Nations Bible

Mateo 7

A Nitana Vure · Toca un versículo para ver sus referencias cruzadas.

Naha Ni Pelekado a Viri

1“Naha ni pelekado a viri, lakea e Bakovi Dagi i uka ma ge pelekado mua. 2Bara i pelekado mua ge manga a hini mu pelekado e huriki ranga. A naro mu rata virihi e huriki ranga, a Vure tara bara i rata virihi mua vona. 3I navai o masia a muku na matane turamu, pali o mata kepa vona a bokona kai i koro na matamu ke? 4Go taki navia e turamu, ‘Ga kuri tala a muku na matamu,’ pali a matamu i vona a bokona kai dagi? 5Ioe a bakovi na taminga! O bole tala taro a bokona kai na matamu, muri bara o matai kamumu, o kuri tala a muku na matane turamu.

6“Naha ni habi na ligo a maki na Vure, bara i kara mate ioe. Naha ni vuroki lakea na boro a kepe ne mua, bara i paha loi.

Mu Nana, Mu Matakana, Mu Tutulidi

7“Mu nana a maki mu ngaru, lakea a Vure bara i habi ne mua. Mu matakana a maki mu ngaru, lakea a Vure bara i kori mua mu gu bole. Mu tutulidi, a Vure bara i talea a logo, bara mu dili. 8Mu rata mavonga, a vuhuna e huriki ri nana a maki, bara ri bole visi. E huriki ri matakana a maki, bara ri matavisi. E huriki ri tutulidi, bara ri dili visi.

9“E rei ne mua, ge ngaru a bret e tuna, ge habi a kedo vona? 10O ge ngaru a manu e tuna, ge habi a mata vona? 11Mua e huriki a bakovi hale, pali mu matakari kamumu e huriki e tune mua. E Tamane mua meli na hunu i kamumu liu. Pali i navai mu luhoia i uka ma ge habi a maki kamumu ne huriki ri nanea? 12I mavonga, a ra naro mu ngaru e huriki ri gi rata virihi mua vona, mua ranga mu rata. A ngava iea kunana ia a vuhuna a vinara ne Moses, a nitane huriki a propet.

A Logo Kiroko, a Logo Dagi

13“Mu dili na logo bala holo, a vuhuna a dala na vuranga i bola, a logo vona i ngavaka. 14Pali a dala na nimahuri vakaroro i kiroko, a logo vona i bala holo. E huriki ala popote kunana bara ri matavisia.

A Kanena Kai

15“Mu matadoko vona e huriki a nitamina propet. Ri tamilalu ni rata a rabu kamumu, pali ri ngaru ni ratapile mua. Ri manga a kaugara i tamilalu ni made madoru, ge lakavu a sipsip. 16Mu matai a rabune ria, bara mu matakilala ria. I uka ma si pasi a vuana vao na barakau. I uka ma si gi pasi a kanena kulu na ngatavinekou. 17A kai kamumu i uka ma ge vakabele a kanena ge hale. Bara i vakabele kunana a kanena i kamumu. A kai hale i uka ma ge vakabele a kanena ge kamumu. Bara i vakabele kunana a kanena i hale. 19A kai lobo i uka ma ri vakabele a kanena i kamumu, bara ni tolo vuroki, ni voro rike na kanono. 20I mavonga kunana, mu matai a rabune huriki a nitamina propet, bara mu matakilala ria. 21Naha ni luhoi e huriki lobo ri gale iau e ‘Bakovi Dagi, Bakovi Dagi’ ri gi dili na harikianga na hunu. E huriki bara ri dili, re huriki ri ramai a ningaru ne Tata na hunu. 22Na nilobona parava e huriki ala kupo bara ri taki iau, ri ta maea, ‘Bakovi Dagi, Bakovi Dagi, mi rata na ramu a nita propet. Mi lili tala e huriki a hanitu na ramu. Mi rata a maka nivakasiri i kupo.’ 23Pali iau ga ta kavakava ne ria, ga ta maea, ‘I uka ma lohoka ne mua. Mu malele ha nau, mua e huriki a mari ni putu puru a vinara.’

Ni Hae a Roho

24“E huriki ri longo a nitagu, ri longototo, ri manga a bakovi i tahoka a niluhoi kamumu, i hae a roho vona langa na kedo. 25Muri a vala i boru, i tua a meka. A vilu i pori, i pulua a roho. Pali i uka ma i mapuka, a vuhuna a butuna i pesi langa na kedo.

26“Pali a viri i longo a ngavagu, pali i longotaro, i manga a bakovi i uka niluhoi kamumu. I hae langa na hire a roho vona. 27Muri i boru a vala, i tua a meka. A vilu i pori, i pulua a ruma, lakea i mapuka, i tangi pahumu puru.”

28E Isu i ta lobo, lakea e huriki ri turutu vona a nivara vona, 29a vuhuna i uka ma i vara manga e huriki a mari na vinara na lotu. I vara manga a bakovi i tahoka a nitora.

Ilustración artística: una interpretación, no un registro histórico.

¿Sabías que…?

El juicio, el camino angosto y un fundamento firme

  • El registro del acontecimiento fecha el inicio del Sermón del Monte en el año 28 d. C. y su duración en un día. Este capítulo termina con las multitudes asombradas de la enseñanza de Jesús, porque él enseñaba como quien tiene autoridad, y no como sus escribas.Fuentes: Sermon on the Mount · el propio texto bíblico
  • Jesús advierte que el juicio que alguien pronuncia, y la medida que esa persona usa, se volverán contra ella. Describe a alguien que nota la paja en el ojo de su hermano, pero no advierte la viga en el propio, y dice que la viga debe quitarse primero.Fuentes: el propio texto bíblico
  • El capítulo llama esencia de la Ley y los Profetas hacer a los demás lo que uno querría que le hicieran. Contrasta una puerta ancha y un camino espacioso que lleva a la destrucción, por el que entran muchos, con una puerta pequeña y un camino angosto que lleva a la vida, que pocos hallan, y compara oír estas palabras y ponerlas en práctica con una casa edificada sobre la roca y no sobre la arena.Fuentes: el propio texto bíblico

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Créditos y licencia de esta traducción
A Nitana Vure
Genesis, Exodus, Leviticus, Numbers, Deuteronomy, Joshua, Ruth, Jonah, and the New Testament in the Bola language of Papua New Guinea
Sampela hap Buk Baibel long tokples Bola long Niugini
copyright © 2011 Wycliffe Bible Translators, Inc.
Language: Bola
Translation by: Wycliffe Bible Translators
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2014-12-03

Fuente: http://png.bible/bnp/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.