa tisenga su'faja: ‘Qquen tsu que dutssi'ye Joséja su: Chiga mandasi gi pa'cco Egipto ande'su na'suve da. Jundeyi ñani jija. 10Jipa qui Gosén andeni canseya. Nane que dutssiyendeccu, que du'tssiyembe dushundeccu, pa'cco que aiña'cho, toya'caen pa'cco que an'bian'choi'ccu fae'ngae qui tseni canseya. Tsa'caen jipa qui ñai'ccu pporotsse canse'faya. 11Vani gi quenga, que etti'sunga, poiyi'cco que'i'ccu canjensundeccunga anqque'suma afeya cuintsu que'i jongoesuve shacambitsse canse'faye. Nane toya tsu cinco canqque'fa pa'cco qquipoesuite jinchoya.’ 12Tsa'caen condaye japa ña quinshin Benjamin, toya'caen que'i'qque qui ñoa'me ñotsse su'choma pañamba condasundeccu. 13Ña yayanga condase'faja ma'caen ña egipto'suma manda'je'choma, toya'caen pa'cco que'i vani atte'choma. ¡Junde japa ña yayama i'nga'faja!

14Tsa'caen supa Joséja tise quinshin Benjamínma munsimba i'nañe ashaen. Benjamín'qque Joséma munsimba i'na. 15Omboe poiyi'cco tisu antiandeccuma munsimba mochapa i'na. Tsa'caen tson nanisi poiyi'cco tise antiandeccu Joséi'ccu condasecco'fa.

16Tsa'caen tsonsi faraón tsaone'qque José antiandeccu ji'chove paña'fa. Tsama pañamba faraón toya'caen poiyi'cco tisema shondosundeccu'qque avuja'fa. 17Tsa'caen avujapa faraónjan Joséma su:

—Que antiandeccuma suja cuintsu tise'pa borondeccunga andu'choma andiamba toequi Canaánni japa 18que yayama i'nga'faye; toya'caen tisei'ccu canjensundeccuma'qque. Ña gi va Egipto ande'su bove ñotssia andema afeya. Tsonsi tsu va ande'su bove ñotssia anqque'suma amba canse'faya. 19Tise'panga condaja cuintsu va Egipto andeni'su qquitssa'je'cho caroma anga'faye tsanga tise'pa pushendeccu, tise'pa dushundeccuma'qque vani iye; toya'caen que yayama'qque cuintsu i'faye. Condaja cuintsu tise'pa tseni an'bian'chone asi'ttaembe'yi catipa vani ji'faye. Nane pa'cco va Egipto ande'su bove ñotssia tsu tise'pambe.

21Faraón suqquia'caen tsu Israel dutssiyendeccuja tson'fa. Joséja faraón mandaqquia'caen qquitssa'je'cho caroma afepa anqque'suma'qque afe tise'pa jayipa aña'chove. 22Toya'caen cuna ondiccu'je ñotssiama poiyi'cconga afe cuintsu ondiccu'faye. Tsa'ma Benjamíngaja tresciento corifin'dima afepa cinco ondiccu'je ñotssiama afe. 23Tise yayangaja moe diez boro Egipto ande'su bove ñotssiama andu'suve. Toya'caen faesu diez boro trigo, pan, anqque'suma'qque andu'suve moe tise yaya jiñamba tsaiquiningae aña'chove. 24Joséja tise antiandeccuma chigambiamba moe'jemba qquen su:

—¡Tsaiqui'ye jayipa tisupanaccu iyicco'fajama!

Tsonsi japa 25Egipto ande'ye sombopa Canaán andeni nepi'fa tise'pa yaya Jacob can'jeni. 26Tseni nepipa tise'pa yaya Jacobnga conda'fa José toya canse'choma. Toya'caen tsu condase'fa José pa'cco Egipto ande'su na'suve da'choma. Condasesi paña'ma ñoa'me su'chove in'jambi. Nane ma'caen tsomba suya'chove atesumbi. 27Tsa'ma pa'cco José su'choma condase'fasi toya'caen José moe'cho tise'pama angaya'cho qquitssa'je'cho caroma attepa vuiquipa ñoa'me avuja. 28Avujapa su: “¡Nanitssi tsu ña dutssi'ye José toya canse'choma ña pañasi! Toya pambi'te gi japa tisema atteya.”

Ilustración artística: una interpretación, no un registro histórico.

¿Sabías que…?

José se revela a sus hermanos

  • Gosén, la región donde José dice a sus hermanos que se establezcan cerca de él con sus hijos, sus nietos, sus rebaños y sus ganados, quedaba al este del Nilo y, al parecer, no lejos de la residencia real. El Easton's Bible Dictionary (1897) señala que se menciona por primera vez en el mensaje de José a su padre y que también se llamaba tierra de Ramesés, porque las ciudades de Pitón y Ramesés estaban dentro de sus límites.Fuentes: Goshen · el propio texto bíblico
  • José llora tan fuerte que los egipcios lo oyen, y la casa del faraón pronto se entera; el faraón y sus siervos se alegran al saber que los hermanos han llegado, y él les ofrece lo mejor de la tierra de Egipto. El Easton's Bible Dictionary (1897) dice que el faraón de los días de José fue probablemente Apopi, o Apopis, el último de los reyes hicsos. Añade que los reyes hicsos acogían a los pastores asiáticos, mientras que los egipcios nativos más antiguos consideraban a los pastores una abominación, aunque algunos sostienen que José llegó a Egipto en el reinado de Tutmosis III, mucho después de que los hicsos fueran expulsos.Fuentes: Pharaoh (of Joseph) · el propio texto bíblico
  • Benjamín era el hijo menor de Jacob con Raquel, y José el mayor de los dos hijos de ella; su madre murió al dar a luz a Benjamín en Efrata y lo llamó Benoni, que significa hijo de mi dolor, nombre que su padre cambió por Benjamín. En el reencuentro, José abraza a Benjamín y llora, dándole trescientos siclos de plata y cinco mudas de vestidos, mientras cada uno de los otros hermanos recibe un vestido nuevo.Fuentes: Benjamin (patriarch) · Joseph (son of Jacob) · el propio texto bíblico

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Lugares de este capítulo

  • Egypt · 30.129, 31.308 · versículos 4, 8, 9, 13, 18, 19, 20, 23, 25, 26
  • Goshen · Hoy: Goshen 1 · 30.799, 31.834 · versículo 10
  • Canaan · 32.767, 35.333 · versículos 17, 25

Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).

Créditos y licencia de esta traducción
Chiga Tevaen'Jema Atesuja 1, Aisheve Caña'cho
New Testament and Genesis in Cofán (EC:con:Cofán)
copyright © 2012 Wycliffe Bible Translators, Inc.
Language: Cofán
Translation by: Wycliffe Bible Translators, Inc.
Cofán
con
Ecuador
Copyright Information
©Wycliffe Bible Translators, Inc. All rights reserved.
This translation text is made available to you under the
terms of the Creative Commons License: Attribution-Noncommercial-No Derivative Works.
( http://creativecommons.org/licenses/by-nc-nd/3.0/ )
In addition, you have permission to port the text to different file formats, as long as you
do not change any of the text or punctuation of the Bible.
You may share, copy, distribute, transmit, and extract portions
or quotations from this work, provided that you include the above copyright
information:
You must give Attribution to the work.
You do not sell this work for a profit.
You do not make any derivative works that change any of the actual words or punctuation of the Scriptures.
Permissions beyond the scope of this license may be
available if you contact
us with your request.
The New Testament
in Cofán
©Wycliffe Bible Translators, Inc. All rights reserved.
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2014-04-22

Fuente: http://ebible.org/conNTpo/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.