Nations Bible

Génesis 3

Buk Baibel long Anuki · Toca un versículo para ver sus referencias cruzadas.

Wawaya yadi anibekuna Raghanina God Kubura ibera, na sawara tupadi miisedi, da wawaya miisedi. Mmko waragututuna na metagha berona irughu kubure. Waragututuna na mota gwabinama idaguni.

1Wasina bi mota touna wiiyaba iyakowa kirakii gegha ware ribiribi dipa mekodi Yawe God iberadina naboni. Bi raghani tana mota ipiika da wasikena iwoneni bo, “Wiisuwona God iwona da, ‘Mmko kwabuna kamone kii tupadi uwadi gegha konakamna?’”

2Na wasikena mota iwonenabodeni bo, “Gegha, toumii kii tupadi mmko kwabuna kamone uwadi kanakam, 3bi God iwonemii bo, ‘Kii kwabu basukiine yamiimiirina uwana gegha konakanina, da konakabitowoyina, bi konaberana konarabobo.’”

4Na mota iwona bo, “Noko wiiyaba, kate gegha konarabobona! 5God noko iwonenina, basuna iyakovi da raghanina uwana konakanina inaberami da matami sinaruyeghana, da tami naboni God na awaki miisena da berona na konakovi.”

6Na wasikena ikita da kii uwana kanakam ivinuwakayowana bi kiina ivimatakonakona, da kate kiina nuwagiura iyavereni, na uwana mududi iyouna bi ikam; da kate mududi moghanena nama yawata na ivereni, da touna bada ikam. 7Wasina bi yadi batabata matadi siruyeghana, da sakowa bi sinoghota da ighanidigha; na bidogo rugurugudi siwaturatawatawana naboni kwama da sivikasibabara.

8Bi ravidi duduvine na tomoyina wavinena teya Yawe God kwabu kamone iyapepepewa na kwarituna siwaiyaneni, na toudi kii dughudughudi kamodiye Yawe God sikowoyeni da gegha iyakitadina. 9Bi gegha, Yawe God tomoyina ikwatuwiidagu bo, “Tam meme barasina?”

10Tomoyina iwonabodeyana bo, “Kwabu kamone kuyapeepewa na awaiyanem bi anaghara kiiravine na akowogha, basuna tagu ighanigugha.”

11Na Yawe God iwona bo, “Iiyabo iwonem da tam ighanimgha? Bo noko kiina uwana meko avigesiyem da gegha kuyakani na kukani?”

12Tomoyina iwona bo, “Wasike gwabiguve kutore na touna kiina uwana iveregu na akani.”

13Wasina bi Yawe God wasikena iwoneni bo, “Mmko awaki berana tam kubera?”

Na wasikena iwona bo, “Mota iviyabegu na uwana akani.”

Yawe God metagha aro iveredi

14Na Yawe God mota iwoneni bo,

“Tam mmko berana kubera kiiravine na aro kunakabi;

ribiribi tupadi ananamanidi da gegha ananamanidi kamodiye,

na tam kawagha aro kunakabi:

kata da nabo inagho na tam dobodobo debanagha kamokamomma kunasasa,

bi popoku kunakamkam yam yawa kamone.

15Bi anaberam da wasike teya nonowa koninuwapughu kabivivirana;

kate anabera da touna nosinosina da tam nosinosim nonowa siniaviya.

Touna nosina gayamim initugudaguda bi tam touna nosina kayegiduna kunarutarayi.”

16Bi kate wasikena iwoneni bo,

“Tagu yam ropeya nuwapoyina aniragasi da

sinivisi teya bi simira gisigisi kuni tubuyi.

Bi yam wiina da moghanem kuni badeni,

bi gegha,

da touna tam inibadem.”

17Bi kate bada tomoyina iwoneni bo, “Wavinem gamona kukabisisireni da kii uwana kukani, meko avitarababaranem awona bo,

‘Gegha uwana kunakani,

na noko biidi tam yam bera kiiravine na mmko tanavina iimimagi.

Bi yam yawa tupane na sinivisiye kunabagibagi bi kunawawa kunakam.

18Bi tanavina dinamona iyiyodi da modimodidi inigogodi yam kwabu kamone kiiravimve,

bi karayaba dipa kunakam.

19Bi bada kunabagibagi kirakii kukuma inaturim da kamkam kunabanani,

patana da kunaveramagha dobodobove,

basuna tounama kutubugha.

Na tam dobodoboma kutubugha kiiravine,

na bada kunidobodobo magha.’”

20Wasina bi Adam wavinena iviwaghawaghayeni Eve, basuna touna wawaya tupadi kiiravidiye na katare inisinada. 21Bi Yawe God ribiribi ghunighunidima kwama ibera Adam wavinena teya kiiravidiye, bi ivikotedi.

Yawe God, Eden kwabunama Adam ivikanibuveni

22Wasina bi Yawe God tounamani iwonena mayeni bo, “Aa, katana tomogha touda naboni, na iyakowa da awaki miisena bi berona. Na touna gegha wiiwaghasina inakabi da imana inakoghasi bi kii meko yawa yaverevereyana na uwana inakiyapuri da inakanina, kate bi inamake waghata.” 23Na Yawe God noko kiiravine tomoyina wavinena teya Eden kwabunama ivikanibuvedi da dobodobone inawawa mekonama touna itubughana. 24Wasina bi Yawe God iviporadi bi murine, na Eden kwabune raghani matane serubim ivikoyayidi bi kate seri wiibububuna wiikuwamiwamirina, nabo da mabo itore da yawa verevereyana kiina kana keda sinakoyayi bi sinitarababareni, da wawaya kiine gesiyapiikana.

Ilustración artística: una interpretación, no un registro histórico.

¿Sabías que…?

La caída y el exilio del Edén

  • Una referencia tradicional explica Adán como “rojo”, palabra babilónica usada como nombre genérico del hombre, con el mismo sentido en hebreo y en asirio, y relaciona el nombre con el hecho de que fue formado del polvo de la tierra. En este capítulo ese origen reaparece en el juicio: trabajará por su alimento hasta volver al suelo, porque es polvo y al polvo volverá, y es enviado a labrar la tierra de la que fue tomado.Fuentes: Adam · el propio texto bíblico
  • En este capítulo Adán da a su mujer el nombre Eva, que significa “vida” o “viviente”, porque ella sería la madre de todos los vivientes.Fuentes: Eve · el propio texto bíblico
  • La ubicación del jardín de Edén, del que el hombre es expulsado en este capítulo, se ha discutido mucho: se ha situado en Armenia, al oeste del mar Caspio, en Media, cerca de Damasco, en Palestina, en el sur de Arabia y en Babilonia. Una nota geográfica tradicional lo busca a lo largo del Tigris y el Éufrates, en la tierra de Sinar, o Babilonia.Fuentes: Eden · el propio texto bíblico

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Créditos y licencia de esta traducción
Buk Baibel long Anuki
Portions of the Holy Bible in the Anuki language of Papua New Guinea
Buk Baibel long tokples Anuki long Niugini
copyright © 2010-2016 Wycliffe Bible Translators, Inc.
Language: Anuki
Translation by: Wycliffe Bible Translators
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2014-06-02

Fuente: http://png.bible/aui/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.