Nations Bible

Genesis 48

Nacom Pejume Diwesi po diwesi pena jume diwesi xua Jesucristo yabara tinatsi · Tap a verse to see its cross-references.

Manaseswanba Efrainwanba Jacob Mayanguen Tabig Kønrrai Tranøb

1Indig kan maya yanayugøsrøn Joséwane trenchibelø køn:

—Ñui møskaimbe kwanrrø tsun— cha.

Inchen Josébe nui møskawan ashchab ippe, nui pagatø nuskalø Manaseswanba, Efraínwanba pera ibig køn.

2Inchen Jacobwane eshkabelø køn:

—Ñui nusrkai José ñun ashchab pun— cha. Inchen nøbe ke kaimatøzhig købendø, truba tranrra, camayu kurra, wamisra, 3Joséwan trenchibig køn:

—Maramburab Marøb Tiusbe Canaán pirau Luz ciudayu kenamisra, nane mayanguen tabigwan trana, 4øyeeg cha kørrømisrig køn cha: “Nabe ñune ureg purø nørrø tøgagønrrai marøb, misag søtømera purø nørrø kønrrai maramønrrun cha. Incha nabe ñuinukkurri amrrub misaamerane i pirøwan tranen, managatig i pirøbe nømuin kønrrun” taig køn cha.

5Na ñiba tsunrrab arrumøwatø, ñui pagatø nusrkalø yu Egipto pirau kal-lawa ureemera tru Efraínba, Manasesbabe nai ureemera misran cha, Rubénba, Simeónba naielø køb lataitøwei. 6Inchen ñi tru wendau ureemera tøgagui nusrkaløbe ñuielø kønrrun cha. Incha nømbe Efraínweimba, Manasesweimba nunelø kuig køppe, truilai munchiyu pirø ketig utønrrun cha

7Nabe Padan Aramgurri katøle arrub megaben, ñui usri Raquelbe kwaig købig køn cha, Efrata ciudayu pumig ke lamøtø paløben. Inchen nabe Efrata may menda sørig køn cha. Truibe tru Belén kuinrre.—

8Incha Israelbe Joséwei nusrkalan ashiptinchabe, payibig køn:

—¿Iiløbe mumera køh?— cha.

9Inchene Josebe trenchibig køn:

—Iiløbe nai nusrkalø køn cha, nan yu Egipto pirau Tius keta traniilø.—

Inchen Israelbe trenchibig køn:

—Naimay kemalingaru cha, na purø tab indigwan trannrrab— cha.

10Israelbe yandø purø kølliizhig kuig kua, yandø nui kabzheeløbe tør pilømuben, tab ashchab kaimabig købig køn. Inchen Josebe nui ureemeran nui møskaweim pulu kemalsrøben, nøbe muchab, irab inchibig køn.

11Inchabe Israelbe Joséwan trenchibig køn:

—Nabe ñun asamuitamappe isumuig køn cha. Inchendø Tiusbe nane ñui ureemeranbaguen asamig kønrrai martan— cha.

12Inchen Josébe uregwan nui møskawei srøb utøyugurri tarømarøppa, kappaløwan pirausrø kebatamnegatig utsøbasrøbig køn

13Incha Josébe nui pa nusrkalan Efraínwane nui kusrmay tasiitøga, Manaseswane nui atsitøga kemøra møskawei pulu pønsrøbig køn. Tru øyamay Efraínbe Israelwei atsimaygatømay pasramisren, Manasesbe kusrmaygatømay pasramisrøbig køn. 14Treeg pønsraindøgucha Israelbe nui kwalmeran ambumay imay yunømarøppa nui kusrmay tasigwane Efrainwei turbala estsarøbig køn, wendø nusrkain kuindøgucha. Nui atsimay tasigwane Manaseswei turbala estsarøbig køn, truibe mayur nusrkain kuindøgucha.

15Incha Joséwane i wammeratøga maya nuguen tabiitø, tabiitø nebuig kønrrai øyeeg chib tranøbig køn:

—Nai møskalø Abrahamba, Isaacba nui merrab amønai Tius, tru nan kal-lainukkurri møingatig nan chi kømønrrai ashib tøga pasrab, katø na muba yamigwan eshkab pasrab Tius, 16tru nan chine kaig pubigugurri wesrub Ángel i pagatø matsøreg-ureemeran maya nuguen tabiitø nebuig kønrrai martrunrrig chib. Incha iiløgurri nai munchiba, nai møskalø Abrahamweimba Isaacweimba munchimerabe pønrrabig pønrrønrrun cha. Nømbe pirau nørrø karrab purø nørrø larrøbitchai.

17Inchen Josebe nui møskaimbe nui kusrmay tasigwan Efraínwei turbala estsari ashabe, tab kømui inchibig køn. Incha møskawei tasigwan Efraínwei turbalagurrimba Manaseswei turbalagurrimba yunømara, estsartrai inchibig køn. 18Incha Josébe møskawane trenchibig køn:

—Øyan kømøtø cha, iig køn cha, mayurbe iigweimbala ñui kusrmay tasigwan estsar— cha.

19Inchen møskaimbe treeg marmønrrab trenchibig køn:

—Ashar cha, nai nusrkai, ashar cha. Manaseskucha misag nørrø larrøbitchabiitøwein køn cha, katø nøgucha larrø nuitøwein kønrrabig kua. Inchendø wendø nuneebe nø lataikken søtømera kønrrun— cha.

20Incha tru kwaløm Jacobpe mayanguen tabiitø nebuig kømigwan øyah chib tranøbig køn:

—Israel misaamera mayanguen tabig nebuig kømigwan nøm tranøppe, ñimui munchiwan wamab tøga pønrrønrrun cha: “Efraínwanba, Manaséswanba lataitøwei, Tius ñimun treeg martrain”— chib. Incha Manaséswan wendau pasra, Efraínwan merrab pasrig køn. 21Incha trugurri Israelbe Joséwan trenchibig køn:

—Nabe yandø kwanrrainchar cha. Inchendø Tiusbe ñimba pasrøwa, nøbe ñimune ñimui møskalai pirømerasrømay katøle amrrai martrun chibig køn.

22Incha nabe ñui nunelan lataguen kømø, ñibe purab nuig kuikkurri Siquén pirøwan, amorreosmeraba na truba truba nai espadatøgaba, nai arcotøgaba kwayawa tøgaguim pirøwan tranar— cha.

Artistic illustration — an interpretation, not a historical record.

Did you know?

Adoption and Blessing of Ephraim and Manasseh

  • Jacob reckons Joseph’s two sons, born to him in Egypt, as his own, on a level with Reuben and Simeon, Leah’s sons. Children born to Joseph after them were to remain Joseph’s, and were to be called by their brothers’ names in the territory they inherited.Sources: the Bible text itself · Manasseh (son of Joseph) · Reuben · Simeon
  • Manasseh was the elder son and Ephraim the younger, born in Egypt. The name Ephraim means double fruitfulness, because God had made him fruitful in the land of his affliction. Though Israel could hardly see for age, he crossed his hands, laid his right hand on Ephraim, and insisted that the younger brother would be greater.Sources: the Bible text itself · Ephraim · Manasseh (son of Joseph)
  • Jacob recalls that God Almighty appeared to him at Luz in the land of Canaan and blessed him there. Luz was the ancient name of a royal Canaanite city near Bethel, where Jacob halted and received a prophetic vision. He also remembers Rachel, Joseph’s mother, who died to his sorrow on the way back from Paddan—a name found only in this verse, for Padan-aram—and whom he buried beside the road to Ephrath, that is, Bethlehem.Sources: the Bible text itself · Luz · Paddan · Rachel

Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.

Places in this chapter

  • Canaan · 32.767, 35.333 · verses 3, 4, 7, 21
  • Luz · Today: Beitin · 31.923, 35.241 · verse 3
  • Egypt · 30.129, 31.308 · verses 5, 9
  • Bethlehem · 31.704, 35.208 · verse 7
  • Ephrath · Today: Bethlehem · 31.704, 35.208 · verse 7

Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).

Credits and license for this translation
Nacom Pejume Diwesi po diwesi pena jume diwesi xua Jesucristo yabara tinatsi
New Testament in Guambiano
copyright © 2010 Wycliffe Bible Translators, Inc.
Language: Guambiano
Translation by: Wycliffe Bible Translators, Inc.
Copyright Information
© 2010, Wycliffe Bible Translators, Inc. All rights reserved.
This translation text is made available to you under the
terms of the Creative Commons License: Attribution-Noncommercial-No Derivative Works.
( http://creativecommons.org/licenses/by-nc-nd/3.0/ )
In addition, you have permission to port the text to different file formats, as long as you
do not change any of the text or punctuation of the Bible.
You may share, copy, distribute, transmit, and extract portions
or quotations from this work, provided that you include the above copyright
information:
You must give Attribution to the work.
You do not sell this work for a profit.
You do not make any derivative works that change any of the actual words or punctuation of the Scriptures.
Permissions beyond the scope of this license may be
available if you contact
us with your request.
The New Testament
in Guambiano
© 2010, Wycliffe Bible Translators, Inc. All rights reserved.
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2014-04-25

Source: http://ebible.org/gum/ · eBible.org

Talk to us

Tell us where you read from, how the Bible has helped you, or what we could improve. We read every message.