Nations Bible

Matthew 8

Buk Niu In Hida Balu nol Dehet deng Apan-kloma ki in Dadi ka · Tap a verse to see its cross-references.

Lamtua Yesus tao banan atuling in iil baih-bluku mesa

1Yesus niu deng leten na kon, atuli hut mamo maas leo-leo le lakos muid Una. 2Nahkitu lam, atuling in iil baih-bluku mes maa saol Yesus. Hidim un hai buku ka le nodan tulung se Yesus noan, “Tuang nge! Tulung auk le! Etan Tuang tade kam, tao ilang bel auk ili lia, le atuli nikis auk bakun na, halin auk kon bisa taam laok kohe-kanas pait se um in kohe-kanas sua.”

3Ming ela kon Yesus doong ima ka, le kapas atuling in iil baih-bluku na, hidim aa noan, “Auk tade! Ku banan tia!” Kon suknahkitu lam, atuling na ili la ilang meman. 4Hidi nam Yesus tekan noan, “Nangan ne! Ku banan son, mo boel tek atuil deken le. Ku musti daek muid upung Musa atorang nga muna. Tiata ku lako se tulu agama lua, le un tinang ku apam ma, halin un tana noan ku ili la ilang baktetebes son, tam lo bii ka. Hidim ku musti bel sa-saa in todan-lahing, le daid taad in nodan mamo, halin totoang atuli li taan noan, ku banan baktetebes son.”

Lamtua Yesus tao banan komendan tentara Roma las mes ana in dake

5Hidi na kon Yesus taam lako kota Kapernaum. Se na, muik komendan tentara Roma mesa, maa le nodan tulung noan, 6“Tuang nge! Auk atulin in dake mes heda ngele isi ne uma lua. Un haung nal deng maan in nini ku lo, undeng un boel lo isi.”

7Yesus situn noan, “Banan! Maa le lam Auk tia tao banan una.”

8Mo komendan na tek noan, “Tuang! Tuang kae-kae le laok deken tia, ta auk tatai in sium Tuang se auk uma lua lo. Sadi Tuang aa tuun deng nia, tiam auk anang in dake ku, banan meman. 9Auk taan dais nia, undeng auk tuang ngas muik kuasa le prenta au. Nol auk kon muik kuasa le prenta auk tentara las. Eta auk prenta auk ima-ii las noan, ‘Laok se nua!’ Lam taon elola ko oen lakos. Eta auk tekas noan, ‘Maa se nia!’ Lam taon elola ko oen maas. Nol eta auk tadu auk atulin in dake ngas noan, ‘Daek nia!’ Lam taon elola ko oen daek ela. Tiata sadi Tuang aa tuun kon no, taon elola ko auk anang in dake ku, banan meman.”

10Ming ela kon Yesus herang. Un aa nol atuil hut mamo man in muid Una ngas noan, “Herang nge! Nesang ngi eli son, mo Auk tutnaal atuil Yahudi mes lo kon, man parsai ka muun el atuling Romang nia! 11Hii ke! Ta mam muik atuil likun el atuling Romang nia, man maas deng leo-sake nol deng leo-dene, le daad kaa fesat leo-leo nol upung Abraham, upung Isak, nol upung Yakob se Ama Lamtua Allah um in ne sorga kua. 12Ama Lamtua Allah huil atuil Yahudi las le daid Un atulin son kon no, muik mamo nabale, man dai muid Un lo. Mam Un hutun soleng oen lakos se maan in mitang-mames sa. Se na, oen lilu mumuun nol susa-daat isi.”

13Aa hidi ela kon, Yesus tek komendan na noan, “Ku pait tia. Ta ku anam in dake ka banan son, muid ku in parsai ka.” Tom nol oras na lam, komendan tentara Romang na ana in dake ka banan meman.

Lamtua Yesus tao banan atuil ili hut mamo

14Hidim oe mesan na, Yesus lako se Petrus uma. Un ngat tam, Petrus been na nini se hadang dapa, lole un hed otot. 15Yesus kil un ima ka kon, blalan bihatang na in hed otot ta, banan meman. Hidi kon un hangu, le lako tutan-lau Yesus nol Un nenan nas.

16Lelo la senet kon, atuli las kil nol oen atulin in tom uikjale kas maas. Kon Yesus prenta uikjale kas noan, “Hoeh uikjale! Putim nodat deng nia.” Kon nam uikjale kas putis meman. Un kon tao banan atuil in ili ngas totoang. 17Un tao nias totoang, le daid muid asa man hmunan nu Ama Lamtua Allah mee-baah Yesaya la in dul meman son noan,

“Un tao banan kit ili las.

Nol Un lepa-haal bel kit in susa-daat tas.”

Atuil in le muid Lamtua Yesus sa, musti mudin nol baktetebes

18Hidi na kon, Yesus ngat tam atuli hut mamo maas le dil pukiu Una. Ta Un lok Un ima-ii las noan, “Maa le kit luan laa lakong tubu halin nua.”

19Kon muik guru agama mes maa aa nolan noan, “Ama Guru! Ama laok elol tuun kon, auk muid napiut Ama!”

20Mo Yesus situn noan, “Banan kon! Mo nangan elia. Totoang atuli li nol hmukit tias, muik oen maan in dili-dada esa. Ngot huin pait lako un bolo. Kee-tilu pait lako un hno. Mo Au, Atuling Baktetebes sia, muik uma esa le pait lakong se lang lo. Maan in tian bon kon, muik lo.”

21Hidim atuli mes didang pait, man mudi-muid Una, maa nodan noan, “Tuang! Auk le muid Tuang, mo natang le auk pait laok urus auk ina-amang nguas muna le. Eta auk amang nga mate son, halas-sam auk muid Tuang.”

22Mo Yesus tekan elia, “Nang le atuil in dai muid Ama Lamtua lo ngas puan atuil in mate ngas. Ta eta ku le muid Au lam, ku musti muid nol baktetebes!”

Lamtua Yesus kaing angin tuan na le ete

23Hidi na kon Yesus sake lako lui la dapa, leo-leo nol Un ima-ii las. 24Oras oen luan laa, le sao bus el tubu ku halin nua ka, Yesus niin nala. Nesang lo kon, angin tuan na huu maa. Len na hiip tamang ui se lui la dalen. 25Net ela kon ima-ii las buk-bangun Una, le tekan noan, “Tuang! Tuang! Haung le tulung kaim le! Ta kit le mel mateng son nian!”

26Kon Yesus situs noan, “Hoe, tasao le mi lii isi kia!? Mi parsai Auk lo ke?” Hidim Un hangu dili, le kaing angin na, nol len na noan, “Tenem tia!” Kon nam, len na nol angin na, ete meman.

27Ti Yesus ima-ii las herang. Oen tek apa noan, “Huih, Un niam asii le? Taon elol le Un kaing angin ni nol len nia lam, daid muid Un in koma ka lia?”

Lamtua Yesus tao banan atuil in tom uikjale at dua

28Nesang lo kon, oen lakos lius se tubu ka halin na, se atuil Gadara las dale ka. Se na, muik atuli at dua man tom uikjale. Oen daad se liang baut deng atuil in mate ngas. Oen duas nam daat isi, didiin muik atuli mes lo kon, man brain laok deng maan na. Oen ngat net Yesus maa kon, 29oen ahan noan, “Hoe! Ama Lamtua Allah Ana! Tasao le Ku maa poe-pet kami lia? Oras in hukung kami ka maa lius lo bii, mo Ku le maa tao bosor kaim son nia ke!”

30Dadani se na, muik bahi mamo mukan-mukan dale, le nuting in kaa. 31Kon uikjale nas nodan Yesus noan, “Eta Ku le nulut kami lam, tadu kaim taam lakom se baih nuas!”

32Kon Yesus prentas noan, “Laok tia!” Hidi kon uikjale kas lail putis nang soleng atuil at dua nas, hidim taam lakos se bahi las. Kon nam, baih nas lail dadahut nius deng leten na suut ta, le pul taam lakos tubu ka dalen. Tiata oen mel mates totoang se na.

33Net ela kon, atuil in doh bahi la ngas, lalis pait lakos ingu lua, le nahdeh atuli las deng asa man oen in neta ngas totoang. 34Ming oen in dehet ela ka kon, atuli hut mamo puit lakos se maan na. Oen tutnaal Yesus, kon oen hanet Un le halin lako bian deng oen mana la.

Artistic illustration — an interpretation, not a historical record.

Did you know?

Healings, faith, and the sea

  • Capernaum, which Jesus enters in this chapter, was a Galilean city not named in the Old Testament. Easton's Bible Dictionary (1897) says it became his “own city” after he left Nazareth, and it lists the centurion’s appeal and the healing at Peter’s house among the events set there.Sources: Capernaum · the Bible text itself
  • Jesus says that many will come from east and west to share the banquet with Abraham, Isaac, and Jacob in the kingdom of heaven. Easton's Bible Dictionary (1897) calls Abraham the son of Terah and heir of the promises, Isaac Abraham’s only son by Sarah, and Jacob—also known as Israel—the younger twin son of Isaac and Rebekah.Sources: the Bible text itself · Abraham · Isaac · Jacob (Israel)
  • Matthew presents that evening’s healings as fulfilling words spoken through the prophet Isaiah: “He took on our infirmities and carried our diseases.” Easton's Bible Dictionary (1897) identifies Isaiah as the son of Amoz, who prophesied in the reigns of Uzziah, Jotham, Ahaz, and Hezekiah.Sources: the Bible text itself · Isaiah

Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.

Places in this chapter

  • Gadara · Today: Umm Qais · 32.656, 35.679 · verse 28

Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).

Credits and license for this translation
Buk Niu In Hida Balu nol Dehet deng Apan-kloma ki in Dadi ka
Genesis and the New Testament in Helong
Kejadian dan Perjanjian Baru dalam bahasa Helong
copyright © 2011 Unit Bahasa dan Budaya
Language: Helong
Translation by: Wycliffe Bible Translators, Inc.
This translation is made available to you under the terms of the
Creative Commons Attribution-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not make any derivative works that change any of the actual words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2022-03-11

Source: http://ebible.org/hegNTpo/ · eBible.org

Talk to us

Tell us where you read from, how the Bible has helped you, or what we could improve. We read every message.