Matthew 4
Buk Niu In Hida Balu nol Dehet deng Apan-kloma ki in Dadi ka · Tap a verse to see its cross-references.
Uikjale kas laih tuan na sob Lamtua Yesus
1Hidi na kon, Ama Lamtua Allah Koo Niu ka kil nol Yesus lako se maan in ete tuun mesa, le halin uikjale kas laih tuan na sob Una. 2Se maan na, Un telang lelo buk aat dedeng buk aat. Kon nam Un lubu isiꞌ. 3Nikit Un lubu ela kon, uikjale kas laih tuan na maa sob Una, noan, “Ku niam baktetebes Ama Lamtua Allah Ana ke? Etan baktebes sam, tadu baut nias le daid in kaa tia.”
4Mo Yesus situn noan, “Dulan son ne Ama Lamtua Allah Buk Niu ka noan:
‘Atuli li nuli deng kakaat sii lo.
Molam oen musti hii-ming se Ama Lamtua Allah in Teka-teka ngas kon,
nol daek muid Un in koma ka.’”
5Kon nam uikjale na kil nol Yesus lako se kota Yerusalem, Ama Lamtua kota niu ka. Hidim un nol sakeng Yesus lako se Um in Kohe-kanas Tene ka dapa, se maan in lapa dudui ka. 6Uikjale ka tekan elia, “Eta baktetebes Ku niam Ama Lamtua Allah Ana kam, olan Ku pul niu lako dale ku tia. Ta muik dulan ne Ama Lamtua Allah Buk Niu ka noan,
‘Mam Ama Lamtua Allah lek Un ima-ii in deng sorga nguas,
le doh Ku.’
Ne Ama Lamtua Allah Buk Niu ka kon muik in dula noan,
‘Mam oen tod iman nas le tahang Ku,
le halin Ku apam ma iil deken, nol Ku iim ma tom se baut deken.’”
7Mo Yesus situn elia, “Muik in dula ne Ama Lamtua Allah Buk Niu ka noan,
‘Ama Lamtua Allah na mo, Tuang deng atuli li totoang,
Tiata ku boel sob Un deken’”.
8Kon uikjale na kil nol Yesus lako se leten in lapa dui mes dapa lolen. Hidim un tulu bel Yesus totoang nusa in ne apan-kloma kia ngas, nol oen in leko-banan nas totoang. 9Tulu hidi nas totoang kon, uikjale ka tekan noan, “Sadi Ku hai bukum ma le todan se au, lam mam auk bel Ku nas totoang.”
10Mo Yesus baet un noan, “Hoe uikjale! Ku lako nodat deng maan ni tia! Ta Ama Lamtua Allah Buk Niu ka tek noan,
‘Ku musti todan-lahing se Ama Lamtua Allah,
nol ku musti daek taung Un sii.’”
11Ming ela kon uikjale na haung boka lako nang soleng Yesus. Mo nahkitu lam, Ama Lamtua Allah ima-ii mes deng sorga maa le lii-lau Una.
Lamtua Yesus mulai tui se Galilea
12Dedeng na lahing Herodes sa tamang Yuhanis in Sarain Atuli ka se bui dalen. Nikit Yesus ming haup ela kon, Un pait lako Galilea. 13Un lako se Un ingu la, iung Nasaret, hidim Un lako napiut le daad se Kapernaum. Iung na ne tubu Galilea suut ta, ne Sebulon nol Naftali dale ka. 14Nini ela, Un tao muid Ama Lamtua Allah mee-baah Yesaya la in dul meman son noan,
15“Dale Sebulon nol Dale Naftali,
man dani nol tubu Galilea, ne palun Yordan halin leol-denen.
Atuil Yahudi lo kas daad ne as.
16Oen nulis ne mitang dalen,
mo halas ni oen net Langa ka son.
Lole Langa ka kaloe son,
bel totoang atuil man taan Ama Lamtua Allah lo bii ngas.”
17Ninin deng oras na kon, Yesus tui atuli li noan, “Mi musti bali kudi le nang soleng mi in kula-sala ngas, le nuil niu tia! Ta halas ni asii tukun, bisa tama daid Ama Lamtua Allah atulin son.”
Lamtua Yesus haman atuil in nuting ikan at aat le muid Una
18Neot mesan na, Yesus laok muid tubu Galilea suut ta. Kon Un tutnaal atuli at dua pali-kaka. Mesan na ngala Simun, mo atuli las taom haman noan Petrus. Nol un palin na, ngala Anderias. Oen saal ikan se tubu ka, undeng oen duas na mo atuil tasi. 19Kon Yesus haman oen noan, “Maa, le muid Au! Taom mi nuting ikan, mo Auk le tui mi halin daid atuil in nuting hmangi.” 20Ming ela kon, oen duas nang soleng oen sala la, le lakos muid Yesus meman.
21Hidi nam Yesus laok napiut bubuit pait, kon Un ngat net Sabadeus anan nas. Kaka la ngala Yakobus nol palin na ngala Yuhanis. Oen duas leo-leo nol oen aman na tao babanan pukat ta se oen lui la dale. Kon Yesus haman oen duas le muid Una. 22Ming ela kon, oen nang soleng oen aman na nol lui la, le lakos muid Yesus.
Lamtua Yesus tui atuli las nol tao banan atuil in ili ngas
23Hidi nam, Yesus nolas laok papmes propinsi Galilea, le Un tui se atuil Yahudi las um in kohe-kanas sas. Un tui deng Ama Lamtua Allah Dehet Dais Banan na, nol tek puting lalan elol le halin nam atuli li bisa daek muid Ama Lamtua Allah in prenta ngas. Un kon tao banan atuli las deng oen ili koed-ngasing ngas. 24Nesang lo kon, dehet deng Yesus in tao ela ka, holhising lako papmes propinsi Siria. Kon nam, atuli las kil nol oen atulin in iil bili-ngala ngas maas bel Yesus. Oen kon kil nol oen atulin in tom uikjale, nuin laen nol hlukut-kait tas. Ti Yesus tao banan oen totoang. 25Dedeng na, atuli hut mamo muid Una. Oen maas deng propinsi Galilea, nol deng dale Dekapolis, man oen noken kon noan, Kota Hngulu. Tenga las pait, maas deng kota Yerusalem, propinsi Yudea, nol deng palun Yordan halin na.

Did you know?
From the Wilderness to the Shores of Galilee
- The tempter in this chapter is called both the devil and Satan, a name meaning "adversary" or "accuser." A Bible dictionary notes that in the New Testament Satan is used interchangeably with the devil, and that he tempted Jesus in the wilderness. After fasting forty days and forty nights, Jesus refused demands to turn stones into bread, to throw himself from the pinnacle of the temple, and to worship Satan in exchange for the kingdoms of the world, answering from Scripture until the devil left and angels ministered to him.Sources: the Bible text itself · Satan
- When Jesus heard that John had been imprisoned, he withdrew to Galilee, left Nazareth, and settled in Capernaum, by the sea in the region of Zebulun and Naphtali, a move that Matthew links to words spoken through the prophet Isaiah. A geographical note explains that Galilee remained long occupied by its earlier inhabitants and so came to be called "Galilee of the Gentiles." Capernaum is not mentioned in the Old Testament; a place entry says that after Jesus was expelled from Nazareth it became his own city.Sources: the Bible text itself · Galilee · Capernaum
- Walking beside the Sea of Galilee—a lake that the Gospel of John also calls the Sea of Tiberias, about twelve and a half miles long—Jesus called two pairs of brothers who worked as fishermen. Simon, called Peter, and Andrew were casting a net; a Bible dictionary notes that Andrew, from Bethsaida, had first been a disciple of John the Baptist, and that the two brothers did not become Jesus' stated attendants until after John's imprisonment. Farther along, James and John, sons of Zebedee, were in a boat with their father mending nets; Jesus called them, and both pairs left their work and followed him.Sources: the Bible text itself · Andrew · James (Son of Zebedee) · Sea of Galilee
Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.
Places in this chapter
- Jerusalem · 31.777, 35.234 · verses 5, 25
- Galilee · 32.760, 35.527 · verses 12, 13, 15, 23, 25
- Judea · Today: Judea 1 · 31.777, 35.234 · verses 12, 25
- Nazareth · 32.702, 35.298 · verse 13
- Jordan · Today: Jordan River · 31.761, 35.558 · verses 15, 25
- Sea of Galilee · 32.819, 35.590 · verse 18
- Syria · Today: Syria 2 · 33.511, 36.306 · verse 24
- Decapolis · 32.717, 35.800 · verse 25
Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).
Credits and license for this translation
Buk Niu In Hida Balu nol Dehet deng Apan-kloma ki in Dadi ka Genesis and the New Testament in Helong Kejadian dan Perjanjian Baru dalam bahasa Helong copyright © 2011 Unit Bahasa dan Budaya Language: Helong Translation by: Wycliffe Bible Translators, Inc. This translation is made available to you under the terms of the Creative Commons Attribution-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not make any derivative works that change any of the actual words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2022-03-11
Source: http://ebible.org/hegNTpo/ · eBible.org