Nations Bible

Mateo 5

Luda yã takada kũ Bisã yão · Toca un versículo para ver sus referencias cruzadas.

Arubarikadenↄmɛ Yesu ìbanↄ ũ

1Kũ Yesu pari pìnↄ è, à dìdi sĩ̀sĩia. Kũ à vùtɛ, a ìbanↄ sù a kĩnaa, 2akũ à nà yãdannɛnaaa à pì:

3Arubarikadenↄmɛ gbɛ̃ kũ ò ń kĩana dↄ̃nↄ ũ,

zaakũ kpata kũ à bò Luda kĩnaa de ń pↄ́ ũ.

4Arubarikadenↄmɛ pↄsiradenↄ ũ,

zaakũ Luda ni ń laakari kpátɛńnɛ.

5Arubarikadenↄmɛ zĩdabusarinↄ ũ,

zaakũ mↄ́kↄ̃nↄ mɛ́ onigↄ̃ andunia vĩ.

6Arubarikadenↄmɛ yãzɛde nidɛrinↄ ũ,

zaakũ mↄ́kↄ̃nↄ mɛ́ oni kã.

7Arubarikadenↄmɛ wɛ̃ndadↄ̃nnɛrinↄ ũ,

zaakũ Luda ni ń wɛ̃nda dↄ̃.

8Arubarikadenↄmɛ nɛ̀sɛpuradenↄ ũ,

zaakũ mↄ́kↄ̃nↄ mɛ́ oni wɛ́ si Ludalɛ.

9Arubarikadenↄmɛ ibɛrɛmidɛrinↄ ũ,

zaakũ oni ń sísi Luda nɛ́nↄ.

10Arubarikadenↄmɛ gbɛ̃ kũ òdi wari dↄḿma ń yãmanakɛna yãinↄ ũ,

zaakũ kpata kũ à bò Luda kĩnaa de ń pↄ́ ũ.

11Arubarikadenↄmɛ á ũ,

tó ò á sↄ̃sↄ̃, tó ò wari dↄ̀áwa,

tó ò yã vãni sĩnda pínki dìáwa ma yãi.

12À pↄnna kɛ à yáa dↄ, zaakũ á láada zↄ̃kↄ̃ ludambɛ. Lɛn ò wari dↄ̀ annabi kũ ò kú á ãnↄa lɛ.

Yesu ìbanↄmɛ wisi ũ kũ gupurao

13Ákↄ̃nↄ mɛ́ á wisi ũ andunianɛ. Tó wisi i nna tà, deran oni kɛ nà à gↄ̃ wisi ũ dↄↄ? À àre ke vĩ doro, séde ò kↄ́tɛ gbɛ̃nↄ táa oa.

14Ákↄ̃nↄ mɛ́ á gupura ũ andunianɛ. Wɛ̃tɛ kũ ò kàtɛ sĩ̀sĩi musu dì fↄ̃ àgↄ̃ utɛnaro. 15Òdi fitila na ò gbaka kútɛaro. Òdi a di a dibↄↄ musumɛ, de à gu pu gbɛ̃ kũ ò kú ↄnnnↄnɛ. 16À gu pu gbɛ̃nↄnɛ lɛ, de ò á yãmanakɛnanↄ e ò á De kũ à kú musu tↄ́ kpá.

Musa doka bↄkↄtɛnaa

17Àsungↄ̃ da ma su Musa doka kũ annabinↄ yãnↄ gboronlo. Mádi su gbororo, ma su de mà papamɛ. 18Yãpuran matɛn oárɛ, ludambɛ kũ zĩtɛo ni gɛ̃tɛ, ama doka pì wãnzãn fítinle ke a pↄ́ kete ke ni gɛ̃tɛro, yã sĩnda pínki ni kɛ. 19Abire yãi tó gbɛ̃ gì yã kũ ò dìtɛ pìnↄ dokei, bee a kũ à kĩ̀ańyĩ, tó àdi da gbɛ̃nↄnɛ ò kɛ lɛ, ade nigↄ̃ kĩańyĩ kpata kũ à bò Luda kĩnaa gbɛ̃nↄ tɛ́mɛ. Tó gbɛ̃ kũna, tó àdi dańnɛ lɛ sↄ̃, ade nigↄ̃ zↄ̃kↄ̃ kpata kũ à bò Luda kĩnaa gbɛ̃nↄ tɛ́. 20Matɛn oárɛ, tó á yãmanakɛna de ludayãdannɛrinↄ kũ Farisinↄ pↄ́laro, áni gɛ̃ kpata kũ à bò Luda kĩnaa gũnlo.

Pↄfɛ̃naa

21A mà ò pì yãdenↄnɛ òsun gbɛ̃ dɛro. Gbɛ̃ kũ à gbɛ̃ dɛ̀ɛ, oni yãkpatɛ kɛ kãao. 22Makũ sↄ̃, matɛn oárɛ, gbɛ̃ kũ à pↄ fɛ̃̀ a gbɛ̃dakeii kà ò yãkpatɛ kɛ kãao. Gbɛ̃ kũ à a gbɛ̃dake sↄ̃̀sↄ̃ↄ kà ò gɛ́ kãao gbãnadenↄ kĩnaa. Gbɛ̃ kũ à pì a gbɛ̃dakenɛ mìsaride sↄ̃ kà à gɛ̃ tɛ́n gyãwãnn. 23Tó n su ǹ Luda gba pↄ́ a gbagbakia, tó n dↄn gwe kũ n gbɛ̃dake n yã kũna, 24ǹ n gba tó sa'oki arɛ gwe, ǹ gɛ́ ǹ kútɛ kɛ n adenɛ gĩa, gbasa ǹ su ǹ sa o sà. 25Tó n ibɛrɛ tɛn gɛ́ kũnwo yãkpatɛkɛkia, ǹ kɛ likalika ǹ kɛ kãao nna zaa zɛ́n, de àsun n kpá yãkpatɛkɛriaro yãi. Tó ńdi kɛ lɛro, yãkpatɛkɛri pì ni n kpá dogariia, dogari ni n da kpɛ́siran. 26Yãpuran matɛn onnɛ, ĩni bo gwero ari ǹ gɛ́ fĩna boo pínki. Bee kↄbↄ ni gↄ̃ tɛ́nyĩro.

Zinakɛnaa

27A mà ò pì, àsun zina kɛro. 28Makũ sↄ̃, matɛn oárɛ, tó gbɛ̃ nↄgbɛ̃ gwà kũ laasun pãndeo, ade zina kɛ̀ kãaon gwe kↄ̀. 29Tó n ↄpla wɛ́ dì tó ǹ fu, ǹ a bo ǹ zukũna. N kurana n mɛ̀gu kei mana de ò n mɛ̀gu sĩnda pínki zu tɛ́nla. 30Tó n ↄpla dì tó ǹ fu, ǹ zↄ̃ ǹ zukũna. N kurana n mɛ̀gu kei mana de n mɛ̀gu sĩnda pínki tana tɛ́nla.

Yìgidɛnaa

31Ò pì dↄ, tó gbɛ̃ tɛn gí a nanↄi, à yìgidɛtakada kpáa. 32Makũ sↄ̃, matɛn oárɛ, gbɛ̃ kũ à gì a nanↄi, tó adi kɛ à gↄ̃pose kɛ̀nlo, a zã pì mɛ́ àdi tó à gↄ̃ zinakɛri ũ. Gbɛ̃ kũ à nↄ kũ ò gìii sɛ̀ sↄ̃, à zina kɛ̀n gwe.

Ladanaa

33A mà ò pì yãdenↄnɛ dↄ, ò yã kũ ò sì kũ Dikirio papa, òsun fuaro. 34Makũ sↄ̃, matɛn oárɛ, àsun la da sero. Àsun la da kũ ludambɛoro, zaakũ Luda kíblegbaamɛ, 35ke andunia, zaakũ Luda tìntimmmɛ, ke Yurusalɛmu, zaakũ Kína zↄ̃kↄ̃ wɛ̃tɛmɛ. 36Ǹsun la da kũ n mìioro, zaakũ ĩni fↄ̃ ǹ n mìkã mɛ̀n do pura kũ ke ǹ a sira kũro. 37Àgↄ̃ pi ee ke oi. Yã kũ à de abirekũla bò yã vãni gũmmɛ.

Fĩnabonaa

38A mà ò pì, ò wɛ́ fĩna bo kũ wɛ́o, saka kũ sakaao. 39Makũ sↄ̃, matɛn oárɛ, àsun fĩna bo gbɛ̃ kũ à vãni kɛ̀árɛaro. Tó gbɛ̃ n sãn kɛ̀ n ↄpla gasuua, ǹ a do dↄnɛ dↄ. 40Tó gbɛ̃ ye à n uta lokomma yãkpatɛ kɛ kũnwo, ǹ n uta zↄ̃kↄ̃ↄ tónɛ dↄ. 41Tó gbɛ̃ gã nàmma ǹ aso sɛ́arɛ kiloo do, ǹ gɛ́onɛ kiloo pla. 42Tó gbɛ̃ pↄ́ wɛ́ kɛ̀mma, ǹ kpáa. Ǹsun gbɛ̃ kũ à ye à pↄ sãkãmma tɛ̃ro.

Yena ibɛrɛɛi

43A mà ò pì, àgↄ̃ ye á gbɛ̃dakei, à zã á ibɛrɛgu. 44Makũ sↄ̃, matɛn oárɛ, àgↄ̃ ye á ibɛrɛnↄi, à adua kɛ gbɛ̃ kũ òdi wɛ́ tãáwanↄnɛ, 45de à gↄ̃ á De kũ à kú musu nɛ́nↄ ũ yãpura. Zaakũ àdi ifãntɛ̃ bo gbɛ̃ vãninↄnɛ kũ gbɛ̃ mananↄ ń pínki, àdi legũ ma taarisaridenↄnɛ kũ taaridenↄ ń pínki. 46Tó gbɛ̃ kũ ò yeáinↄn á yeńyĩ, áni láada ke le Luda kĩnaa yá? Bee bɛ'ↄgↄsirinↄ dì kɛ lɛroo? 47Tó á gbɛ̃nↄn adì fↄ kpákpaḿma ńtɛ̃nɛ, bↄ́ á deo gbɛ̃ pãndenↄlaa? Bee kifirinↄ dì kɛ lɛroo? 48Abire yãi àgↄ̃ kun papana, lán á De kũ à kú musu kun papana nà.

Ilustración artística: una interpretación, no un registro histórico.

¿Sabías que…?

El Sermón del Monte

  • Al ver a las multitudes, Jesús subió al monte, se sentó y comenzó a enseñar a sus discípulos. Ese discurso se conoce como el Sermón del Monte. Una nota cronológica sitúa su inicio en el año 28 d. C. y le asigna una duración de un día.Fuentes: el propio texto bíblico · Sermon on the Mount
  • Al enseñar sobre los juramentos, Jesús dice que no se jure por Jerusalén, porque es la ciudad del gran Rey. En el original, el nombre está en dual y significa posesión de paz o fundación de paz. Esa forma probablemente alude a los dos montes sobre los que se construyó la ciudad, Sion y Moriah, o, como algunos suponen, a la ciudad alta y la ciudad baja; también se la llamaba ciudad de Dios y ciudad santa.Fuentes: el propio texto bíblico · Jerusalem

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Lugares de este capítulo

  • Jerusalem · 31.777, 35.234 · versículo 35

Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).

Créditos y licencia de esta traducción
Luda yã takada kũ Bisã yão
Portions of the Holy Bible in the Busa language of Nigeria
copyright © 2005 SIM International
Language: Bisã (Busa)
Translation by: SIM
This translation text is made available to you under the
terms of the Creative Commons License: Attribution-Noncommercial-No Derivative Works.
( http://creativecommons.org/licenses/by-nc-nd/3.0/ )
In addition, you have permission to port the text to different file formats, as long as you
do not change any of the text or punctuation of the Bible.
You may share, copy, distribute, transmit, and extract portions
or quotations from this work, provided that you include the above copyright
information:
You must give Attribution to the work.
You do not sell this work for a profit.
You do not make any derivative works that change any of the actual words or punctuation of the Scriptures.
Permissions beyond the scope of this license may be
available if you contact
us with your request.
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2014-10-10

Fuente: http://ebible.org/bqp/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.