Nations Bible

Genesis 49

Uumeleembaa Buŋa Tere Soomoŋgo Gbilia · Tap a verse to see its cross-references.

Jeikobnoŋ merauruta kotuegoŋ oŋono.

1Kawaa gematanoŋ Jeikobnoŋ merauruta oŋoono kagi qaa kokaeŋ jero: “Oŋo mono horoŋ ajoroogi niinoŋ laaligogianoŋ kanageŋ nomaeŋ koloowaati, iikawaa gejatootoo qaaya iŋisaama jewe mobu:

2“Jeikobwaa merauruta, oŋo mono kaŋ ajorooŋ

amagia Israelwaanoŋ qaa geja ama mobu.

3“Oo Ruuben, giinoŋ neenaa mutu meranaga koloojaŋ.

Giinoŋ noo ku-usuna ano emba mewe esuŋmumunaa hoŋa mutuya koloona.

Qabuŋagaa akadamuya ano ku-usuŋa kanoŋ

kouruga yoŋoonoŋ uŋuuguja.

4Haamonoŋ kowe siri qindiiro kalumalu kema kaŋkeji,

goo uuganoŋ mono iikawaa so waaro kalugoŋ laŋ kema kaŋkejaŋ.

Giinoŋ maŋga noo duŋ eenanoŋ uma qembonanoŋ qeŋ embanawo ena

duŋ kanoŋ mono aŋgonjorayawo kolooŋ tilooro.

Kawaajoŋ goo qabuŋagaa akadamuyanoŋ mono

kouruga mende toroqeŋ uŋuuguŋ ewaa.

5“Simeon ano Liwai yoronoŋ daremuŋwoiga koloojao.

Yoroo tiwo wasa gawoŋgaranoŋ mono kike kakasililiŋ kondooŋkeja.

6Yoronoŋ iriŋsooŋsooŋ qaganoŋ eja uŋuri komugi

eeŋ totooŋ aiŋaajoŋ bulmakao ejia iyoŋoo

kana boro iwoigia laŋ uŋuŋ kotori meendaŋgoya koloogi.

Kawaajoŋ yoronoŋ qaa areŋ somoŋgoŋkebaoti,

niinoŋ iikawo uumotooŋgo mende amakemaŋa.

Ajoajoroo ambaoti, niinoŋ iikanoŋ iyorowo mende toroqeŋ ramaŋa.

7Uukazigaranoŋ geriawo koloojiwaajoŋ ii jeŋ qasuaaŋ oronjeŋ.

Uuduuduugaranoŋ kanjaŋawo koloojiwaajoŋ ii jeŋ jororaaŋ oronjeŋ.

Niinoŋ kanagesogara kondeema oŋombe yoŋonoŋ Jeikobwaa baloŋ sokoma kembu.

Niinoŋ mendeema oŋombe yoŋonoŋ Israel batugianoŋ laŋ gooŋpora ama laligowu.

8“Oo Juuda, goo daremuŋuruganoŋ gii mepeseeŋ goma laligowuya.

Goo boroganoŋ mono kereuruga yoŋoo aro kokoŋgianoŋ rabaa.

Maŋgaa merauruta yoŋonoŋ mono goojoŋ usugoŋ simiŋ kuma laligowu.

9Oo Juuda, giinoŋ laion gbaworoya kaaŋa laligojaŋ.

Oo merana, gii borojaŋ meŋ oro qeŋ neŋ laligoŋ

iikanoŋadeeŋ eleema kajaŋ.

Iinoŋ laion kaaŋa selia ama qetetereeŋ

laion embia kaaŋa kamaaŋ koma eŋkeja.

Kuuyanoŋ ii kawali kolooŋ utuŋ mondowombaajoŋ keegia momakeju.

10Ku-usumbaa aiweseya ii moŋnoŋ

Juuda yoŋoo borogianoŋga mende uŋuambaa.

Eja pombaa gbaruyanoŋ kania batugaranoŋ nano

moŋnoŋ ii mende qetegowaa. Qaago!

Iyaŋa ano gbiliuruta jiŋkaroŋ duŋanoŋ rama

laligoŋ ugi kanageŋ moŋnoŋ asugiro kanageso tuuŋa tuuŋa yoŋonoŋ iwaa jeta teŋ koma laligowu.

11Iinoŋ doŋgia wain apu gere batuyanoŋ somoŋgoro nambaa.

Doŋgia meria ii wain apu kasa batugaranoŋ gbadooro ewaa.

Iinoŋ opoya ii wain ooyanoŋ soŋgbambaa.

Malekuya ii wain kotaa oo sayanoŋ qesaama qejaambaa.

12Wain oo nero jaayanoŋ wain oo apu kaaŋa osaaŋ injaŋ kombaa.

Aju tokoya nero jetanoŋ aju ooya kaaŋa taaliwaa.

13“Zebulun kanageso yoŋonoŋ kowe goraayanoŋ laligowu.

Yoŋoo gomanoŋ waŋgoya waŋgoya suluŋkebu.

Baloŋgiaa jawoya iikanoŋ mono Saidon taoŋ baageŋ kema ewaa.

14“Aiskar ii doŋgi siita koukouya iikawaa so kolooja.

Doŋgi qaganoŋ duŋ rarawaa gesoya woi iikawaa batugaranoŋ ama qetetereeŋ lokoliŋ sologoŋ eŋkebaa.

15Lokoliŋ sologoŋ haamo meŋ ero duŋ miria ii

saanoŋ sokono gomaŋanoŋ naaŋ totooŋ koloowaa.

Ii iima gemata iwoi lombotawo aŋgomambaajoŋ usugoŋ kemero

tosianoŋ weleŋqeqe gawoŋ mewaatiwaajoŋ kuuŋ somoŋgoŋ muŋkebuya.

16“Tosianoŋ Dambaa kanagesouruta menduŋgoŋ oŋoŋgi

Dan iinoŋ mono aworo (defence) nama qaa dindiŋaajoŋ manja qeŋ laligowaa.

Dan tuuŋ yoŋonoŋ Israelwaa tuuŋ tosaaŋa iikaaŋa kolooŋ laligowuya.

17Dan iinoŋ qato mokoleŋ kaaŋa kananoŋ eŋ

hooswaa gbakotanoŋ kiro aaruŋ lalaŋaniŋ giliro

qaganoŋ rabaati, iinoŋ mono tama gemagema namonoŋ kemebaa.

18“Oo Poŋ, giinoŋ nii kasa gbadonoŋga metogoŋ

aŋgoŋ koma nombaatiwaajoŋ jaa riŋ mambomakemaŋa.

19Kike kakasililiŋ tuuŋ yoŋonoŋ Gad kanageso

uŋuŋ oŋooŋ laligowuto, Gad yoŋonoŋ mono meleema

kanagianoŋ oŋotaaŋ iyaŋgia uŋuŋ oŋooŋ laligowuya.

20“Aserwaa balonoŋ nene moriaŋ mamaga asugiŋkebaa.

Kiŋ yoŋonoŋ nene naaŋgiawo neŋkejuti, iinoŋ mono

nene kaaŋa ii baloŋanoŋ komoro seiŋ iikanoŋ tosaaŋa ilaaŋ oŋoma laligowaa.

21“Nembaronoŋ aŋaa jaajaa naaŋaajoŋ uulaŋawo lansaŋ gooŋpora amakeji,

Naftalinoŋ mono iikawaa so kolooŋ meraboraaŋuruta iŋiima-aiŋaiŋgiawo ii oŋoma laligowaa.

22“Wain gere apu jaayaa kosianoŋ komogi kota mamaga kuuŋ

boria giliro kema sopa qisigoŋ seleeŋgeŋ kemakeji,

Joosefnoŋ mono iikawaa so kolooja.

23Iwaa kereurutanoŋ tiwo jaŋgbeŋgia meŋ uugere qaganoŋ

Joosefwaa tuuŋ ii oŋotaaŋ iŋidoŋ uŋuŋ oŋooŋ laligowu.

24Kaeŋ laligowuto, Jeikobwaa beŋa Anutu ku-usuŋawo

iwaa borianoŋ mono meŋ kotiiŋ muro iinoŋ tiwo tokoya mende mesaoŋ boro siita sombaŋa qaa qero laligowaa.

Anutunoŋ mono uuwaa lama galeŋa kolooŋ Israelwaa aŋgoŋkoŋkoŋ Toya kolooja.

25Maŋgaa Anutuyanoŋ mono ilaaŋ goma laligowaa.

Beŋ ku-usuŋ kuuyaa Toyanoŋ mono

kokaeŋ kotuegoŋ gono laligowa:

Kombaa kotumotueyanoŋ mono kanakeewaŋga goonoŋ kamaaro

namo dusiita emuyaa apuyanoŋ mono goonoŋ kouro

merabora ano oro mamaga mokolooŋ oŋoma laligowa.

26Baaŋa baaŋa iyoŋoo kotumotuegianoŋ

kambaŋa kambaŋa ejemba sokoma oŋono laligoŋ kougi.

Baaŋaa soroganoŋ yambu so nene gawoŋgia meŋ laligogi

nene moriaŋ asugiro laligoŋ kougito,

goo amagaa kotumotueyanoŋ mono ii kuuya uuguwaa.

Kotumotue kaaŋa kaaŋanoŋ mono Joosefwaa waŋaa qaganoŋ ubu.

Daremuŋ batugianoŋ poŋ qereweŋa jawiŋ tak-kootoya koloojiwaa laaligoyanoŋ ii kuuya mono eŋ ubu.

27“Benjamin ii kasu kawalia kaaŋa kolooja.

Gomaamba so tiwojuŋ tigoŋ oro uŋuŋ neŋ gogoŋ oŋomakeja.

Weeŋ asaganoŋ iwoi luluuma qeŋkeji, ii gomantiiŋa so mendeemakeja.” Kiaŋ.

28Israelwaa tuuŋ kuuya jaŋgogia 12 ii kiaŋ. Maŋgianoŋ kotuegoŋ oŋoma qaa kaaŋa kaaŋa jero mogi. Kotumotuegia morota morota ii aŋa aŋa mendeema kuuya kotuegoŋ oŋono. Kiaŋ.

Jeikobnoŋ komuro.

29Kotuegoŋ oŋoma nama qaa kokaeŋ jeŋ kotoŋ oŋono: “Anutunoŋ mono nuano niinoŋ isi alauruna komugiti, iyoŋowo toroqemambaa anjeŋ. Noo qamona ii mono maŋuruna yoŋoo kooroŋgianoŋ kobaa Hit eja Efrombaa baloŋ korianoŋ eji, iikanoŋ roŋ koma nombu. 30Kobaa ii Keinan balonoŋ Makpela baloŋ korianoŋ Mamre kosianoŋ eja. Aabrahamnoŋ baloŋ koria kobaayawo ii isinanaa qasiria ewaatiwaajoŋ Hit eja qata Efron iwaanoŋga sewaŋa mero.

31Aabraham ano embia Saara ii kobaa iikanoŋ roŋ koma oroŋgi. Kaaŋagadeeŋ Aisak ano embia Rebeka ii iikanoŋ roŋ koma oroŋgi. Niinoŋ toroqeŋ Lea iikanoŋ roŋ kombe. 32Aabrahamnoŋ namo koria kobaayawo ii wala Hit yoŋoonoŋga sewaŋa merota eja.” 33Jeikobnoŋ merauruta qaa kaeŋ jeŋ kotoŋ oŋono tegoro kanawoita hororo duŋ eeyanoŋ uro goroŋ qeŋ komuro Anutunoŋ wano isi alauruta yoŋoonoŋ toroqero. Kiaŋ.

Artistic illustration — an interpretation, not a historical record.

Did you know?

Last Blessings for Israel's Twelve Tribes

  • Jacob's sayings play on the meanings of his sons' names. Judah (Hebrew Yehudah) comes from Leah's words, "Now will I praise" (odeh), and Jacob says that Judah's brothers will praise him. Dan's name echoes his mother Bilhah's "God hath judged me" (dananni); Jacob says Dan will judge, or provide justice for, his people, and Easton's Bible Dictionary (1897) suggests this probably alludes to Samson, a later judge from the tribe of Dan.Sources: Judah (patriarch) · Dan · the Bible text itself
  • The chapter calls each speech a blessing, yet some are stern. Reuben, firstborn of Jacob and Leah, whose name means "Behold a son!", is told he will no longer excel because he defiled his father's bed. Simeon and Levi, who took violent revenge on Hamor and the Shechemites, hear their anger cursed and are told they will be dispersed in Jacob and scattered in Israel; the Authorized Version's "they digged down a wall" is rendered in the Revised Version "they houghed an ox," as this chapter says they hamstring oxen.Sources: Reuben · Simeon · Levi (patriarch) · the Bible text itself
  • Jacob then asks to be buried with his fathers in the cave in the field of Ephron the Hittite, which Abraham bought as a family grave. Machpelah, a name understood to mean "portion" or "double cave," stood on a hillside east of Hebron, facing Mamre in the land of Canaan. Abraham and Sarah, Isaac and Rebekah, and Leah were already buried there.Sources: Machpelah · Ephron · Mamre · the Bible text itself

Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.

Places in this chapter

  • Shiloh · Today: Khirbet Seilun · 32.056, 35.290 · verse 10
  • Sidon · Today: Sandikli archaeological site in Sidon · 33.561, 35.372 · verse 13
  • Canaan · 32.767, 35.333 · verse 30
  • Machpelah · Today: Cave of the Patriarchs · 31.525, 35.111 · verse 30

Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).

Credits and license for this translation
Uumeleembaa Buŋa Tere Soomoŋgo Gbilia
The New Testament and portions of the Old Testament in the Borong Language of Papua New Guinea
Sampela hap Buk Baibel long tokples Borong long Niugini
Copyright © 2002, 2011 The Bible Society of Papua New Guinea
Language: Borong
Translation by: Wycliffe Bible Translators
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2015-01-26

Source: http://png.bible/ksr/ · eBible.org

Talk to us

Tell us where you read from, how the Bible has helped you, or what we could improve. We read every message.