Génesis 7
Pura Alkitab · Toca un versículo para ver sus referencias cruzadas.
Jar eele hela
1Angmuse LAHATALA Ana Noh at mateng hula, “Taang-taang mi angu, Na uuling ateing se, nehe ba aabetat jamang anga mi angu, aaing ba eenangkolang Napangaadang mi aabetat molo-molo. Angu ebele, aaing, bot eejangu-eevaal ang naung, aaungba kampal angu maso. 2Binanta ba iini bae vengpalula niang, bot iini biasat metma Napangaadang mi sadaka ening angu, aana malekang pasang bititu medi. Dung rupa-rupa burang mi aalili ang naung di, aana malekang pasang bititu medi. Aarunge binanta ba iini vengpalula angu, aana pasang na-nut medi, senge emangpi iat kampal angu maso. Aulang senge, itabaning angu eningse bisa por-alolang anga taang aabeta.
4Venganit aaung-aaung! Mietang bititu maveng se, aanuar eele angu Na at hela por-alolang anga taang ebarinti vengniang, eluung bir-kua ari buta, bot bir-jala ari buta. Aulang senge, emangpi ba Na ening aadang-taata taang aabeta ang naung, ening ini aaminat miosing.”
5Angmuse emangpi ba LAHATALA Ana vengparenta angu, Noh ana eamulung vengkarajang. 6Uanguveng jar eeele hela por-alolang vengtering angu, Noh euumur pas mitung 600. 7Jar eele hela por-alolang anga vengtering angu ebele, Noh ejangu oleve, bot oal ang naung, bot idat jangu ang naung, ing emangpi kampal angu maso, aulang senge ini bisa aabeta. 8LAHATALA Eparenta angu eamulung, binanta ba nehe vengpalula, bot bae vengpalula niang, dung rupa-rupa ba burang mi aalili, bot binanta ba aadang-taata taang eera ang naung, emangpi pasang na-nut hoa Noh aing harak, angmuse ana iat kampal angu maso. 10Mietang bititu tila muse, jar eele angu hela por-alolang anga vengtering.
11Uanguveng angu, Noh euumur pas mitung 600, uuru emi aaru, ved emi arinu belta bititu muse, ved uanguveng anguba, burang eviaha ang naung emangpi ava abaleleng, sengmuse jar eele ava abokong hela. Bot jar ba meke iivang teding ang naung, emangpi ava apehak halut kaluar. 12Bot aanuar eele hela ebarinti vengniang, eluung bir-kua ari buta, bot bir-jala ari buta.
13Ved uanguveng angu di, Noh ejangu oleve, oal tue angu, Sem, Yafet bot Ham, bot idat jangu ang naung, ing emangpi kampal angu maso. 14Binanta gariang, binanta balevang, binanta ba aadang-taata taang eera, dung burang mi aalili, binanta aabeung ba ekura veng, bot ebet veng ang naung, 15bot emangpi ba aabetat enghara veng ang naung, pasang na-nut hoa ing veng hama-haamat kampal angu maso, emenghula Lahatala Ana vengparentat metma Noh veng at hubai tila angu edadenang. Ing emangpi masot sengmuse, LAHATALA Ana kampal eviaha angu amota oat vengtering.
17Jar eele angu por-alolang anga taang hela alolang-niang, eluung mietang ari buta. Jar angu taang mamidang-mamidang, angmuse kampal angu por taang ava ahelit mida. Uanguveng jar angu taang mamaveng-mamaveng, bot etatabi taang mamidang-mamidang, angmuse kampal angu jar taang teding lamal. 20Jar angu taang mamidang-mamidang alolang-niang aabu-dol ang naung vengtering, ebalolu meter bititu.
21Angmuse manusia, bot binanta gariang, binanta balevang, binanta ba aadang-taata taang eera, dung rupa-rupa ba burang mi aalili, bot emangpi ba enghara veng aadang taata taang aabeta ang naung, aaminat miosing. Aarunge Noh, bot emangpi ba aing veng hama-hamat kampal omimi anguba aabeta. 24Jar angu por alolang anga taang teding eluung, mietang ratunu ari iising.

¿Sabías que…?
El diluvio cubre la tierra
- Noé tenía 600 años cuando las aguas del diluvio vinieron sobre la tierra, el día diecisiete del segundo mes. Una cronología fecha el comienzo del diluvio en 2347 a.C.; la lluvia cayó durante cuarenta días y cuarenta noches, y las aguas cubrieron la tierra durante 150 días.Fuentes: el propio texto bíblico · The Great Flood begins · Water covers the earth
- Aquel día Noé entró en el arca con su mujer, sus hijos Sem, Cam y Jafet, y las tres mujeres de sus hijos, ocho personas en total. El Easton's Bible Dictionary (1897) da al nombre de Sem el sentido de renombre y lo llama probablemente el mayor, identifica a Cam, que significa cálido o caliente y de ahí el sur, como el menor, y explica a Jafet como el que se extiende ampliamente, aunque quizá el primero por nacimiento.Fuentes: el propio texto bíblico · Shem · Ham · Japheth
- A Noé se le mandó llevar siete parejas de toda clase de animal limpio y de toda ave, macho y hembra, pero solo una pareja de toda clase de animal impuro, para preservar su descendencia sobre la faz de toda la tierra. El capítulo también dice que los animales vinieron a él de dos en dos, como Dios había mandado, y que el SEÑOR lo encerró.Fuentes: el propio texto bíblico
Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.
Créditos y licencia de esta traducción
Pura Alkitab Genesis, Mark, and Acts in the Pura dialect of the Blagar language of Indonesia Kejadian, Mark, dan Kisah di Pura dialek bahasa Blagar copyright © 2016 Unit Bahasa dan Budaya Language: Pura (Blagar) Dialect: Pura Translation by: Wycliffe Bible Translators This translation is made available to you under the terms of the Creative Commons Attribution-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not make any derivative works that change any of the actual words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2016-06-28
Fuente: http://alkitab.pw/beu/ · eBible.org