Nations Bible

Proverbios 30

Fúka Moodaanaki Kira Ufa Afaqínaasa Ufa · Toca un versículo para ver sus referencias cruzadas.

1Maa ufana Akurafa Yakeena amaaku fannoo Itieerana faqa Ukarana faqa akararuma niminau. Mifa maaqi qinau, Anutufa sia qini faqa maridanoo, Anutufa sia qini faqa marifaqa sia qini dadaaqirausa maridaqa.

2Qinee aandaura foora maridaqa. Faiqí irirafa sia qiniki maridanoo.

3Qinee sia amiqira iriranara iridaqa. Qinee sia uqanna Anutunara iridaqa.

4Yafee innaarunai oorureenoo fee uminau. Yafee ufai narí asaukunnoo afapita qumareenoo fee. Yafee nammari qamunnasaa sakasee qumaraannoo fee. Yafee aiqama maqa atiuqa auquseenoo fee atukaramma quqanau. Mina auqu yafee. Yafee mina amaaku auqu. Anee iridana qimaqiminaqa iria.

5Anutuna ufa aiqama anoona kai kambiqaidanoo. Mifa qi ufafa anoona kai kambiqaidanoo. Mifinnai fimariasa mifa rakira saqariara foora itita nimaqaidanoo.

6Sia innee mina iriranasaa inneeqa irirana ootupaaqa. Mifa inni ootupara ufara unna fee qimaseenoo niqiannoo.

7Qinee qaara ainainara Anutuna iraidaqa. Qinee kaqi maa maqanasaa marunaqoo qiminaqa marasee kuqua.

8Nikaru qirana faqa unnufa faqa nianai futeeqa quqaa. Kaaqa kudikirana sia qimia, kaaqa moomoo ainaina faqa sia qimia. Qiqa qimana kai qimia.

9Qinee moomoo ainaina faqaasa maridaqa aniara sia irianoora. Qinee ainaina siaisa maridaqa moosa ainaina ummuariqa qeeqa Anutuna auqu rafaaqa fuanoora.

10Innee moo fasiqa ainainira faiqiara sia mandufa qiaqa. Mina rakisirafa irisee quandafi inni niqinaqa manda mareefaara.

11Akaqa fasiqa anaasee narí nikausa manda afaaqooqa nimisee narí ninausa sia amiqimma nimaqaidaqa.

12Akaqausa náriara ikairi siaisee qidaqa. Misa numoo marifaqa misa Anutuna afusaa ikairi faqaasa maridaqa.

13Akaqausa náriara amiqirausee qidaqa. Misa náriara kaaqa amiqirausee qidaqa.

14Akaqausa nifauru keedai miqirafa maridanoo. Misa nifauru musuka miqirausa maridaqa, minannai ainaina siaisa nambiqeefaranoo. Minanna kai kudi mariasa rukeefaranoo.

15Tumooka qaara manaaqa faqaafa maridanoo. Aiqama qara moodaa nuqu faqaasa maridaqa. Miqanda nuqu Qini Qimia. Qaara faqa qaara faqa ainaina fannoo sia doo amanee qidanoo. Kaqi moo faqa moo faqa qimiaqee qidanoo.

16Moo kuqirausa maqa maaqara qidanoo, Moo anaasee narí afaaqi faqa moomoo kari faiqeenoo sia faiqi maraidanoo. Moo aadana maqa maaqa fannoo aakuara aididanoo. Moo ida fannoo fifau faafau qaidanoo.

17Faiqí moo fannoo narí akoonara uteeti qimaseenoo narí anoona asooqa ufa rukiainafa duee dueena fannoo mina afu qimbaannoo. Mina amaqi meemoonauqa rapeeifaranoo.

18Qinee qaara faqa qaara faqa ainaina oosanara randaidaqa sia iridaqa.

19Moo meemoona fannoo innaarunai qaqanoo nimari oosanna faqa moo sakani fannoo oonimau nimari oosanna faqa moo oosana sipa fannoo nammari amuaqumau nimari oosanna faqa moo faiqí faqa maanaaqa faqa nariara nariara rimaria oosannara sia iridaqa.

20Dapi maraqa nua aanaaseesa maaqimidaqa moo ainaina qumee namaseenoo oorindanaindaraana rukaseenoo sia qinee ummuari marunausee qidanoo.

21Qaara faqa qaara faqa ainaina maqa fannoo akooqainara maa maqafa kasidanoo.

22Moo ainainira faiqi fannoo karaambaiqaiki marina faqa moo furufari mariasa moomoo narana neeneesaafanoo nimuaqu imarina faqa moo fidiaqaa imaria aanaaseefa faiqí maree marina faqa moo ainainira maanaaqa fannoo narí rakisira aanaaseena uriqararafaikirana mi ainainausara maqa fannoo akooqaifanoo kasidanoo.

24Maa maqanasaa qaara faqa qaara faqa ainaina kaqikaa ainaina maridaqa misa irirafa firaafa maridanoo.

25Moo ainaina tarika mifa afeeka siai ainainafa maridanoo. Suani aukuana narana suqu quqasee aaku aukana mina naidaqa.

26Moo ainaina qiroosa maridaqa misa faqa afeeka siaisa maridaqa. Misa nári maaqa firaa ooniuqa qambaana usakaidaqa.

27Moo ainaina pandaaqa maridaqa misa uriqararafa sia maridanoo sia qimannimidanoo misa nariqa kai andeeqasee irasasaa kai fidaqa.

28Moo ainaina rufeeka maridaqa. Mifa kaqikaa ainaina maridanoo amana asaukunnai qumareennaranoo. Faiqí firaasa uriqararausa maaqaki kaqi nimarifa maridanoo.

29Kafaa qaara faqa qaara faqa ainainausa amiqimmasee nimariasa maridaqa.

30Moo raioonna aiqama aandau urinnaaqarara afeeka faqaafa sia moo aandaura rufiee maridanoo.

31Moo ainaina kookooraana akoona fannoo anaasee kookooraana qambaanai kaqi sumoosumidanoo. Moo ainaina mimmi akoona fannoo moomoo indaaru nifiqanoo nidanoo. Moo ainaina maqasaa karaambaiqa fannoo ufa nimi marifa maridanoo.

32Anee furufarammasee aneenna auqu uqeereenana kafaa oonu mafi iriseenana aneenna oo rafaaqa fua. Anee manda oosanara tipundaarinana aneenna oo rafaaqa fua.

33Anee burimakau naamma anoona tatisee minannai adiafaa imari ainainna pataqa auqinnaranoo. Anee faiqí aikiru rumasainanoo fidika qumuannoo. Miqi kai masee aanooqirana uqeerasainanoo rakirafa kambiqaannoo.

Ilustración artística: una interpretación, no un registro histórico.

¿Sabías que…?

Los Dichos de Agur

  • Proverbios 30 se atribuye a Agur, hijo de Jaqué, quien dirigió sus palabras a Itiel y Ucal. Más allá de lo que está registrado en este capítulo, no se sabe nada más acerca de Agur o de su padre.Fuentes: Agur · Jakeh · Ucal · el propio texto bíblico
  • El capítulo utiliza con frecuencia un patrón numérico graduado ('tres cosas... cuatro que...') para agrupar observaciones sobre la naturaleza y la conducta humana. Agur aplica esta estructura a maravillas de la creación, alteraciones sociales, seres de andar imponente y cuatro pequeñas criaturas que muestran una notable sabiduría: hormigas, damanes, langostas y lagartijas.Fuentes: el propio texto bíblico
  • Agur hace una petición específica de dos partes, pidiendo que no se le dé ni pobreza ni riquezas, sino solo su porción diaria de comida. Explica que tener en abundancia podría llevar a alguien a negar al Señor, mientras que caer en la pobreza podría tentar a la persona a robar.Fuentes: el propio texto bíblico

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Créditos y licencia de esta traducción
Fúka Moodaanaki Kira Ufa Afaqínaasa Ufa
Portions of the Holy Bible in the Binumarien language of Papua New Guinea
Buk Baibel long tokples Binumarien long Niugini
copyright © 1983, 2001, 2017 Wycliffe Bible Translators, Inc.
Language: Binumarien
Translation by: Wycliffe Bible Translators
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2013-08-10

Fuente: http://png.bible/bjr/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.