Nations Bible

Génesis 3

Adzera Baibel · Toca un versículo para ver sus referencias cruzadas.

Garam Gar Iruaꞌ i Nam Maisan

1Apu buman santan Anutu Yawe tangindan ugu da mur isu apu mararuru tsiraꞌ i nan umpur iyuꞌan. Gubuꞌ mangan da mur iwaꞌ da sagat da igutin, “Amaꞌ! Nan nidzun i Anutu nidan da agam i anungꞌ gada gai nidzun santan mingꞌa gum ani?”

2Da sagat ini mur nifunggan mungaꞌ ibiani, “Imaꞌ, aga sangꞌ i gada gai sib angu muntida gum wasaꞌ ani nidzunggan, 3da bitsintaꞌ Anutu ifai nan babampafan i agai i gai bits muntida wasaꞌ i gum ani aga anungꞌ gadan ma ngifan u, bida aga nanga bida nigi da aga bungꞌ amamp.”

4Da mur ini binaꞌ, “Imaꞌ! Nan umpur! Agam wasangꞌ i mampan u. 5Anutu ini ibinigi i arangan isruꞌ gin sib i bida agam gadan da agam maram bungꞌ antap ruan da agam bungꞌ asangꞌ Anutu i sruꞌa i nam bini da nam maisan.”

6Sagat itsangan gai nidzun igi iwaꞌ ngarubini bingan i maranggan da idaum angu i gadan da uda mararuru. Ibinigi da arangan ipis fain da igan, ida imus rima fain da gabunggan igan impruꞌ ibinigi. 7Gubuꞌ rib iruꞌ igi gada sib da sung bingan angu maran intap ruan da irarab ruan ratar i mpada ragi dangunt; ibinigi da ribarangan idangin gai yafan tsiraꞌ impruꞌ ruan da iraingꞌ sib i ruan.

8Gubuꞌ nam nufan da ribarangan iringant i Anutu Yawe yunga gum badan da ribarangan irunt ikup i Arangan imingꞌ wasaꞌ i gai santan. 9Da Anutu Yawe inuꞌ garam, “U mpa aruanungꞌ?”

10Da garam inuꞌ ini Anutu Yawe nifunggan mungaꞌ ba, “Dzi ringant i u yunga gum wasaꞌ badan, ibinigi da dzi rat da dzi kup, i dzi mpa ragi dangunt.”

11Da Anutu igutin, “Manga ni da agu i u danguntan? U maga gai nidzun dzi paꞌa agu gin ugu, ma?”

12Da garam itip ini Anutu Yawe nifunggan mungaꞌ ibiani, “Sagat u tangindan da dzi ugu irim gai igi nidzunggan fain da dzi da dzi gan.”

13Da Anutu Yawe igut i sagat ini binaꞌ, “U bunang ibinigi iyaꞌ?”

Da sagat ini Anutu Yawe nifunggan mungaꞌ ibiani, “Mur isu umpur da dzi da dzi gan.”

14Ibinigi da Anutu Yawe ini da mur ini binaꞌ, “U nang nam bida ani da dzi bungꞌ apupuarap da agu namingꞌ wasaꞌ i apu marapagraꞌ da buman santan, agu bungꞌ asruak i wangum da waga ngaruntsuaf da gubuꞌ sib angu nasangꞌ u gubuꞌ gam mampan. 15Dzi bungꞌ atangin agu da sagat narim ipiap i ruam da namingꞌ wasaꞌ i agu yanginggam da sagat yanginggan. Da arangan yanginggan bungꞌ ayab i u gudzum, da u bungꞌ agara arangan yanginggan faga mutun.”

16Da ini da sagat ini binaꞌ, “Dzi bungꞌ autus u barabin gam da agu nabiani: u bungꞌ awaꞌ da nam tsakiadan tsiraꞌ bingan da gubuꞌ u rima narum. U maram bungꞌ ari i suda wain i gabunggam da bitsintaꞌ u gabunggam bungꞌ asu gudzun i agu.” 17Da itip ini da garam ini binaꞌ, “U ringant i fininggam nanggan da u ga gai nidzun dzi paꞌa agu gin ugu, da intap bungꞌ asu mais da agu. U bungꞌ anang gum tsiraꞌ bingan i waꞌa da nanggam gadan da gubuꞌ santan nasangꞌ u nanggam mampan. 18Sai titipu da gantsuats maradantang bungꞌ antap da nari u gumam sib da u bungꞌ aga nam ntapa puatsi. Da u bungꞌ anang gum uwats uwats tsiraꞌ i waꞌa da nam gadan gam, nasangꞌ u tipa fadan da intap aru dzi tipa agu gin ugu. I dzi tip agu i intap da gubuꞌ u mampan da u bungꞌ atip nafan da intap.”

20Da Adam ifaringꞌ fininggan binganggan Ifa (wainggan ibi ‘marantaꞌan’). I arangan isu garam gar marantaꞌan sib angu rinanggan. 21Anutu Yawe runggan itip nam atsufan i apu rini gangan da iraingꞌ sib i ribarangan.

Anutu Iwat Adam da Ifa Iwaꞌ Manaꞌ Sinungꞌ Gum Iden

22Da Anutu Yawe ini ibiani, “Watsangan! Garam ugu ibasangꞌ agi mangan sib, isruꞌ i nam bini da nam maisan sib wa. Agi anungꞌ rungꞌ tusa marangꞌ i arangan da uda gai rima marantaꞌan nidzunggan da gadan u, i ribarangan bungꞌ ampa ratar nanting i!” 23Ibinigi da Anutu Yawe iwat arangan rai i gum Iden i nanga gum i intap aru tipa arangan gin ugu. 24Iwat garam rai iwaꞌ sinungꞌ gum igi sib da Arangan itangin nam marantaꞌan gunungun fain nida tserubim da bainat bururungan marisa i ruan imingꞌ gubuꞌ yaban i gum Iden da imunti sib i gai rima marantaꞌan.

Ilustración artística: una interpretación, no un registro histórico.

¿Sabías que…?

La caída y el exilio del Edén

  • Una referencia tradicional explica Adán como “rojo”, palabra babilónica usada como nombre genérico del hombre, con el mismo sentido en hebreo y en asirio, y relaciona el nombre con el hecho de que fue formado del polvo de la tierra. En este capítulo ese origen reaparece en el juicio: trabajará por su alimento hasta volver al suelo, porque es polvo y al polvo volverá, y es enviado a labrar la tierra de la que fue tomado.Fuentes: Adam · el propio texto bíblico
  • En este capítulo Adán da a su mujer el nombre Eva, que significa “vida” o “viviente”, porque ella sería la madre de todos los vivientes.Fuentes: Eve · el propio texto bíblico
  • La ubicación del jardín de Edén, del que el hombre es expulsado en este capítulo, se ha discutido mucho: se ha situado en Armenia, al oeste del mar Caspio, en Media, cerca de Damasco, en Palestina, en el sur de Arabia y en Babilonia. Una nota geográfica tradicional lo busca a lo largo del Tigris y el Éufrates, en la tierra de Sinar, o Babilonia.Fuentes: Eden · el propio texto bíblico

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Créditos y licencia de esta traducción
Adzera Baibel
Portions of the Holy Bible in the Adzera Language of Papua New Guinea
Hap Buk baibel long tokples Adzera long Niugini
copyright © 2009-2022 Wycliffe Bible Translators, Inc.
Language: Adzera
Translation by: Wycliffe Bible Translators
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2026-10-02

Fuente: http://png.bible/adz/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.