Nations Bible

Mateo 7

Diosichi Pila · Toca un versículo para ver sus referencias cruzadas.

Uyanlaca seitonla joe tituntsan jonunca

1Junsi Jesuri man fiquiman micarito itsantie:

—Uyanlaca culpa quitulajona! yape Diosi nulacanan culpa quitusa. 2Itsanque jochunae: Uyanlachi niyaquetiya cuwalaquinari, Diosi nulachi jun tsanquenan mancuwachunae tie. Junto nula uyanlachi jutsaca duque jonhoe latinari, Diosi nulachi jutsacanan jun tsannan tichunae. O nasiri jonhoe latinari, Diosi nulachi jutsaca jun tsannan tichunae tie. 3O cacabi wica jun chide petse nacaca tenca calaquede! tie. Jutsari jun chide petse nacá cuwenta jochunae tie. Junni tsanini chide petse nacaca uyanchi cacabi wicaca nula quiranilaquichunae. Juntonan tencachique cacabi fe wa chide petse pomincari natiya tennatuminla jochunae. Ya seitoe tie. 4Tencachique cacabi wa chide petse posanan, uyanlachi cacabi nechi tsanini chide petse nacacari larito cuwachinayoe latichunae. 5Jun tsanquenan nulari uyanlaca fe seiton jotonan uyanlaca fe sen jolajoyoe timinla joe. Tsantituntsan joe. Casaleri nula tencachique wa chide petse tsan jutsaca larinola jochunae. Junsi aman seque quirano podeilaichunae tie uyanlachi na chide petse tsan jutsa tenchi payichun.

6Junsi Jesús itsantie:

—Diosichi jonuncari susuchi cuwatuntsan jochunae. Susuri tenhituchunae tie sen joeque. Junni susu tenca itoto, ya cuwamincanan paito jalichi tichunae tie. Junsi cuchinan tenca iton jochunae tie. Junni cuchichi cale mica winca quepolaquinari, mica joeque tenhituto pipabi tereniquichunae tie. Aman seiton tsachilanan jun tsanquenan tenhituminla jochunae tie. Diosichi sen cosaca sen joeque tenhilaituchunae tie. Jesús tsanque micarie.

Diosibe panhano jonunca

7Junsi Jesús itsantie:

—Nula ticatiya munaralaratori, Diosibe panhalaquina! tie. Panhalaquinari, Diosi cuwachunae tie. Junsi titiya canola jotori, neyalaquina! Neyalaquinari, Diosi fesa carichunae tie. Junsi nunchitiya winola jotori, tamolante otilatina! Otilatinari, Diosi lasichunae tie. 8Aman jerale panhaminlari calaquichunae. Neyaminlari felaichunae. Tamolante otiminlachi tenchiri lasaichunae tie. 9Aman tsachilaca tenca calaquede! tie. Nalalari bibuca panhalaquinari, bibuca cuwalaquichunae; sucari cuwalaquituchunae. 10O watsaca panhalaquinari, watsaca cuwalaquichunae; pinica cuwalaquituchunae. 11Aman tsachilari seiton tenca tanla jotonan, nalalachi senca cuwaminla joe tie. Junni nulachi Apa Diosi mantimini, sen tenca tan joto, yanan yabe panhaminlachi sencasiri cuwachunae tie. 12Junni uyanla nulabe sen jolajosa tenjanari, nulanan yalabe sen jolajona! In mantaca meralaquitori, jerale Diosichi Pilabi mantaca meráminla jochunae tie. Jesús tsanque micarie.

Na foron minuse jino jonunca

13Junsi Jesús micarinato itsantie:

—Yucanchica jinun minu wa foron minu joe tie. Jun minuse jichun ayan foron tamolanse poleno joe tie. Natiya tenfe itoe. Jun tenchi duque tsachila junchi jiminla joe tie. Aman Diosibe sonnano jun minuri na foron minu joe tie. Jun minuse jichun, na foron tamolanse poleno joe tie. Tenfe joe. Jun tenchi narin tsachila jun minuse jiminla joe tie. Aman nulari jun na foron tamolanse wilaide! tie. Jesús tsanque micarie.

Seitonque micariminlaca niyaque miintsan jonunca

15Weyan tsachila nulachica jato, Diosichi mantate micariminlayoe latichunae nene pato. Junni yalaca tencabe nenalarana! Yala fiquichiri seque paminla jotonan, tencabiri lobo cuwenta duque yucapiyariminla jochunae. 16Junni nulari ya nene pato micariminlaca miino muquilaquinari, chide peleca tenca canola jochunae. Chide pelebi pucaca quirato, ti chide pele jonunca miintsan jochunae tie. Ubaca pobi itumanhe tie. O íconan caran tapebi itumanhe tie. 17Yucapiyaca pelebiri seiton puca jochunae. Sen pelebiri sen puca jochunae tie. 18Yucapiyaca pelebiri sen puca ino podeituchunae. Sen pelebiri seiton puca ino podeituchunae tie. 19Aman sen puca itumin peleca toleto nin polaquichunae tie. 20Junni micariminlari chide pele cuwenta jolajochunae tie. Yala niyaque nenanunca quirato miintsan jochunae. Diosichi mantate palaquinanunca, o tencachique mantate palaquinanunca miintsan jochunae tie. Jesús tsanque micarie.

Weyan tsachila Jesuca Miya titonan, yachi tsachila itolajonunca

21Junni Jesuri capánato itsantie:

—Weyan tsachila laca Miya timinla jotonan, Diosi mantananun bolon tsachilabe peitolajochunae to yucapiyarino mate. Jamochi chumin Apa Diosichi mantaca merántsan jochunae. Lachi Diosichi mantaca meráminlasiri yachi bolonbi pejolajochunae tie. 22Jun mate layanla laca pato, Miya tilatichunae. ¿Lachi mantate micarin, yucanchi ocolaca sularin, wepanato quirantsancari quin, quilaquituan? tilatichunae tie. 23Yalari tsanlatinasanan, lari beconan pato, Lachi tsachila natiya itolajoe tiyanae tie. Yalaca seiton quiminla joe tito, Jachi jilaide! tiyanae tie. Jesús tsanque micarie.

Jesuca meráto obedeseintsan jonunca

24Junto Jesús cacuenta quinato itsantie:

—La mantananunca seque meráminlari tenca tanla jochunae tie. Wa subi ya quimin tsachi cuwenta jolajochunae. 25Junbi duque wa suwa quin, pilu fan, wu quin, quinasatiya, yucapiyatuchunae tie subi ya quica jun joto. 26Juntonan la mantananunca jamoleri meráto, seque merátuminlari tenca itonla jochunae tie. Tsalanbi ya quimin tsachi cuwenta jolajochunae tie. 27Junbinan duque wa suwa quin, pilu fan, sonban wu quin, quichunae. Junnasa jun ya mantimini jera yucapiyato arajichunae tie.

28Junni Jesús tsanque jera micarinunbi, tsachilari yachi fiquica wepanalaie. 29Jesús duque mantabe micarimin jominhe. Israelítala tala mantaca micariminlanan quiraque micaritumin jominhe.

Ilustración artística: una interpretación, no un registro histórico.

¿Sabías que…?

El juicio, el camino angosto y un fundamento firme

  • El registro del acontecimiento fecha el inicio del Sermón del Monte en el año 28 d. C. y su duración en un día. Este capítulo termina con las multitudes asombradas de la enseñanza de Jesús, porque él enseñaba como quien tiene autoridad, y no como sus escribas.Fuentes: Sermon on the Mount · el propio texto bíblico
  • Jesús advierte que el juicio que alguien pronuncia, y la medida que esa persona usa, se volverán contra ella. Describe a alguien que nota la paja en el ojo de su hermano, pero no advierte la viga en el propio, y dice que la viga debe quitarse primero.Fuentes: el propio texto bíblico
  • El capítulo llama esencia de la Ley y los Profetas hacer a los demás lo que uno querría que le hicieran. Contrasta una puerta ancha y un camino espacioso que lleva a la destrucción, por el que entran muchos, con una puerta pequeña y un camino angosto que lleva a la vida, que pocos hallan, y compara oír estas palabras y ponerlas en práctica con una casa edificada sobre la roca y no sobre la arena.Fuentes: el propio texto bíblico

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Créditos y licencia de esta traducción
Diosichi Pila
New Testament in Colorado (EC:cof:Colorado)
copyright © 2012 Wycliffe Bible Translators, Inc.
Language: Colorado
Translation by: Wycliffe Bible Translators, Inc.
Colorado [cof], Ecuador
Copyright Information
© 2012, Wycliffe Bible Translators, Inc. All rights reserved.
This translation text is made available to you under the
terms of the Creative Commons License: Attribution-Noncommercial-No Derivative Works.
( http://creativecommons.org/licenses/by-nc-nd/3.0/ )
In addition, you have permission to port the text to different file formats, as long as you
do not change any of the text or punctuation of the Bible.
You may share, copy, distribute, transmit, and extract portions
or quotations from this work, provided that you include the above copyright
information:
You must give Attribution to the work.
You do not sell this work for a profit.
You do not make any derivative works that change any of the actual words or punctuation of the Scriptures.
Permissions beyond the scope of this license may be
available if you contact
us with your request.
The New Testament
in Colorado
© 2012, Wycliffe Bible Translators, Inc. All rights reserved.
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2014-04-22

Fuente: http://ebible.org/cofNT/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.