Proverbios 26
Fúka Moodaanaki Kira Ufa Afaqínaasa Ufa · Toca un versículo para ver sus referencias cruzadas.
1Furufarira fasiqa mareeqee uriqararafaikinanoo sia andeeqaannoo. Suani aukuana aaku riara foora midanoo. Nandi aiqira aukuana aaku rindee midanoo.
2Aaqarana siai fasiqafa unna qimasee aqurarainna ufafa sia mina qumaraannoo. Mi ufafa ufiniara foora kaqi aqanoo oonuree aniree inoo nidanoo, sia saqariasaa uqaidanoo.
3Qoosa sana samu aridaqa. Qainna doonki ooki quqasee mi sanda atina qumaraafanoo nifiqee fidanoo. Miqi kai iqa furufari mari fasiqana unnaanna samu arinanoo iriannoo.
4Sia anee furufarira fasiqa fannoo ani manda ufara irainana mina faqa ufa qia. Ani faqa mi furufarirafa aaku finana miqinafaara.
5Furufarira fasiqa fannoo furufarira ufa ani qimaminana anee mina ufa rukiasee saa manda ufa qiaanoo qia. Anee sia miqinanoo mifa nariara irirana faqaasee qinoo narí amooqiandoora.
6Anee furufarira fasiqa moo ufara aiqeenana aneenna aiku ateekeera foora innaranoo. Anee ummaarara randee mariananoo.
7Furufarira fasiqa ookiqari irirausa ufa qinafa sia mi ufafa narí dadaaqiannoo, aiku mandaikirafara foora maridanoo.
8Anee futufeetiki ooni quqasee aqusainanoo sia mariannoo fuannoo. Anee furufarira fasiqa mareeqee uriqararanaika masainanoo futufeetikiara foora aqinnaranoo.
9Faiqí moo biaqa nammari amiqimma namasainnana amukafaqaa ainaina asaukuki quqasainanoo kaqi qumarainanoo asauku tapooqainanoo sia iriannoo. Anee irirana faqaasa ufa furufarira fasiqa qiaminanoo mifa miqi kai inoo narí afaaqa aruannoo.
10Faiqí moo fannoo furufarira fasiqa fee kaqi nimari fasiqanee mareeqee narí ainainiranaki quqainafa aiqamausa naridanoora foora idanoo.
11Furufarira fasiqa fannoo ooqai furufarira ainaina auqeeundee inoo kaifaa auqaidanoo. Fainiara foora fidisee quandafi kaifaa naidanoo.
12Furufarira fasiqa kaqikaaqoo amanaikianoo. Nariara irirana faqaasee qimarifa sia amnaikiannoo. Furufarira fasiqa ooreeqarafa uqanna maridanoo.
13Ainainirara raindaanimari fasiqana unna irirafa maaqimminoo maridanoo. Kaasau faini aanai maridanoo kaaqa ukaqee marifa marifaqa daruandooree qidanoo sia ainainai fidanoo.
14Ainainirara raindaanimarifa narí qaarisaa faiaqeeidanoo quanda qaandida maridanoo. Mifa kooqi qainnara foora quanda qaandida maridanoo.
15Kudoosaapee marifa narana mareeqee ooki quqarara akooqaidanoo.
16Ainainirara raindaani marifa narí iriranara uriqarara fee qidanoo. Qisauku dinni taikasee dinni qaaa marasee (7) irirana faqaasa irirana urinnaaqaraqa maridaqee qidanoo.
17Sia tinooriranaki aqufua. Anee miqinana faini aaqoora foora qumarainanoo ukaqa amiannoo.
18Faiqí moo fannoo unna qinanoo moo fannoo kuqaamifoora mandainainaki aqufuannoo. Aqufifanoo mifa maaqi qiannoo oo qinee fifau unna qiqa uteeti qunnanara anee mandainainaki aqufuananoofee qiannoo. Miqi mari furufarira fasiqafa ida qeemari duru feefana indaamma uqirafa nidanoo narinaa nidanoo.
20Ida ati taikaifanoo doo ida imbaidanoo. Munuqi miniqirufa miqi kai inoo taikainanoo aanoo qirafa taikaannoo.
21Ida kudima idaunisaa quqasainanoo dauni atooqafinoo qaannoo. Ida aadana faqa idaki quqasainanoo firaaqoo qaannoo. Manda ainaina oosana areemarifa ummaara kambiqaani feera miqidanoo.
22Munuqi miniqirufa fannoo adiaafaa ira narana miqirafa mina aranandaki maridanoo.
23Amiqira ufa qimari fasiqafa aundurai mandaikirafa maridanoo, mi fasiqafa qafee miqirafa apatasaa anukarafa akara faqaafa aundurai kudima arirafa maridanoo.
24Qaara irirana mau fimarina ufa fannoo amiqirafa maridanoo. Aundurakiqari nikaru qidanoo miqidanoo.
25Mi fasiqafa amiqira ufa ani qimaminana sia mina ufa iria. Mina aunduraki manda ufa oosana oosana qumbiqanoo maridanoo.
26Mi fasiqafa narí fidiaqaa ira mandufa amiqira ufannai dadapaani maseenoo mimau amiqi amiqi marinaqa aiqamausa mifa manda ainaina auqee marina qafeearanoo.
27Faiqí moo fannoo madika indufuseenoo moo fannoo minaki aqufuani fee qimarifa narí aqufidanoo. Faiqí moo fannoo oonitia umbaqi aminanoo moo fasiqa aruani fee qifanoo oonu aruakinanoo narí aruannoo.
28Unna qimari afaurufa kuqaa anoona ufara fidiaqaa midanoo. Unna qimasee amiqi amiqi marifa mifa mandaikamma nimaqaidanoo.

¿Sabías que…?
Necios, Perezosos y Contiendas
- Los versículos 4 y 5 ofrecen instrucciones aparentemente contradictorias sobre cómo responder al necio. En conjunto, estos proverbios muestran que la sabiduría práctica requiere discernir la ocasión: contestar a la necedad puede rebajar a una persona, mientras que confrontarla evita que el necio se crea sabio.Fuentes: el propio texto bíblico
- El capítulo emplea imágenes vívidas y humorísticas para retratar al perezoso. Este inventa excusas extremas, como un león en la calle, da vueltas en su cama como una puerta sobre sus bisagras y encuentra agotador incluso llevar la mano del plato a la boca.Fuentes: el propio texto bíblico
- Proverbios 26 compara las disputas con un fuego que necesita combustible continuo. Cuando cesan los chismes y las murmuraciones, la contienda se apaga por sí sola, tal como el fuego se extingue cuando se acaba la leña o el carbón.Fuentes: el propio texto bíblico
Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.
Créditos y licencia de esta traducción
Fúka Moodaanaki Kira Ufa Afaqínaasa Ufa Portions of the Holy Bible in the Binumarien language of Papua New Guinea Buk Baibel long tokples Binumarien long Niugini copyright © 1983, 2001, 2017 Wycliffe Bible Translators, Inc. Language: Binumarien Translation by: Wycliffe Bible Translators This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2013-08-10
Fuente: http://png.bible/bjr/ · eBible.org