Nations Bible

Mateo 6

Paipel · Toca un versículo para ver sus referencias cruzadas.

Än Jesus afalafal usun angangen tong

1“Oupwe tümwünüfichi, pwe ousap föri ämi föförün pwüng mwen mesen aramas pwe repwe küna mine oua föri. Pun are oupwe föri iei usun, ousap angei och liwin seni Sememi mi nom läng. “Ousap asilefetalei mine oua föri.”|src="avnt003.tif" size="col" loc="62" ref="6.2" 2Iei mine are oupwe fang ngeni ekewe chon wöüngau och mettoch, ousap asilefetalei mine oua föri, usun ekewe chon likatuputup ra föri lon ar kewe imwen felikis pwal won ekewe al, pwe aramas repwe ingeitiir. Enlet, üpwe ürenikemi, pwe ra fen wes le angei liwiniir. 3Nge lupwen oupwe fang ngeni ekewe chon wöüngau, oupwe föri lon ei lapalap, pwe fen mwo nge chiechiemi kewe mi fokun kan ngenikemi resap silei usun. 4Iei usun ämi fang ngeni chon wöüngau epwe fis le monomon. Mürin Sememi we a küna mine oua föri le monomon epwe liwini ngenikemi.

Än Jesus afalafal usun iotek

5“Iwe, lupwen oupwe iotek, ousap föri usun ekewe chon likatuputup. Ra efich ar repwe ütä o iotek lon ar kewe imwen felikis pwal lepwokukun ekewe al, pwe aramas repwe küneer. Enlet, üpwe ürenikemi, pwe ra fen wes le angei liwiniir. 6Nge lupwen ämi oupwe iotek, oupwe tolong lon rumwemi, oupwe apüngala asaman o iotek ngeni Sememi ousap küna. Iwe, Sememi mi küna mine oua föri le monomon epwe liwini ngenikemi. 7Iwe, lupwen oupwe iotek, ousap kapaspat usun chokewe resap silei Kot, pun ra ekieki pwe Kot epwe aüselinger pokiten ar iotekitam. 8Ousap apirüür, pun Sememi a fen silei met oua osupwang ren, mwen ousamwo tüngor ngeni. 9Iwe, iei usun ämi oupwe iotek:

‘Semem lon läng.

Itom epwe pin,

10Mwum epwe war, letipom epwe fis

won fanüfan usun chök lon läng.

11Kopwe ngenikem anem mongö ikenai.

12Kopwe amusala äm tipis,

usun pwal äm aia amusala chokana mi tipis ngenikem.

13Iwe, kosap atolongakem lon sosot,

nge kopwe angasakem seni ewe mi ngau.

[Pun om chök mwü me manaman

me ling feilfeilachök. Amen’] 14Pun are oupwe amusala än aramas tipis, Sememi mi nom läng epwe pwal amusala ämi tipis. 15Nge are ousap amusala än ekewe aramas tipis, Sememi mi nom läng esap pwal amusala ämi tipis.

Än Jesus afalafal usun echikefel

16“Iwe, lupwen oupwe echikefel, ousap wowongau usun ekewe chon likatuputup ra föri. Ra awowongaueer, pwe aramas meinisin repwe küna pwe ra echikefel. Enlet, üpwe ürenikemi, pwe ra fen wes le angei liwiniir. 17Nge lupwen ämi oupwe echikefel, oupwe epiti möküremi o oresi wonmesemi, 18pwe ekewe aramas resap silei pwe oua echikefel. Nge Sememi we ousap küna, i epwe silei. Iwe, Sememi mi küna mine oua föri le monomon epwe liwini ngenikemi.

Än Jesus afalafal usun ach ioni wöüch lon läng

19“Ousap iseis wöümi fän püsin itemi won fanüfan, ia ekewe pwötür me parang ra atarela, nge chon solä ra atai o soläni. 20Nge oupwe iseis wöümi lon läng ia ekewe pwötür me parang resap tongeni atarela, nge chon solä resap tongeni atai o soläni. 21Pun ia wöümi a nom ie, ikenan lelukemi epwe pwal nom ie.

Än Jesus afalafal usun ewe saramen inis

22“Mas saramen ewe inis, usun chök eu lamp. Are mesom a fat, unusen inisum a saram. 23Nge are mesom a fatangau, unusen inisum epwe rochopwak. Iei mine are ewe saram mi nom lomw a wiliti rochopwak, epwe ifan me watten rochokichin rochopwakum!

Än Jesus afalafal usun Kot me wöün fanüfan

24“Esap wor eman a tongeni angang ngeni ruoman samol. Pun epwe oput eman, nge epwe echeni ewe eman, ika epwe tipeni eman, nge epwe turunufasei ewe eman. Ousap tongeni angangepök ngeni Kot me wöün fanüfan. 25Iei mine üpwe ürenikemi, pwe ousap öüreki manauemi usun mine oupwe äni are ünümi, ousap öüreki mine oupwe üföüf. Ifa usun, manau esap aüchea seni mongö, ika ewe inis esap aüchea seni üf? “Ifa usun, ämi ousap kon aüchea seni ekewe mansüsü?”|src="avnt004.tif" size="span" loc="60" ref="6.26" 26Oupwe nenengeni ekewe mansüsü: Resap fofot, resap pwal kinikin, esap wor ar lenien iseis, nge Sememi lon läng a fen amongöniir. Ifa usun, ämi ousap kon aüchea seniir? 27Ifa usun, iö leimi epwe tongeni atama manauan ren an öürek? 28Pwota oua öüreki üfemi? Oupwe nenengeni ekewe kiopun lemäl usun ra märitä: Resap angang, resap pwal föri üfer. 29Nge ngang üpwe ürenikemi, pwe fen mwo ewe king Salomon lon wöün meinisin esap üföüf üf mi ling usun lingen ekei pön kiop. 30Are iei usun än Kot aüfa ekewe fetilin lemäl, fetil mi wor ikenai, nge lesor epwe koturulong lon um, ifa usun, Kot esap fokun aüföüfakemi lap seniir? Ämi oua lükülük kisikis! 31Iei mine ousap öürek o apasa, ‘Meta sipwe mongö?’ ika ‘Meta sipwe ünümi?’ ika ‘Meta sipwe üföüf?’ 32Pun chokewe resap silei Kot ra chök ekieki usun ekei mettoch. Iwe, Sememi lon läng a silei pwe oua osupwang ren ekei mettoch. 33Nge oupwe chök ekieki lon letipemi ewe Mwün Kot me pwüngün, iwe, i epwe ngenikemi ekei mettoch meinisin. 34Iei mine ousap öürek usun ewe rän lesor, pun lesor epwe püsin anafa öürekin lon. Eu me eu rän epwe püsin wor osukosuken lon.

Ilustración artística: una interpretación, no un registro histórico.

¿Sabías que…?

Justicia en secreto y confianza

  • Este capítulo forma parte del Sermón del Monte. Un registro de eventos fecha ese sermón en el año 28 d.C. y lo registra con una duración de un solo día.Fuentes: Sermon on the Mount · el propio texto bíblico
  • Jesús dice que no se toque trompeta en las sinagogas y en las calles al dar a los necesitados, como hacen los hipócritas para ser honrados. También advierte contra orar en las esquinas para ser vistos y contra ayunar con el rostro desfigurado; en cambio, describe orar en un cuarto interior con la puerta cerrada y ayunar con la cabeza ungida y el rostro lavado.Fuentes: el propio texto bíblico
  • Jesús dice que ni siquiera Salomón, con toda su gloria, se adornó como uno de los lirios del campo. Un artículo de diccionario explica que su nombre hebreo, Shelomoh, significa “Pacífico”, que era hijo de David y Betsabé, y que Natán lo llamó Jedidías, “amado del Señor”; su reinado se registra en 1 Reyes 1–11 y 2 Crónicas 1–9.Fuentes: el propio texto bíblico · Solomon

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Créditos y licencia de esta traducción
Paipel
The Holy Bible in the Chuukese language of the Federated States of Micronesia
copyright © 1984, 1989, 1991, 2001 Liebenzel Mission
Language: Chuukese
Translation by: Liebenzell Mission
Old Testament © 1989, 2001 Liebenzel Mission
New Testament © 1984, 1991 Liebenzel Mission
This translation is made available to you under the terms of the
Creative Commons Attribution-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not make any derivative works that change any of the actual words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2024-01-24

Fuente: http://ebible.org/chk/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.