Jonás 2
Sunbin-Got em Kitakamin Weng · Toca un versículo para ver sus referencias cruzadas.
Yona e Sunbin-Got eso Weng Bokolewse em Sang te.
1Beli, Yona em dol em kulin tem kel bise ding dim kabalak e, e Yawe akalem Sunbin-Got elo fililin weng sin mak bokolewomele:
2“Eke Yawe kutaka! Ne ilum kulusomi, kulo gaakemii,
ku nem gaanin be kiliko, dokonemselew te. (Sim Fut 120:1)
Sunbin-Got kutaka! Kuansiliw kawtiw im abiw atew kale kel amebomi, ‘Dokonema!’, kangsi kasike,
ku nem kangi weng be kiliko, kinkin ibolow kukuw kukunemselew te.
3Yawe kutaka! Ku nelo kuse okmun fian alelbin diw diw kalak da konemewi,
ne ka kel bisi te.
Okmun fian diw kel akim bilii,
ok be nem dim kel kawtol unse te! (Sim Fut 42:7)
4Unei, ne kulo bokokemomeli:
‘Ku nelo atin kuw konemew sako!’, kangsi kate,
ne kom am yol fian be iti fein atemoki te! (Sim Fut 31:22)
5Okmun fian be nem tikin dim kel unsomelei, e
nelo dukakan kenemei, ‘Nono memfu angoki?’, angsi te. (Sim Fut 69:1)
Kanenemei, okmun em alelbin em akikiw e kak so falal kasi konemse te.
6Ne okmun fian beem amgu yaman awet kebe dim beem afak uneko,
afak dakaw kalak bomi, fon unomin deiw mak ateminba kesi te.
Kate, Yawe nem Sunbin-Got kutaka! Ku nelo kuluselew kasike, ne bisi aneng wa dim be koleweko, matem telii,
ku nelo finik so ibolow dunemselew te.
7Yawe kutaka! Nem kuanomin kis kunum emdiw kesi ding dim kabalak be, (Sim Fut 142:5)
ne kom ibolow fukunsomelii,
nem ‘Dokonema!’, kangsi weng be kom am yol dim abiil tikin kawtem elo talse te.
8Ikalem dem banim dasuw-got ilo wangweng kukuw kukuyembiliw kawtiw i
Sunbin-Got em akalem kunum waneng ilo folok ibolow kukuyemkabe kukuw be dawkatikoko, kolewsiliw te. (Sim Fut 31:6)
9Kate nakalem ete kulo kuw kutikemeko, kom wiin ete kuw daokemsomi,
sim kutikemkabi te.
Kutikemsomi, nem fawtuk ayem weng bokokemsi weng bakati fein gelewoki te.
Nimtew angom? Yawe kutaka! Kukalem ete kuw kunum waneng im kuankemin deiw bul gewsi goto kelewko, ilo finik so deiw mo koyemkabelew Sunbin-Got kute kasike. (Sim Fut 3:8)”,
dangeko, Yawe elo dangse kale.
10Dangei, Yawe e dol fian sel beelo kitil weng mak bokolewomele: “Ku kame ok dilin benggew dim elo uneko, kom kunil kolewbelew kunum beelo wasan fok kelolewka!”, dangse kale. Dangei, e fein uneko, ok dilin benggew dim kel elo wasan fuko, matem da kolewse kale.

¿Sabías que…?
La oración y liberación de Jonás
- La oración de Jonás utiliza imágenes poéticas para describir su experiencia cercana a la muerte, retratando las profundidades marinas como el 'vientre del Seol', donde descendió hasta los 'cimientos de los montes' con algas enredadas en su cabeza.Fuentes: el propio texto bíblico
- Incluso estando sumergido en las profundidades dentro del pez, Jonás dirige sus pensamientos hacia el santo templo de Dios, prometiendo cumplir sus votos y ofrecer sacrificios de alabanza.Fuentes: el propio texto bíblico
- Según los registros bíblicos, el profeta Jonás era hijo de Amitai, natural de Gat-hefer, y ejerció su ministerio durante el reinado de Jeroboam II en Israel.Fuentes: Jonah
Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.
Créditos y licencia de esta traducción
Sunbin-Got em Kitakamin Weng The New Testament and part of the Old Testament in the Bimin Language of Papua New Guinea Nupela Testamen na sampela hap Oldpela Testamen long tokples Bimin long Niugini Copyright © 2008 Bible Society of Papua New Guinea Language: Bimin Translation by: Wycliffe Bible Translators This translation is made available to you under the terms of the Creative Commons Attribution-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not make any derivative works that change any of the actual words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2016-10-03
Fuente: http://png.bible/bhl/ · eBible.org