Nations Bible

Mateo 2

Yaubada Yana Veyavo Anawai Evaguna · Toca un versículo para ver sus referencias cruzadas.

1Ada Yeisu gitubuga melala Bedeliema wagaine, aku tova-nai wagaine ani Elodi giveiveimeya Yudiya anafafali wagaine. Ada kaliva tufodi badi ailabama anatonuwauya, ani kauwana ebalakavina wagaine ielai Yelusalema. 2Ada itolidadana, ivonaga, “Gadedeku meIsileli yami kini gitubuga? Faina wadedeku fafali kauwana ebalakavina wagaine amiyamiya aku ailabama seyana gilaka aitana ani banae kwamana-nai anaiyaiyaya. Ada aelai ana oduodu wagaine.” Badi ailabama anatonuwauya yadi kameli wagaidiya inaunau aku ailabama-nai Yaubada gisena mwatuguya imulimuliyena.|alt="The wise men on camels" src="IB-004gr.tif" size="col" loc="2:1-2 or 2:9-10" copy="Faadil" ref="2:2"

3Aku Kini Elodi gikaiyanogala vaita meIsileli yadi kini evaguna, ada tayuwe wagaine giasekolukolu ada kaduwe meYelusalema moyaidi nodi. 4Ada Elodi Yaubada yana veyavo anatovegugai lakaidiyavo ke Mosese yana veimeya anatovewalayavo gidouwedi ivagauta aku gitolidadanedi, givonaga, “Gava melala wagaine Mesaiya gina tubuga?”

5Ada badiyavo ivona, “Bedeliema Yudiya anafafali wagaine gina tubuga, faina Yaubada yana falofita seyana yana buki wagaine givetokilumina givonaga,

6‘O meBedeliema, Iyuda anafafali wagaine wamiyamiya.

Yami melala kabisona aku anayegana lakaina Iyuda anamelala wagaidiya,

faina toveimeya lakaina aimo wagaimiya gina tubuyegemona,

ada yaku yoo meIsileli gina itaveyabidi.’”

7Aku Elodi vona-dina tayuwe ginogalidi, ada ailabama aditonuwauya gidouwevagauwidi ikavuya-deya ke gitolidadanedi, e ada gina alamane-dewedewena wagaidiya evo vaita gavatoveya ailabama-nai giyegemona. 8Ada tova-nai yana alamana givaina wagaidiya ada giveimeyedi, givonaga, “Wananau Bedeliema wagaine ada kwamana-nai wanalele-dewedewena. Ada kai bademowa wana nuwagana aga wanaela wana mataweku, ada Iya kaduwe gananau anafaiweya gana oduodu wagaine.”

9Ada tonuwauya Kini nodi iveifuifufu giavaina, imididi inau. Ada inaunau aku ailabama-nai giyegemona kauwana ebalakavine imaduitana anafaiweya, ani kaduwe iita-vagilena, ada wagaine nuwadi giafolena ke ivemwamwala lakaina. Ada iitaitana aku ginagoyedi ke gadedeku kwamana yana ebamiya getane-deya giilovau. 11Ada manuwa wagaine iluku ke iitana kwamana inana Meli nodi imiyamiya, ada tugadi ivetodonedi ke ioduodu aku kwamana iawadavadavana. Ada muliya yadi fose iiyavuga ada yadi nuwakabubu lokoloko kaikaiwabu ivelena, gola ada bunama iluwei badi fatadi lakaina adiyegana falanikisenisi ke mulo. 12Aku muliya avaita wagaine Yaubada gimatawedi ada giawatadi keke Elodi wagaine inayewa, e ada iyewadi mali edeya ada inau yadi melaleya.

13Tova-nai tonuwauya inau aku Yaubada yana anelose seyana Iyosefa gienoavaisena ani gielai wagaine ada givonena, “Una mididi ke kwamana inana nodi una vaidi ada wanaota wananau fafali Itipita wagaine. Wadedeku wana miyamiya aku tova-nai gana mataweni ada wana yewami wanaelai. Faina banae Elodi aimo kwamana gina lelena ke gina luvealikana.”

14Anelose anafaiweya givona ada bogi nafona wagaine Iyosefa gimididi ada kwamana inana nodi ginauwedi Itipita, wadedeku maita matatuwadana wagaine. 15Ada wadedeku imiyamiya aku Elodi gialika, ada au Itipita isegena. Taidei wagaine ada gavana Yaubada yana vona falofita Oseya givetokilumina, ani giyegemona velemoena, givonaga, “Itipita-deya Natuku gadouwe gielai.”

16Aku aimo Elodi wayawaine, e tova-nai wagaine ailabama anatonuwauya ifwayana ada inukavu inau e ada Elodi giboda-wayogedi. Tayuwe wagaine yana alamana givaina ada agona giuga velemoena. Ada yana tolugaviya giveimeyedi ke inanau melala Bedeliema wagaine, kaduwe lilivane melala-dina wagaidiya biyabiyama kaliva matatabudi ina luvealikadi. Biyabiyama-dina adimalamala iluwei ke tufodi evagu-moedi, tainei tova-nai gialamanena anafaiweya ailabama yana yegemona tonuwauya wagaidiya. 17Ada biyabiyama iluvealikadi faina, Yaubada yana vona ani tova tuwaina falofita Iyelemaiya givonayena ani giyegemona velemoena, givonaga,

18“Melala anayegana Lama wagaine

vavine bonadi inogalina itagilukuikui.

Litiyeli ani natudiyavo faidiya itagitagiya,

ada vonanuwakabubu ivenikoiyena,

faina natudiyavo ialika-yabu.”

19Aku tova-nai Elodi gialika, ada muliya Itipita wagaine KAUVEYA yana anelose seyana Iyosefa gienoavaisena ani giyegemona wagaine givonenaga, 20“Una mididi ada kwamana inana nodi una vaidi wanayewa Isileli anafafali wagaine. Faina biyavo-dina ibalalava vaita kwamana ina luvealikana ani bademowa ialika.”

21Ada Iyosefa gimididi kwamana inana nodi givaidi giyewedi Isileli anafafali wagaine. 22Aku tova-nai iyegemo ada Iyosefa gikaiyanogala vaita Akelio gifatana tamana Elodi, ada Yudiya anafafali wagaine giveiveimeya. Taidei faina Iyosefa gimatauta ada keke nuwanuwana wadedeku ginamiya. Aku avaita wagaine Yaubada givonamatawena e ada ginau Galili anafafali wagaine gimiya. 23Ada Iyosefa ginau melala Nasaledi wagaine gimiya. Ada taidei wagaine tova tuwaina Yaubada yana vona falofita ivonayena Tokibababala faine ani giyegemo velemoena, ivona, “Banae ina vewagana kwana Nasaledi.”

Ilustración artística: una interpretación, no un registro histórico.

¿Sabías que…?

Magos, Herodes y Nazaret

  • El rey Herodes de este capítulo es Herodes el Grande. Su hijo Arquelao, habido con Malthace, una mujer samaritana, heredó la tercera parte del reino: Idumea, Judea y Samaria. Hasta pocos días antes de la muerte de Herodes, otro hijo, Antipas, había sido nombrado sucesor, pero en sus últimos momentos Herodes nombró a Arquelao; por temor a él, José se apartó de Judea y se retiró a Galilea.Fuentes: Archelaus · el propio texto bíblico
  • Mateo relaciona la muerte de los niños en Belén con palabras pronunciadas por el profeta Jeremías: una voz en Ramá, Raquel llorando por sus hijos. Raquel, una de las esposas de Jacob, murió al dar a luz a Benjamín y fue sepultada junto al camino de Efrata, es decir, Belén, justo al norte de la ciudad. Su sepulcro es objeto de gran veneración entre los judíos.Fuentes: el propio texto bíblico · Rachel · Bethlehem
  • Belén, en la región montañosa de Judá, se llamaba antes Efrata y también era conocida como la ciudad de David; bajo los romanos quedaba en Judea, la más meridional de las tres divisiones de Palestina. José y María fueron en cambio a Nazaret, en Galilea, su hogar, un pueblo que no se menciona en el Antiguo Testamento. En general se supone que el nombre Nazaret proviene del hebreo netser, un renuevo o brote, aunque algunos lo relacionan con una palabra que significa guardar o vigilar.Fuentes: Bethlehem · Judea · Nazareth · el propio texto bíblico

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Lugares de este capítulo

  • Bethlehem · 31.704, 35.208 · versículos 1, 5, 6, 8, 9, 16
  • East · Hoy: region around Amman · 31.955, 35.934 · versículos 1, 2, 9
  • Jerusalem · 31.777, 35.234 · versículos 1, 3
  • Judea · Hoy: Judea 1 · 31.777, 35.234 · versículos 1, 5, 22
  • Egypt · 30.129, 31.308 · versículos 13, 14, 15, 19
  • Galilee · 32.760, 35.527 · versículo 22
  • Nazareth · 32.702, 35.298 · versículo 23

Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).

Créditos y licencia de esta traducción
Yaubada Yana Veyavo Anawai Evaguna
The New Testament in the Bwaidoka language of Papua New Guinea
Nupela Testamen long tok ples Bwaidoka long Niugini
copyright © 2024 Wycliffe Bible Translators, Inc.
Language: Bwaidoka
Translation by: Wycliffe Bible Translators
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2025-12-08

Fuente: http://png.bible/bwd/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.