Mateo 9
भगवानेन छाचला बुल · Toca un versículo para ver sus referencias cruzadas.
ईसु लखवान मांदला माणुस काजे वारु करे
1अळतेन चु ढंड्या पर चड़ीन पली धड़े पुग्यु, ने आपसा गांव कपरनुह मां आयु। 2तीनी टेमे थुड़ाक माणसे लखवान एक मांदवाड़ वाळा माणसे काजे खाट्ली पर मेकीन तेरे धड़े लाया। ईसु हींद्रु भुरसु देखीन, लखवान मांदला सी कह्यु, “ए पुर्या, तुसेक तारा पापेन माफी जड़ गुयली छे।”
3तेरे वजे सी बेसका यहुदी नीयमेन मास्तर्या वीच्यार्या, “जु ते भगवानेन नाव-बद्दी करे।”
4ईसु तींद्रा मनेन वात जाणीन कह्यु, “तुहुं तुंद्रा मन मां भुंडोत वीच्यार काहा कर रया? 5एक जसों काय छे? ज्य कह्णु की, तारा पापेन माफी तुसेक जड़ गुय, नीते ज्य कह्णु, ‘की उठ ने चाल ने फीर।’ 6बाकुन तेरेमां तुहुं जाण लेवु की माणसेन पुर्या काजे कळी पर पाप माफ करनेन बी हक छे।” तत्यार हयु लखवान मांदला सी कह्यु, “उठ, तारी खाट्ली हाकलीन, तार घर जाती रव।”
7चु उठीन तेरे घर जाती रयु। 8माणसे ज देखीन बीही गुया, ने भगवानेन बड़ाय करने लाग्या जु माणसे काजे बी असु हक आप्यु।
ईसु मत्ती काजे चेलु बणावणे करीन बुलावे
9ईसु चां सी अगु गुयु ने चु, मत्ती नावेन एक माणुस काजे फाळु उकाळनेन नाका पर बठलु देख्यु, ने तीना काजे कह्यु, “मारे पुठ्ये चाल।”
चु उठीन ईसु पुठ्ये चाल पड़्यु।
10एक दाहड़ु ईसु हेरा चेला पुठ्ये मत्तीन घर खाणो खाणे करीन बठ्यु, ती बेसका फाळु लेणे वाळा पापी माणसे आवीन, ईसु ने हेरा चेला साते खाणो खाणे बाजी रवला। 11असो देखीन फरीसी माणसे ईसुन चेला काजे असा कह्या, “तुंद्रु मास्तर फाळु लेणे वाळा ने पापी साते काहा खाय रयु?” 12ज सामळीन ईसु तींद्रे सी कह्यु, “दवा वारलु काजे नी चाहजे, बाकुन मांदला काजे चाहजे। 13तेरेमां तुहुं जाय्न चुखला सास्तुर मां लिखली वात सीक लेवु: ‘मे जनवार्यान बादा नी चाहो बाकुन दया चाहो।’ काहाकी मे धरमी माणसे काजे नी, बाकुन पापी काजे बुलावणे आवलु छे।”
उपासेन सवाल
14तत्यार युहन्नान चेला ईसु धड़े आवीन असा कह्या की, “हामु ने फरीसी माणसे उपास करजे, बाकुन तारा चेला उपास काहा नी पाळे?” 15ईसु तीनुक कह्यु, “जत्यार लग दुल्लु तींद्रे पुठ्ये छे, ती काय अरात्या, दुखी हवसे काय? बाकुन चे दाहड़ा आवसे जत्यार दुल्लु तींद्रे सी अलग हय जासे, तत्यार चे उपास पाळसे।
16“नवला पुथल्यान थीग्ळो जुन्ला पुथल्या पर कुय नी लागाड़े, काहाकी चो थीग्ळो तीना पुथल्या सी थुड़ोक अळी खेच लेय, ने चो अदुस फाट जाय। 17ने माणसे नवलु अंगुरेन रस जुन्ली चामड़ान थयलि मां नी भरे, काहाकी असा करने सी थयलि फाटी जाय, ने पीयालु बगळी जाय ने थयलि रद हय जासे; बाकुन नवलु पीयालु नवली थयलि मां भरे ने चे दुयु बच जासे।”
आफसरेन पुरे ने ईसुन कापड़ा काजे छीमणे वाळी बायरी
18ईसु तीनुक जी वात कवणे बाजी रवलु, एक हकदार आवीन तीना काजे आंध्यो ने कह्यु, “मारी बेटी हयुसुत मर गुयली छे, बाकुन तु आवीन तेरे पर हात मेक, ती ची जीवती हय जासे।”
19ईसु उठीन तेरे पुठ्ये चाल पड़्यु ने तेरा चेला बी तेरे पुठ्ये चाल पड़्या।
20तीनी टेमे एक बायर हतली, तेरे पोगराळो दुख लागलो बारे साल हय रवला, ने ची ईसु पछळ आय्न ईसुन पुथल्या काजे छीम लेदी। 21काहाकी ची तेरा मन मां कवतेली, “कदी मे तेरा पुथल्यान छेवड़ाक छीमी लीस, ती मे वारु हय जायस।”
22ईसु पछु फीरीन तीनीक देख्यु ने कह्यु “बेटी हिम्मत राख; तारु भुरसु तुसे काजे छुटकारु आप्यु।” अळतेन ची बायरी तत्यारुत वारु हय गुय।
23जत्यार ईसु तीना हकदारेन घर मां पुग्यु ती पावळी आजाड़ने वाळाक ने माणसेन टुळाक रड़तेला देख्यु। 24तत्यार ईसु कह्यु, “छेटा हय जावु, पुरे मरी नी, बाकुन सुय रय!” असु कह्यु अतरुत ने ईसुन हासी उड़ावणे बाजी गुया। 25बाकुन जत्यार माणसेन टुळा काजे नीकाळ देदा, ती ईसु घर मां जाय्न पुरेन हात धर्यु, ने ची जीवती हय्न बठी हय गुय। 26ने हीनी वातेन खबर तीना आखा देस मां चारे मेर मालुम हय गुयो।
ईसु दुय आंदळान डुळा काजे वारु करे
27जत्यार ईसु चां सी अगु जाणे बाजी गुयु, ने दुय आंदळा तेरे पछळ असा कय्न आवणे बाजी गुया, “ए दावुदेन अवल्यात, हामरे पर दया कर!”
28जत्यार ईसु घर मां पुग्यु, ती चे दुय आंदळा तेरे धड़े आया, ने ईसु तींद्रे सी कह्यु, “काय तुहुंक भुरसु छे की मे ज्य कर सको?” चे ईसुक कह्या, “हव, मालीक।”
29तत्यार ईसु तींद्रा डुळा छीमीन कह्यु, “तुंद्रु भुरसु छे, तसोत तुंद्रे वाटे हय जाय।” 30ने चे देखणे बाजी गुया। ती ईसु तीनुक वारु समजाड़ीन कह्यु, “चेतीन, रवजु, जी वात कुय काजे घुण कवु।”
31बाकुन चे घर मां सी जाती रया, ने अळतेन जी वात तीना देस मां आखे कय देदा।
ईसु एक गुंगा काजे वारु कर्यु
32ईसु खयड़े नीकळीन जाणे बाजी रवलु, ती माणसे एक गुंगा काजे तेरे मां भुतड़ान आत्मा चस्टी रवली, तीनाक बुलायतेलो नी ईसु धड़े लाया। 33ने जत्यार ईसु भुतड़ा काजे नीकाळ देदु, ती गुंगो बुलने बाजी गुयो। तेरे वजे सी माणसेन टुळु चकराय गुयु ने असा कह्या, “ईस्रायेल देस मां असो वारु काम कदी नी देख्या।”
34बाकुन फरीसी माणसे कह्या, “जु ईसु ते भुतड़ान आत्मान मुखीन जुर सी भुतड़ान आत्मा काजे नीकाळे।”
ईसु माणसे पर दया करे
35ईसु आखा सहर मां ने गांव मां फीरतु रयु, ने भगवानेन भक्तीन घर मां माणसेक सीकाड़तु रयु, ने भगवानेन राजेन खुस-खबरेन बारामां परचार करतु रयु, ने आखी भाती-भातीन मांदवाड़ ने लुल्गाय काजे वारु करतु रयु। 36जत्यार चु माणसेन टुळा काजे देख्यु, ती ईसु काजे माणसे पर दया आय, काहाकी चे तीनु गाडरान तसा हींद्रु कुय राखवाळ्यु नी हतलु, चे दुख मां ने भटकला हतला। 37तत्यार ईसु तेरा चेला काजे कह्यु, “मेर ते बेसकी छे, बाकुन मेर काटण्या दाहड़क्या थुड़ाक छे। 38तेरेमां खेतेन मालीक सी लीलघाय्न कह्यु, की चु आपणा खेत मां मेर काटणे करीन दाहड़क्या मकली देय।”

¿Sabías que…?
Misericordia, curación y vino nuevo
- Mateo, hijo de Alfeo, era publicano, es decir, recaudador de impuestos, en Cafarnaúm. Jesús, al subir desde la orilla del lago, pasó por el puesto de impuestos donde Mateo estaba sentado y le dijo: “Sígueme”. Antes se lo conocía como Leví; ese mismo día ofreció un gran banquete, descrito como una despedida, a Jesús, a los discípulos y, probablemente, a muchos de sus antiguos compañeros.Fuentes: Matthew · el propio texto bíblico
- Quienes preguntan por qué ellos y los fariseos ayunan tan a menudo, mientras los discípulos de Jesús no ayunan, son discípulos de Juan el Bautista. A Juan se lo llama el precursor; era de linaje sacerdotal, su padre Zacarías sacerdote del turno de Abías y su madre Elisabet una de las hijas de Aarón.Fuentes: John the Baptist · el propio texto bíblico
- Una cronología sitúa la curación del paralítico, el llamado de Mateo, la pregunta sobre el ayuno y la parábola de los odres en el año 28 d. C.Fuentes: Healing the Man with Palsy · Jesus Calls Matthew · Fasting Question · Parable of the Winseskins
Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.
Lugares de este capítulo
- Sea of Galilee · 32.819, 35.590 · versículo 1
Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).
Créditos y licencia de esta traducción
भगवानेन छाचला बुल Bhilali: भगवानेन छाचला बुल (Bible) copyright © 2024 The Word for the World International Language: Bhilali Contributor: The Word for the World South Asia भगवानेन छाचला बुल The New Testament in Bhilali Language The Word For The World This translation is made available to you under the terms of the Creative Commons Attribution Share-Alike license 4.0. You have permission to share and redistribute this Bible translation in any format and to make reasonable revisions and adaptations of this translation, provided that: You include the above copyright and source information. If you make any changes to the text, you must indicate that you did so in a way that makes it clear that the original licensor is not necessarily endorsing your changes. If you redistribute this text, you must distribute your contributions under the same license as the original. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. Note that in addition to the rules above, revising and adapting God's Word involves a great responsibility to be true to God's Word. See Revelation 22:18-19. 2025-04-26
Fuente: http://ebible.org/bhi/ · eBible.org