Génesis 6
Awara Baibel · Toca un versículo para ver sus referencias cruzadas.
Äminu yiwiyiwikngä gutongä yiwikin
1Äminu kewune yupsänggän sakngälaxäwik, yäpanä dukngikin. 2Tixawän Anätule wawak täpäläpätä äminde yäpa dayipä, gwälam hikngä tixawä, daying butaxäwik, mängätnäle päkin. 3Tiwän Yawetä using yakut. “Äminu kitokngänä wenä. Ge käluk iwikiwixu dowewa yiwitning, kewunen. Tike krismasu 120-kän yiwixäwik kumning,” yang yakut.
4Tiwän täpduxu uwomkätan äwä mahande yiwikin yangu Anätule wawakgä äminde yäpa päpä, ixät yiwike, engangä dukngikinu äminu äyapmike, inulung hikngä täpäläpä täkake, kitokngänä käyä tikin. Tiwän umanä käyä tikin.
5Tiwän Yawetä dayipänu, äminbamu yiwiyiwikngä kekem hikngä tiwän, bäniyäne wäyi pahaninggekän natänggämätakin. 6Tiwän äminu kewune pahakutde, meyä hikngä natäpgut. 7Natäke yakut. “Äminu pahakumde, meyä natäxat. Ge äminu undä pahawa hopining. Hängä kewune yiwixaying äwä awepmäke tihikukaying yangu awahawa hopining,” yang yakut. 8Tiwändeyä Noale bänip gwaläng natäpgut.
9Noale wam. Noa äminomän täpä. Äminu kewu anggomune yiwikinkätanu Anätule kayine Noatäkän gutongänä wenä yiwikut, inale Anätuxät gatäke yiwikumäläk. 10Noale wawaxu täpäyalä täpätu. Umanä Sem, Ham, Jafet yang.
11Anätule kayine äminbamu notnä sipmäxäwik, wäyi hikngä yiwixakin. 12Tiwän Anätutä dayipänu, kewune nanä äminu gutongä hikngä yiwikin. 13Tinggawän Anätutä Noa using inikut. “Äminbamu äminsipmäk täknga tahake yiwixaying. Ge hängä undä käluk yiwixayingu awahawa hopining. Hängä undä äwä kep gom yang pahawa hopining.
14“Ge gä siwu gwendu pa nomän päke tahayo. Tikengä okopixätanu ämindä yiwitningge äwä kälapdä yiwitningge, inäinä matäke peyo. Tikengä yanggätä kopnäng yakengu, okopi käwut kepmän käwut yangu koltatä pahayo.
15“Sip gwenu using tahayo. Belakngänä 140 mita, kwalangänä 23 mita, tiwän dämnä 13.5 mita tahayo. 16Tiwänä nomnäne gänangä mätekngä hap mita tewi kungapsok. Tiwän yolu gwenalä gwendu pahayo; yäpuline gwendu, bänäkänu gwendu, äwä nomnäne gwendu yang. Tikengä yämä däkä teyo.
17“Nätä yanggä inulung tewa, kewu anggomu yiwikdoke pänguhiwik. Tiwän hängä kewune nanä käluk yiwixayingu undä pahawa hopining. Tiwän hängä undä käluk yiwixayingu axumning.
18“Tiwändeyä nätä kontraknga gäle tahawa, sip gwenune kopiläk. Gä, wawakga, ile mängätnä, äwä gika mängät yang kopning. 19Gikaxät käluk yiwitningge, hängä haxalike tihikuke yiwixayingu ayä mängätnä yang päko peyo. 20Hängä kewune tihikukaying, awepmäke tihikukaying yangu ayä mängätnä yang gäle apning, käluk yiwitninggen. 21Ge naxu gika äwä hängä uläkwäk yanggä naningge, inäinäne peyo,” yang inikut.
22Tiwän Noa Anätutä yakut using tawake pahakut.

¿Sabías que…?
Una tierra corrompida y el arca de Noé
- El nombre hebreo de Noé significa 'descanso'. La tradición lo considera el eslabón entre el mundo antiguo y el nuevo, y el segundo gran progenitor de la familia humana.Fuentes: Noah
- Sem, Cam y Jafet son los tres hijos nombrados en este capítulo. El nombre de Sem significa 'nombre' o 'renombre'; probablemente era el mayor y suele mencionarse primero. Cam, el menor, tiene un nombre que significa 'cálido' o 'caliente' y, por eso, se asocia con el sur, mientras que el nombre de Jafet significa 'extensión amplia', y él, aunque se lo menciona al final, puede haber sido el primogénito.Fuentes: Shem · Ham · Japheth · el propio texto bíblico
- Noé vivió quinientos años, y entonces le nacieron Sem, Cam y Jafet.Fuentes: Noah
Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.
Créditos y licencia de esta traducción
Awara Baibel Genesis, Ruth, and Jonah in the Awara Language of Papua New Guinea Buk Stat, Rut, na Jona long tokples Awara long Niugini copyright © 2011 Wycliffe Bible Translators, Inc. Language: Awara Translation by: Wycliffe Bible Translators This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2025-04-26
Fuente: http://png.bible/awx/ · eBible.org